انا متزوجة من 4 سنوات عمري 29 وعمر زوجي 34 ، زوجي الله يشفيه مصاب بالسكر من طفولته ..
الحمد لله كنت مرتاحة بزواجي من كل النواحي ، وزوجي الحمز لله حنون وطيب ومكرمني وما قصر معي بشيء ويحترمني ويقدر اهلي ويحترمهم واهلي يحبونه بدرجة كبيرة، حتى والدة واخوات زوجي طيبات معي وفي تبادل زيارات كثيرة بين اهله واهلي بهعد زواجنا، وكأننا اهل.. اللي بوصله اني كنت مرتاحه جدا بحياتي الزوجية

المشكلة ان زوجي رجل ناجح في حياته. يعني ماشاء الله وسامة وغنى والكل يحترمه وله تقدير عند حتى الكبار بعايلته وصاحب واجب ويساعد المحتاج من عيال عمه واهله، والصراحة كنت اغار من حجم المدح اللي يجيه وخاصة من اللبنات، واسمع دايم مثلا " الكل يحسدك على زوجك" والا "ادعيلي يرزقن واح يدلعني مثل زوجك" ، وعرفت ان فيه اكثر من حرمه كانت تبيه لبنتها . مع اني ما اذكر شيء من حياتي وروحاتي مع زوجي. ولكم تتخيلون حجم الغيرة التي في صدري من كلامهم ..

سويت حركة دمرت حياتي، مرة كان وقت صلاة العصر وزواجي طالع يصلي ، كانت تكلمني بنت عمه، واتكلم معها عادي . الا جابت طاري زوجي وانه طيب وانه يا ليت زوجي مثل زوجك، غلطت وقلت "انه مافي احد كامل .. حتى زوجي فيه سكر وتعرفين تأثيره على العلاقة .وتعرفين كم قعدت بدون حمل" كنت الغيارة واصله معي بس بغيت اصرف عينها عن ذكر زوجي .. ماكنت ادري ان زوجي كان داخل البيت وسمع الكلام .. هو سمع وعطاني ظهره وطلع .. دقيت عليه يعطيني مشغول ..خفت عليه .. ارسلت له قلت " طمني عليك بس" خفت يجيه شيء .. قال"ايه صح انا مريض" قلت: "والله ماني قاصده" ثم قال "اجي بعد العشاء اتفاهم معك" .

جلست على اعصابي خايفه، اول مرة اشوفه كذا .. الا يجي عقب العشاء .. ويجلس ويقول تعالي "اجلسي ابي اسألك" جلست وقال " احلفي لي انا قصرت معك في شيء" قلت "لا والله" قال"انا مشبعك بالعلاقة" قلت "ايه والله" ماكنت اكذب، زوجي قال " بعد مشيأت الله .. انا السبب بتأخر الحمل" قلت " لا انا" والصراحة التأخر مني عندي مشكلة واتعالج منها ، قال " اجل ليه تكذبين وتقولين هالكلام ... ليه تنتقصين من رجولتي عندها" . بكيت وقلت له " والله ما اقصد انتقص منك .. بس غلطت وذبحتني الغيرة من كلامها عنك .. وغلطت " واترجاه يسامحني ، قال "الحين هالكذبة ما تترك حرمه ما راح تقولها لها " قلت له اني راح اكلمها واقولها كنت اكذب ، قال " ماراح تصدك ويتحس انك ماتبين احد يتكلم على زوجك بس" وبدى يقول "ماتوقها منك" او "ياحسافه على قدر الغلا الي فيني لك" واشوف معصب اول مرة بحياتي .. الا يقوم ويقعد بالمكتب ويصك الباب ، انا كنت ابكي بالصالة .. مرت ساعتين وخفت عليه ماطلع دقيت الباب الا يقولي من ورا الباب "لوسمحتي اتركينيمع نفسي شوي" .. بعد ساعة يمكن طلع وراح المطبخ .. انا لحقت عليه وقلت "انا طابخه عشاء" قال "ما اشتهي" وفتح الثلاجة واخذ تفاحين ورجع للمكتب ، بعده بفترة راح غرفة النوم وغير ملابسه وحط راسه ينام .. جيت اقرب منه واحضنه ، قال " لو سمحتي ابعدي" وانا في السرير جمبه كنت ابكي ،، واسمع يستفغفر وكأنه يبكي .. ما عمري وصلت مشاكلنا لهالدرجة .

بالصباح .. كنت مجهزة الفطور واحتريه يخص لبس ،، ويقعد عادي ، كل مابغيت افتح موضوعيرد بكلمه او مايرد ، ثم يوم خلص وهو يقوم قالي" فكرت بطريقة بتسكت كل اللي بتكلمون " قلت له "وشهي" قال "اخذ ثانيه" اول مرة يذكر التعدد عندي ، قلت "والله ما اقصد .." واترجه يسامحني .. طلع وتركني ابكي ..

كملنا اربع ايام وحنا ساكتين وما تكلم مع بعض ، كل مابغيت اتقرب واحضنه واعتذر يردني .. اطبخ يجي ياكل بس ، نظراته لي تذبحني، احس اني طحت من عينه ..

المفروض اروح عند اهله امس واهلي اليوم ، رفض قال ما ابي يحس احد بشيء

اسألكم كيف اخليه يسامحني ؟! احبه وادري انه هو بعد يحبني .. بس اخاف اذا استمرينا على هالحال ماراح نرجع مثل قبل.. فياليت تساعدوني.

الموضوع ذا قبل رمضان ولا كيف؟!

__________________

صراحه اللي سويتيه عيب وحرام
ذكرتي استنقصني من رجولته وكذبتي بذكر عيوبه !!
كلها عشان غرتي كان قلتي شي ثاني غير اللي قلتيه لان كبيرة بحقه

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

الله اكبر كل هذا الزعل على شي مايستاهل شكله شايل هم الحريم مره 😭 ناس كثير معهم سكر مافيها شي

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

الله يصلح حالكم اختي

للامانه قلبي عورني عليج وعلى ريلج بعد
الانسان مرات يغلط بكلام بس عقب يندم اشد الندم
كل بني ادم خطائون وخيرهم هم التوابين
يعني محد منا معصوم من الغلط

انتي صح غلطتي مب لما قلتي انه فيه سكر
لكن لما قلتي انه هالشي يأثر على العلاقه
هالموضوع عند الرياييل حساس وخط احمر

ف انتي اختي اخذيها عبره هالشي مايتكرر ابد
وماله داعي الغيره اختي تراها تخرب العلاقات ان زادت عن حدها
ريلج خانج ولا شاف غيرج لا قدر الله ! خلهم يتكلمون
مجرد كلام مايسوي شي انتي اسمعي وابتسمي ولاتعلقين بس ادعي الله يبعد عنكم الحسد

عالعموم اسفه لانه الكلام ماينفع
بس ريلج كسر خاطري انه ماقصر وياج ومشكلة تأخر الانجاب منج بين من كلامج بينتي المشكله منه

فهو حاب يثبت رجولته ويتروج الثانيه عشان الحمل فقط
صدقيني مب عشان رغبه وحب تعدد
لانه اكيد مبين عليه الحمدلله يحبج وشاريج

اختي
ادعي رب العالمين يسخر لج ريلج ويحنن قلبه
على طول استغفري و قولي لاحول ولا قوة الا بالله

وحاولي تكلمينه انج مستعده تسوين اللي يطلبه منج عشان تصلحين غلطج
كلمي بنت عمه ماعليه عشان تريحين بالج وضميرج
طرشي لها رساله وخبريها انج حسيتي بندم كبير عقب ماقلتي هذاك الكلام عن ريلج

لو هالشي مابيغير شي في موضوعكم
بس المهم ابريتي ذمتج وبيني الحق لبنت عمه

خبري ريلج انج كلمتيها يمكن سبحان الله يرتاح شوي نفسياً انج صححتي غلطج جدامها

الله يسخركم لبعض اختي

كانت القصة قبل رمضان بيومين تقريباً .. وكنت كنت كاتبه الموضوع وابنزله اول الشهر .. بس كنت اقول ان شاء الله تزين حالنا ولا احتاج .. فما تغير شيء فنزلته اليوم الطهر بدون ما اعدل بالوقت

ادري .. وهذا اللي جرحه ..
قولي غبية ما تفهم

هو راس زوجي كبير ولا يعطي باله لكلام الناس .. ولا يهتم بالامور الصغيرة .. ودايم ان تزعلنا خلال ساعتين نجلس ونتفاهم بهدوء .. بس هو انفجر علي " انك كذبتي .. وحطيتي العيب علي بشغلات ماهب صحيحة .."..

المشكلة ان زوجي هادي ورزين بالمشاكل .. وهذا اللي يخليه مقدر عند الجميع .. يعني اعرف انه الحين قاعد يحلل ويفكر بالموضوع ..

ودي انه يسبني ويشتمني واحس انه طلع شيء بخاطره .. افكر احيانا لو هو واحد ثاني كيف راح تكون ردت فعله ..

هو ماقصر معي الايام الماضية يوديني نتقضى للبيت .. اروح لاهلي واهله .. ولاحد حاس ان بيننا مشكلة .. بس بالبيت ما يكلمني ولا يحب ان اقرب منه .. يعني هدية رمضان شاريها وحاطه على طاولة الاكل .. وقال ان شاريها قبل رمضان باسبوع ..

كلمت البنت وقلت لها "اني غرت وقلت هالكلام .وخفت الله يبتليني بسبب كذبي عليه" ..

ادعي الله ان يسخره لي .. ويرجعنا مثل قبل ..

اولا: الترجي والسماح الزايد راح يحسسه انك غلطانة وصعب ينساها لك.

ارسلي له رسالة توضحين فيها (أسباب) : كلميه بالمنطق وخليه يستوعب -ان غلطك كان لصالح شيء -
وان هذا لا ينفي غلطك لكن حبك له جعلك تفعلين ذلك ((لإبعاد العيون عليكم))
لا تكلمينه بلغة المشاعر والدموع لان هذا ماراح يغير شيء هو حساس وعاطفي ،، والكلام كان قوي لذا لازم تكتبين سبب عقلاني.
لازم يعرف انه في عيونك أفضل رجل.

الرسالة تبتدين فيها بكلام يحاكي الحب والعاطفة ومن ثم توضيح الأسباب (انك تعشقيه جدا لدرجة انك لا تريدين احد يحسدك عليه او يفكر بيه) فقلتي ما قلتيه ، وأنك غلطانة لكن غرتي عليه. ومن ثم انهيها برسائل حب وغرام. قدميها له مع ورد او شي يحبه على مكتبه او اَي مكان ترينه مناسب. لا تتكلمين معه في هذه الفترة كثيرا. خلك رسمية ويعرف ان عندك سبب عقلاني دهاك لهذا الشيء.
الرسالة ستحاكي مشاعره وعقله ان شاءالله.
اذا ناداك بعد قراءة الرسالة ليتكلم معاك، عادي روحي وامسكي انفعالاتك ووضحي حبك له بدون مبالغة في الحديث.
بالتوفيق ولي عودة لموضوعك بإذن الله ..

__________________
-