السلام عليكم ورحمة الله وبركاته

أخواني أخواتي من جد محتاجه وقفتكم محتاجه احد يسمعني يفهمني لاني خلاص ماعاد فيني على

حمل الهم ... اعاني مشكله مع اهلي الا وهيه اوقات احس انهم ما يهتموا نهائيا بارتباطي باي شخص مو

مثل اي اهل خاصة الوالد تقدم لي شخص جات امه واخواته وانبسطوا كثير قام الوالد قال نسال عن الولد ونرد عليكم طبعا من حقه ودام هوه في نفس المدينه الموضوع ما ياخذ اكثر من اسبوعين واحس ان الوالد اخذ الموضوع بكل برود عدا الشهر الاول وجا الشهر الثاني ولا حرك ساكن وامي نفس الشي وانا صراحه ما باتجرأ واقول روح اسال المهم اتصلت اخته تسال امي عن قرارهم قالت امي والله لسا الابو ما سال بس نرد قريب وفي الاخير راح مقر عمل الولد وسال وعرف انه رجال خلوق ومتدين ومديره جلس يمدح فيه يقول والله لو عندي بنت كان زوجتها له طبعا رجع الوالد وقال لامي اتصللي عليهم وقوليلهم يجون لكن بعد شهرين احد يجلس يسال عن شاب شهرين لو انه في مدينه ثانيه كان عديناها لكن في نفس المدينه طبعا ردت عليها امه ان الولد خطب والله يوفق البنت من جد حسيت بغصه في قلبي وعدم اهتمام منهم المهم عدت السالفه وقلت يمكن خيره راحت الايام واتصلت وحده على الوالده وقالت انه في وحده تبغى تخطب بنتك المهم طبعا امي نفس الحكايه ما حسيت انه عندها هذاك الاهتمام ونفس الشي الحرمه مارجعت سالت لمن ما شافت انه مافيه رد وانا سااااااااااكته ,,, ماعلقت ولا قلت شي وانا متحمله وساكته يكفي عدم اهتمامهم فيه طول السنين لا في دراستي ولا تخرجي ولا حتى وظيفتي يجون في شي مهم وحساس كمان يتهاونون فيه مو معقوله حتى وحده من زميلاتي كانت بتموت وتبغاني لاخوها واخوها مو بس اخوها هذا اخوانها بصفه عامه رائعين ماشاء الله دين واخلاق ويكفي انهم طيبين مع اهلهم واخواتهم وتم رفضه بحجة انه مو قبيلي مع انه ما احس انه سبب لان الرسول قال بما معنى الحديث اذا جائكم من ترضون دينه وخلقه فزوجوه ما قال نسبه واصله من جد حسيت اني منبوذه الاهل يفرحون لا جا الرجل اللي ينشهد له بالاخلاق واهلي طنااااااااش والله ماهمهم ,,,, كثير ناس في مقر عملي يسالون الموظفات عني ولو قلت لامي عن وحده شافتني في المعهد وسالت عني تسكت ما تتكلم احس وقتها اني مو محط اهتمام مع ان كثييييييير ناس يهتمون لامري والله مو مدح في نفسي لكن من فضل الله ان الكل يشهد لي بالاخلاق والجمال لكن ما ادري ايش مشكلة اهلي لما شفتهم بهذي الطريقه تصرفت تصرف ما ادري هوه صح هوه غلط والله ما ادري لكن من القهر اللي فيني ما ادري هم وش يبغون اعنس والا ايش ثانيا يمارسون عليه ضغوط بالكلام والله انها تجلط المهم دخلت على احد مواقع الزواج تقريبا اعتبره موثوق فيه ودخلت وماليه الا اسبوعين الفكره اني الاقي الانسان المناسب اللي يفهم وضعي ويقدره والان فيه شخصين وكل شخص جاد اكثر من الثاني وكل واحد حاب يرسل اهله طبعا هم من نفس مدينتي لا تقولون ايش اللي خلاك تتصرفين هذا التصرف كله اللي قلته وشرحته كان سبب والسبب الادهى والامر اللي من جد خلاني انفجر انه وحده طلبت من جاره عزيزه على امي انها تكلمني عن ولدها لانها تبغاني له والولد خلوق تخيلوا ليش امي رفضته لانه من مدينه امي مو حابتها عاد وش رايكم في السبب امنتكم بالله مو شي يحرق الدم عشان كذا دخلت الموقع لعل الله يخرجني من الهم اللي انا فيه ومن الحياة اللي انا عايشتها والاقي شخص يقدرني ويفهمني ويقدر يتحمل تصرفاتهم الين نرتبط لان الناس على بالهم اني انا اللي رافضه مادروا ان المشكله في اهلي ,,,,, قولولي ايش اسوي من جد تعبانه بشكل ما احد يتخيله امس مانمت من مشكله صارت ويوم رجعت من عملي حطت امي حرتها فيه واليوم جيت الدوام وانا شكلي جدا تعبان والمفروض اني ارجع البيت ومارجعت جلست في الدوام لان دوامي فترتين ما ابغى اتكلم مع احد ولا عندي استعداد ارجع البيت اتناقش مع احد واكتب الحين وانا ابكي وحالتي بالهم قولولي ايش اسوي طبعا لا تقولون اذا لك اخوان كبار كلميهم انا اعتمد على الغرب ما اعتمد على اخواني بالمختصر المفيد كل واحد عايش حياته ولا هم دارين عن شي ,,, انا في حالة انفجار وغضب والله لدرجة اني الان احاول اتنفس لكن بصعوبه مدري ايش اسوي وكيف اتصرف من جد محتااااااااااااااااااره ....

تم تعديل العنوان ليتناسب مع المضمون / الاشراف ..

ياقلبي يارنيم ..
من كلماتك حسيت فيك مهمومة ومقهورة لآخر درجة ..
شوفي يالغالية ..
الحل الوحيد إنك تكلمينهم مباشرة وبوضوح ..
خليهم ينتبهون للي قاعد يصير ..
وحاولي تعرفي السبب في برودهم هذا ..


إنتي كم عمرك ..؟؟ وعندك أخوات متزوجات ..؟؟ كيف كان تصرف أهلك مع خطبتهم ..؟؟

حبيبتي بحرينه انا عمري 24 وانا اكبر البنات ماعندي غير اخت وحده اصغر مني ,,, انا من النوع اللي يستحي ويخاف ما اقدر اواجههم مره تناقشت مع الوالد في مسالة الحضري والقبيلي وانها ما تفرق وكلمته بمنطق وهدوء كان بيرميني بالطفايه اللي كان يدخن فيها وقام يصرخ لكن كلامهم مو منطقي ولا له اساس من الصحه ...

الله يعينك اختي
بس اتمنى لو انك تقعدين مع امك وتسألينها وشو سبب اهمالهم لموضوع الخطابين اللي يجونك واللي اعرفه ان البنت تتكلم مع امها بدون احراج في العاده...
وإذا انك محرجه خلي اختك الكبيره تتفاهم مع امك وتعلمها ...

وطبعا لا تنسين الدعاء ...

__________________

(ربي لاتذرني فردا وانت خير الوارثين )

حبيبتي انتفاضة قلب ماعندي اخوات كبار

حبيبتي ..
يمكن تستحي من الوالد ..
لكن والدتك شوي الموضوع اسهل إنك تكلميها ..
أتركي عنك حاليا موضوع الحضري والقبيلي ..
ركزي على سالفة إنهم يتعاملون ببرود مع موضوع خطبتك وزواجك ..
أسألي أمك متى ناويين تزوجوني ..؟؟
بعد ماينتهون العرسان ومحد يدق بابنا ..؟؟
وقولي لها : أنا اشوف الأمهات لما يجون خطاب لبناتهم يطيرون من الفرحة ويتمنون اليوم قبل باجر ..
لكن إنتوا العكس ..
تكلمي معاها بطريقة نقاش ..
أخذ وعطا ..
قولي لها جملتك وأسمعي وجهة نظرها ..
وهي تسمع وجهة نظرك ..
يا تقنعك أو تقنعيها ..
لازم في النهاية توصلين لنتيجة ...
على الأقل النتيجة هي معرفة السبب في برودهم ..

قلبي معاك ..

__________________
الأهم من أن تتقدم بسرعة هو أن تتقدم في الإتجاه الصحيح
**** ****

حاولت اكلمها لكن ما طلعت بنتيجه مافي سبب مقنع واوقات تطنشن وانا اكلمها او تنشغل باي شي وتتركني انا ما استحمل هذي التصرفات فاقوم ارجع لغرفتي يا اني ابكي الين يهدني البكى وانام او اني اواصل واروح للدوام وانا في حاله يرثى لها ,,,

ما اعرف شا اقول لك غير انه
الله يكون بعونك

مرات الاهل يجهلون بحاجات ابنائهم و بناتهم ويتصرفون بانانيه

يرون الابناء بعد زواجهم يعتنون بابنائهم و ازواجهم
فبينهم و بين نفسهم يتمنون ان هذه العنايه موجهه لهم وليس لزوج الابنه او زوجه الابن
يمكن الوالد ما يريد يزوجك ولا هو متحمسلتزويجك لهذا السبب

الله يفرجها عليك
و حرقه الدم مو زينه لبنوته في مثل عمرك
تو الناس على شيل الهم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

الله يفرج همك ............ ويزوجك بالرجل الصالح ................
في بعض الاهالي ما يرضى يزوج بنته عشان راتبها...............
عفوا اختي رنيم بس لا يكونوا اهلك من هالنوعيه