عندي سؤال

ليش دايما الكل يوصي المرأه المتزوجه او المقبله على الزواج

بأن تراعي زوجها وتهتم به ولا تزعل امامه ولا تضايقه بصراخ اطفاله

وان لا تظهر امامه الا جميله ونظيفه ومرتبه ولابسه احلى لبس

وان تتحنى وتتزين وتتطيب


وان تكتم كل ما يمكن ان يضايقه ولا تناديه الا بحبيبي



طيب كل هذا عرفناه وبنحاول نسويه .... لكن ليش ما تكون المرأه على طبيعتها بدون تكلف

يعني لما يكون مزاجها رايق وخاطرها تلبس وتسوي اللي تبغيه اوكي لكن مب لازم كل يوم وعلى طول مايصير

لو يشوفها وهي تعبانه في المطبخ وريحتها كلها طبيخ عشان يحس بتعبها ويساعدها في غسل الاطباق على الاقل


لو يراها وهي متضايقه ومتنكده علشان يطيب خاطرها ويراضيها بكلمه حلوه او يحفف عنها


شو ممكن يصير يعني ؟؟؟


ليش لازم تعامل الزوج وكأنه ملاك تشيله على كفوف الراحه من اول ما يدخل البيت

ليش يعني هي مب انسانه من دم ولحم واعصاب تزعل وتتضايق مثل الناس والا لازم تكتم ضيقها في قلبها وترسم ابتسامه رائعه وتلبس ثوب كله اغراء وتتعطر وتقابل زوجها ولا كأنها كانت قبل شويه تعبانه وهلكانه في المطبخ ومذاكرة العيال وتنظيف البيت لا ولازم بعد .... تتفاعل وياه في السرير وترضيه وتثني على اداءه الرائع وتشكر ه على وجوده معها !!!!!!!!!

ليش يعني ؟؟؟

__________________
"اللهم ارزقني بالزوج الذي هو خير لي وأنا خير
له في ديننا ودنيانا ومعاشنا وعاقبة أمرنا عاجله وآجله"