أذكر نفسي وأذكرك أختي الكريمة بكثرة الاستغفار. أنا عمري ٣٢و الحمد لله على قضائه. انا كنت مخطوبةو تفركشت الخطبه و مع أني تألمت بس حسيت أنه لخير فدائما أقول لعله خير.
و أحب أن أوجه كلمه للأخ الكريم free man أنه عدم التعدد مش هو سبب تأخر زواج الفتيات, تأخر الزواج له عدة أسباب أهمها البعد عن الدين, و تربية العرب الخاطئة لأبنائهم. حيث تجد العرب الله يهديهم بربو البنت من هية و باللفه على العيب والحرام و دروس في الأخلاق و حسن التعامل لهون منيح كتير كتر الله خيرهم, بس لما تيجي للولد فسبحان الله من أول ما يطلع من بطن أمه بكون رجال ما بيحتاج تربية ولا تعليم و أصلا هو بس خلق لحتى يستمتع بالحياة و يجرب كل اللي نفسه فيه و ليش يستعجل على الزواج ما لاحق عالهم و المشاكل خليه يسافر شوي يتفسح يتعرف على بنات مش مهم ما هوه شب ما ببين عليه و بس يزهق من الدنيا و يصرف مصاريه بيصير بدو وحده ما بدا مهر ولا تكلف عليه و تحمد ربها أنه بدو يتجوزها كمان. طبعا أنا ما عم بعمم أنا بس عم بقول أنه هذا حال معظم العرب و أنامش عم بقول العرب لأني أنافرنسية وللا ألمانية بس بقول العرب لأنه هناك فرق بين العرب المتبعين العادات العربية الجاهلية و بين العرب المسلمين المتبعين أحكام خالقهم.
الله يهدي الجميع و يصلح حال الأمة