السلام عليكم ورحمة الله وبركاته
والله ترددت كثرا اكتب لكم مشكلتي لاني واااااايد منحرجة اشتكي لان هذه ثاني مرة اشتكي من زوجي نفس الشكوى بس من كثر همي والله وانسدت امامي كل الطرق وصارت حالتي النفسية الله وحده العالم فيها
من حوالي سنة تقريبا كنت كتبت موضوع اشتكي فيه من عدم رغبة زوجي في اللقاء الحميمي بيننا وقلت انه بيروح الدكتور يشوف حاله وبالفعل راح وشاف الدكتور وقاله مافيك شي وعطاه شوية مقويات وطبعا لعدم اهتمام زوجي بهالامر ما استمر اصلا على المقويات
انا جايه لكم اليوم اشتكي وانتم اهلي وادري بتساعدوني بعد الله في مشكلتي اللي اعاني منها منذ اول زواجي
حاولت وايد اتناسى موضوع الجنس بينا
واترك الموضوع واشغل حالي واااااايد والقاه يجي ببالي
مو عن شي الا لاني احس اني اكره نفسي
ليش وايد نساء بالدنيا تشتكي من رغبات زوجها الكثيرة وانا اللي حالي جذي؟
ما عندي اي شي اقدر اسويه اكثر من اللي سويته
والله خلاص رفعت الرايه البيضا
دلال واتدلل لبس والبس هجر وتمنع سويت زعل و مو نافع كلام بهالموضوع معاه ولا منه فايده
قلت خلاص انا اذا بيوم بعد مرور الشهر وشوي واذا يجي يقول انه يبيني برفض
بشوف وش اخرتها معاه
انا اللي اعرفه ان الرجال اذا كان بصدق وفعلا يريد العلاقة الحميمة مع زوجته ورفضت وتمنعت لاي اسباب يحاول بعدها بيوم يومين مو يقول فرصة جت منها وبس ترجع له الرغبة تكون بعد 10 ايام او اسبوع؟
والله صبرت وايد على نفسي وقلت بخليه يجيب اخر شي عنده وبظل اتحجج وارفض لين يفتح الموضوع ونتناقش
ومر شهرين ونص
طبعا ما طلبني فيهم غير بعد شهر ونص وبعد ما رفضت طلب مرتين يعني كل 10 ايام مرة واصده
لين جه اليوم قلت اوكي بس انت تدري انا ليش سويت جذي؟
ابيك تحس فيني
قال درس وتعلمت وحسيت وخلاص والسماح
وصار ويعلم الله اني ما كنت سعيدة ولا استانست بهاللقاء
بس سويتها عشانه
وقلت بترقب بشوف متى بيرجع يطلبني خاصة انه ما كان مصدق انه ما لمسني لمدة شهرين واكثر
وبس ذكرته قال انا مادري ما يجي ببالي مو عن قصد وانا ادري اني مقصر بحقك وانا اسف
كل هالكلام حلو بس حتى ياخذ اللي يبيه
وبالفعل رجع للبداية ولا كأن شي حصل
وانا اراقبه وانطر
ويوم قلت يا بنت الناس قومي اشحذي منه انتي
مثل اغلب المرات وخلي المركب تمشي
ورحت وصار بس لا تتخيلون بعدها شكثر كرهت نفسي
حسيت بالذل والمهانة
وقلت خلاص عطاني مرة عطيته مرة خليني انطر متى يطلب
ولا طلب
ناطر يمر شهر او يمكن اكثر
لا تتخيلون كل ليلة ابكي شكثر وصار البكى مو بس بالليل قام يشوفني بروحي ابكي وامسح دموعي حتى لا يشوفها
لاني الصراحة اخطأت وارتكبت معصية وهو اللي دفعني لها
اعترف وارجووووووووووووووووووووووووووووكم بكل غالي عندكم اقسم بالله عليكم ان ترحموني من اللوم
كافي اللي فيني
اعترف ان الفترة السابقة كلمت واحد كنت احبه قبل زواجي
رديت اكلمه كأصدقاء والله العالم ان بقلبي حب لي وانا اعلم انه لو كان يحبني كان تزوجني
وبس رجعت اكلمه بس بالموبايل يعني
كنت ابكي واااااااااااااااااايد مو متحملة الخيانة
والله كبيرة علي وايد وانا ادرى بعواقبها ونتايجها وعقابها عند الله
انا ما كان يهني زوجي اني اخونه
كان دايما يهمني ربي
طنت اموت وانا اكلمه وابكي وايد وهو يخفف عني لدرجة انه قالي لازم اشوف اخصائي نفسي يشوف حالتي
ورحت بالقعل وطلب يشوف زوجي
وزوجي ما كمل يوديني عنده
ولا قام يروح له
وانا ظليت على علاقه بصديقي اكلمه ليل نهار موبايل مسجات او نت
هو للعلم مو بنفس الديرة
يعني ما اشوفه ولا شفته من يوم تزوجت
بس حسيت اني احبه
وبس يقول كلمة حب حلوة استانس وانا بقرارة نفسي ادري انه ما يحبني
بس استانس اسمع هالكلام
احس برغبته وما احسها بزوجي
اقوم استعيذ بالله من الشيطان الرجيم
واقول انا بحاول مع ريلي واقوم ابعث له رسالة على موبايله
كلام حب واني ابيه وهو يظل برا ما يجي ولا يدخل الغرفة حتى يتأكد اني نمت
يا ناس يا عالم لو مريض كنت قلت بلاء من الله بس تاكدت انه مو مريض
وقالولي الاخوان بس ذكرت مشكلتي المرة السابقة انه ممكن يكون يمارس العادة السرية اقسم عالمصحف انه ما يسويها
ابشركم اني تركت صديقي هذا او اللي كنت مخدوعة بحبه
واصدقكم القول انه هو اللي تركني لاني مهزوزة والومه وايد وابكي وايد لاحساسي بجرم ما افعل
وللعلم كنت اكلمه وزوجي يمي عالسرير ولا يجي بباله يسأل منو هاللي ترسلين له رسالة بنص الليل او الي يرسلك رسايل طول اليوم
كنت اتمنى يسأل لدرجة اني بيوم قلت له انا لو بيوم خنتك لا تلومني
مرت عليه الكلمات عااااااااادي احسه مت يحس
الجديد اني من يومين قلت بصلي استخارة ووايد انا الحين تقربت لله صلاة وقرآن وهو شايفني
قام سألني شفيج عالصلاة وايد الحين؟
بنص الليل تقومين تصلين وتبكين على طول
قلت له اسمع
انا صليت استخارة ومارح يكون احسن من الله يختارلي الاحسن
انا ابي اتطلق منك
قام فزع وقال شتقولين انتي؟
قلت له مثل ما سمعت انا خلاص ما عدت قادرة اتحمل
قام علطول من نفسه يقول
عشان مافي علاقة بينا؟؟؟
قلت له يعني تدري وتدري انك ظالمني معاك وانا الصراحة مابي اخسر ديني وربي عشانك
قالي وانتي تبين كل يوم؟؟؟؟
تخيلوا؟؟؟؟
محسسني اني ابيه كل يوم
اللي ما يحس بقيمة الزمن
ما يشوف انه مايتذكرني الا كل شهر ونص شهرين
كنت بجن
قلت له انت اصلا انسان فاقد قيمة الزمن الايام كلها عندك مثل بعضها وعلى اي حال انا بشوف اللي الله كاتبه يكون
وكنت بالمناسبة لابسه قمبص نوم جديد وقصير ومسويه اللي علي يعني يمكن ساعتها يفكر
تخيلوا بعد هالكلام عطاني ظهره ونام
قدر ينام وانا بهالحال
والصبح لقيته شارلي ورد وباسني وقال انه يحبني
وبسسسسسسسسسسسس
يا ناس شاسوي معاه؟
اقسم بالله ان الصداع ما قام يتركني ورحت ل8 اطباء ومو عارفين حالتي يقولون هذا نفسي
وانا داخلي صراع مو متحملة الخيانة ولا متحملة علاقتي بزوجي بهالوضع
الله العالم بحالتي واشعة وادوية ورنين مغناطيسي ومسكنات وماكو فايدة
اجمع اغلب الاطباء ان هالصداع بسبب زعل ةمنهم من كلم زوجي وقاله انت مزعلها بشي؟
بتقولون طلاق؟؟؟
هذه ثاني مرة زواج لي ومابي اتطلق وماعاد بالعمر عمر حتى اتزوج غيره مع اني وللمرة الثانية اقول ولله الحمد اني جميلة جدا ويؤلمني سماع كلام الاعجاب والاطراء من الاخرين مو من زوجي
تعبت والله تعبت
وعندي بنت مابي احرمها من ابوها او احرمه منها
صلاة ودعاء اصلي والحمدلله مثل ما سبق وقلت تقربت لله اكثرويا رب يغفر لي ويتقبلني من التائبين
انا اتألم وما اعرف هل الافضل بحالتي فعلا الطلاق؟
شوروا على يا اخواني واخواتي والله انا عاجزة تماما عن التفكير
19-07-2011, 05:02 AM
وبأذن الله تظبط الامور وبعدين صفات زوجك حلوه لاتفوتينه علشان الجنس انتبهي تدمرين بيتك ...انت شوفي مشاكل البنات في المنتدى ظرب ومظروب احمدي ربك ولاتهدمين بيتك لو كان كل شي الجنس تلقين كل البيوت فيها بنات مطلقات انتبهي انتبهي واحمدي ربك والله انك في سعادة اقسم بالله اذا كان هذه مشكلتك فقط 
ضوابط المشاركة
العرض العادي
