أنا لي كم يوم برد على موضوعك وكاتبة رد لك والحين أجي وألقى مستجدات قوية صراحة
رجاءً لاااا تظلم نفسك ولا تظلم بنت الناس الثانية
أولاً أنت مازلت مصدوم ومتضايق وتحن لطليقتك
والموضوع هذا كله علشانها تبي تشوف لحنينك حل وكنت بقولك تواصل معها قبل تكلم اهلها كحل اخير وعلشان ماتتضايق من ردة فعلها لو كانت بشكل علني
وبعدها لازم تعطي نفسك وقت يصفى ذهنك وترتاح نفسك وتقبل علئ زواج براحة واقتناع
القصة اللي صارت لك والخطبة والشوفة السريعة هذي ماتنفع
لاااااا تغلط هالغلطة مهما كان أبوها وعمها وجدها لأنك بكل بساطة بتتزوجها وماانت متزوج علمهم وهيبتهم
واكبر دليل طريقتك بالسخرية من موقفك وشوفتك والطفلة اللي خطبتها حتى لو كنت تمزح
صدقني زواجك ماراح يتم كما تتمنى لانه ممكن يمشي وينجح لكن بتفقد اشياء مهمة واهمها تذكرك لطليقتك وتشبيهك لبعض ملامحها من الطفلة اللي شفتها
وحنينك اللي مازال داخلك
أرجو إنك تتركد أكثررررر الزواج يبيله تكافئ اجتماعي وثقافي وتقارب عمري ومااعتقد يخاف هذا الشيء المهم
وحتى اللي يقولك أنت بتتزوجها ولا أهلها حنا ماعندنا تتزوجها وبس
حنا عائلتين يرتبطون بعض رضيت ولا مارضيت
يعني لازم توقف على أخلاق وصفات عائلتهم وتكون على بينة
لما تتأكد من كل هذا وتتأكد إنه قلبك وعقلك اقتنع فيهم وفيها اقبل على الوضوع وأسأل الله التوفيق
وإن كانت مازالت في بالك وحاس بتجي مواقف تذكرك بأشيائها الحلوة وبتبدأ تقارنأنصحك تتروى وأكررها لا تظلم نفسك وتظلم بنت الناس