السلام عليكم اخوي

اخوي انا قرات قصتك وانا لااكتب ردود الا قليل جدا ولكن قرات قصتك وحزنتني واستفزتني
اتمنى ماتزعل مني لكن بكون صريحة جدا معك ..

الله اعلم ماقد يحصل واتمنى لم الشمل

استفزتني بعض الردود مادري بعض الحريم تستكثر النعمه على نفسها ؟ ترضا بالقليل؟
ترضا بالراحة المادية على حساب راحتها النفسيه والزوجية وكرامتها ؟ فعلا استغربت ردود بعض
النساء .. والرجال بعضهم يحرض وكان الرجوله بالقسوة والتهديد والزواج من حرمة ثانيه !!


اخوي اتمنى ما تزعل مني لكن بكلمك بصراحه انت ذكرت
لنا كرمك لها وانت كريم فعلا بحدود المعقول ولكنك همشت
الاسباب الاساسية وجعلت الكثير يظن بانها مسالة استغلال وهو العكس
تماما لاني اشوف زوجتك مترفعه جدا واحسبها امراءه راقيه جدا وحساسة
واظن اكثر شي قهرها.. دايم انك تشتتها ثم كل مره تفكر بتراضيها بفلوسك

اخوي لاتزعل مني مو المادة هي كل شي ,,وكثير من النساء بوضع زوجتك المادي ترا
وضعها طبيعي مو اوفر ..بيت وخادمه يعني الاعضاء حسسوني بانه شي خارق!

اخي لانت كامل ولاهي كاملة .. وكل انسان موب كامل ..

انا ارى الاسباب وبنظري مقنعه وتسبب توتر نفسي قوي للمراه
1- الشك بينها وبين خالها
انا اشوفه جدا مقزز مقزز مقزز ولو مكانها انهرت من اول مالمحت لهالشيء انا متزوجه
واكلم خالي المطلق الفجريه عادي وانا يكلمني يشكي لي وكذا عادي زي اخوي الكبير وش المشكلة
ايش العقلية تمنعها عن خالها شي مريب ويخليها تشك بتركيبك النفسي يااخي

2- ثاني سبب الغيره الزائده قاتلة توءدي احيان للشك يااخي ومو كل النساء سوا ..
استغربت عضوه تفرح بهالشي بينما اخرى تكرهه كانه سجن وربي
يعني مثال جدا بسيط : امراه قالت عادي زوجها يمنعها تروح المول ؟؟!!
انا احس انها تعنت من الزوج ايش فيها !
رايت اختلاف النساء ياخي حسب حياتها وبيئتها وطبيعتها النفسيه

3- عصبيتك.. ببعض المواقف احسك معتد بنفسك كثير
ودائم تحسسها بانك متفضل عليها بشكل غير مباشر

4- والدك ومباشرته بانفعال وطرحه للطلاق بدون اهتمام ليته مادخل بالموضوع
وابوها ايضا .. احسه مايرضى بسهولة ! ومتعنت!

5- دائما سبب طلبك للرجوع الاولاد ياخي وربي يقهر
يعني انا مومهتم لك بس تعالي عشان الاطفال !! جب لهم مربية وفك نفسك
وش الفايدة اذا بس ترجعون عشانهم بدون ماتكون حابها وشاريها هي مو لعيالها!

اما اخر سبب ... ياخي
البعض ماعندها مشكله زوجها يتزوج عليها والبعض تتالم وتنحرق ولكن ترضى
والبعض تنحرق ولاتقبل المشاركه وتطلب الطلاق يااخي .. مجرد تلميحةللموضوع
تقتل اجمل المشاعر له ..

وانا ارى هذي الجمله تجمعت مع الاسباب السابقة لكن هذي الجمله فجرت الموضوع
وخلت اي موقف جميل منك سواء كرم او ثقه او امان او حب ينمسح ياخي
وربي قاتله ماتطلع من محب ابدا ! لو قالها زوجي ماعاد ابيه ولا طاريه

" أتزوج فرورة أضغر منك وأسكنها في بيتك ",,,

اي حب يخلي زوجي يقول كذا يعني ماله امان 6 سنين وانا توي بشبابي يهددني
ويقولي كذا خل افلت منه الحين قبل يسويها لافات الفوت !! جملة فيها كثير من اللؤم,
ياللة وربي جملة ماتطلع من زوج يحب زوجتة بصدق ماادري !!
الله لايسمعناها ياربي
والله يهدي بالك ويجمعك فيها وقلوبكم صافية على بعض يارب
مدري عن شخصية زوجتك ولكن مااظن الا انها امراءة تبي زوجا محبا لها واثقا بها ومخلص لها فقط بس هي
اتمنى ربي يجمعكم ويلتم شملكم على خير .. ولا مانع من المحاولة وان تكون ذوق مع عمك اكسبة..
مو عشانة عشان يمكنك من الجلوس معها والتفاهم معها .. بهدوء وحب ان شاءلله .

اخي اتمنى ماتزعل مني كلمتك بصراحة وبرائي الشخصي وكل شخص حر برؤيته للامور..