السلام عليكم

يا كثر القصص الي سمعتها عن زواج ما ادم شهرين او اربع شهور وهذا الشيء الصراحة مخوفني وخاصة اني مملك على بنت خالتي

انا الحمدلله مبسوط في فترة الملكة لكن في بعض الاشياء تزعجني ومتاكد انها راح تاثر على علاقتنا بعد الزواج

خطيبتي اتوقع مشكلها انها ما خالطت ناس كثير وما تفهم الرجل وش يبغى من المراة (ما اقصد الجنس)

الشيء الوحيد الي نفسي اغيره فيها انها تهتم فيني اذا شافتني متغير وزعلان ... يعني اذا غيرت اسلوبي معاها ابدا ما تسالني في شيء مزعلك ؟

قبل كانت تتقبل البوس والاحضان ولكن الان ما تتقبلها واخرج زعلان ولا تسال وتوضح لي اي شيء

الي خايف منه بعد الزواج لو حصل بيننا شيء او خلاف ان هي ما تحاول تراضني وانا ايضا ما احاول اراضيها

وفي نفس الوقت انا ما ابغاها تتعود ان انا دايما الي اراضيها

فلو غلطت (الان في فترة الملكة)هل ابين لها شيء او اغير اسلوبي مثلا معاها يومين واذا سالت قلتلها الي في قلبي واذا ما سالت ارجع للوضع الطبيعي ؟

لان نفسي احسسها ان في شيء يمكن تهتم شوي

شف يااخوي اول شي البنت ببيت ابوها يعني انس انك بتمشيها على كيفك او انها بتسمع كلامك وتنفذه بدون اي تدخل من اهلها
وبعدين البنت جالسه الحين تبني لك تصور براسها انت وش تبيه يكون تبيه عربي اللي يزعل كل شوي ويبي يتحكم فيها وتعيشها بخوف وحزن من البدايه ولا عربي الحبيب اللي يلتمس الاعذار ويخاف على خاطر زوجته وتحس منك الامان
انصحك نصيحه لاتزعلها ابد خاصه في بدايه حياتك لاتحاول انك تفرض عليها اي شي الا بعد ماتجي ببيتك هذيك الساعه تعتبر زوج لك حق وحتى وقتها اذا مااحترمت كيانها راح تخسرها وانتبه ترا بليييييييس ملعووووووووووووووووووووووووووووووووووووووووووووووو ووووووووووووووون
وانتبه من نصايح الناس اللي يقولك ادبها من البدايه وماادري ايش
والتبويس خله بعدين لاحق عليه ولو انه فله بس تحمل اللي صبرك كل هالسنين يصبرك كم شهر

واحسن شي انك سألت قبل ماتفلم

شوف أخوي الخوف اتوقع شي طبيعي في ظل مانسمعه من تجارب غيرنا..

بس ياخوي لاتكون متشائم وتنطر لنص الكوب الفاضي... يعني لاتركز على سلبياتها..وتنسى ايجابيتها.. مافيه أحد كامل..وخاصه البنات بالخطوبه بما أنها أول علاقه وتعامل مع الرجل تجهل بعض الأمور..

وهنا يجي دورك أرسلها روابط عن الحياه الزوجيه تثقفها..تناقش معها عن الأشياء الي تحبها انت بأسلوب تتقبله ...

وأشوف أن مسألة أنها ماتحس فيك أذا زعلان أومتضايق..صدقني أنت تحس كذا عشانك بعيد عنها..لكن بأذن الله لما ربي يجمعكم بعد الزواج راح تفهمون بعض وبتحس فيك..وراح تتبد د مخاوفك..

الله يوفقكم ويقرعينكم ببعض...

يعني ما اعاملها بنفس اسلوبها ؟؟؟

يعني لو ثقلت علي مرة اثقل عليها مررة .... عشان بس تحس لو قدمت لي شيء انا في المقابل اقدم لها شيء

ما اكون انا دايم الي اقدر وهي ما يكون لها اي دور


غصة فراق ياليت تعطيني مثال على الروابط الي تقولي عنها

يا أخي الأنثى تحتاج تعامل من نوع خاااااااااااااص، أبتعد عن المعاتبة التوجيه المباشر، أستخدم أسلوب التشجيع، إذا كانت مثلاً عنيدة، قل لها يعجبني فيك أنكِ لستي عنيدة وتحكمين عقلك، أمدحها ولو لم يكن فيها ذلك، فإن الثناء والمدح يرفع ويعزز شخصية الأنسان.

أعجبتني مقولة وهي: التشجيع خير من العتاب، والعتاب خير من اللوم، وأنا أحاول تطبيقها وأسأل الله إن يعينني على ذلك.

تذكر أنكما مختلفان الشخصية والتفكير والأهتمامات، حاول أن تجد بعض الأعذار، تحلى بالصبر، أنت الرجل وعليكَ أن تقود السفينة جيداً بحذر وصبر وتنازل وتفهم وترقب وتجاهل ولطف وحب ورقة وتغافل، ولا تغضب لاتغضب لا تغضب، عليك بالطيب والمبادرة، دائماً أشبه الزوجان الجديدان مثل العضو الجديد الذي غرس بجسم إنسان، سوف تقاومه المناعة وترفضه وتستنكره، ومع الوقت سوف تتقبله وتتعايش معه ويشعر الجسم أنه جزء منه لا يمكن الفكاك عنه، أعمل الذي عليك والتوفيق من الله، وفقني الله وإياك إلى حسن القول والعمل.

__________________
ياصبحِ لاتِقبل !!
عط الليل من وقتك..

الخوف طبيعي لكن خلك متفائل
صدقني بعد الزواج بيتغير كل شيء وبتذكر كلامي مارح تثقل بتجي هي تراضيك وتحاول ماتزعلك من الاساس
بس يبي لكم وقت ويقولون لك السنه الاولى من الزواج صعبة لان كل واحد له طبع وله مزاج وله اسلوب وكل واحد يحاول يفهم الثاني وان شاء الله تفاهمون وتعيشون حياة سعيدة
بس المهم كبر عقلك وافهم الاختلافات اللي بينكم ولاتتوقع ان فيه انسانة كاملة
اذا شفت جانب سيء تذكر الاشياء الايجابية ولاتلتفت لوسوسة ابليس



موفق يارب

الله يجمع بينكم على خير
مثل ماانت تبغاها تفهم شخصية الرجل
نصيحتي لك انك تفهم شخصية الانثى
والاخوان ماقصرو بالنصايح فعلا شجعها وعزز سلوكياتها الايجابية بدل الزعل والتراضي
وانصحك تنضم انت وهي لدورات تأهيل للزواج او تفتح اليوتيوب وتدخل على مقاطع الدكتور
طارق الحبيب وتطلب منها تتابعها ايضا ,, وتقرأ كتاب ( الرجال من المريخ والنساء من الزهرة)
وربي يجمع بينكم على خير

اهلها دائما يقولون عنها عنيدة وهذا الي مخوفني واتوقع لو حاولت اشجعها واوقول لها انتي لستي عنيدة حتتغير معاملتها فقط لتثبت انها عنيدة , وصعب جدا علي والله اني انا فقط الي اتنازل واصبر واتجاهل ... المراة لازم يكون لها دور ايضا ... زي ما المراة محتاج حب فالرجل محتاج حب ايضا

يارررب
والله انا ماني مقصر معاها في اي شيء واي شيء تحتاجه البنت المخطوبة وفرتة لها

بس حلو لمن تجد شيء في المقابل ... انا اتوقع اي انسان يتعب اذا هو دائما يعطي والطرف

الاخر غير مهتم واذا وقف الطرف الاول عن العطاء يزعل الطرف الثاني بسبب انه متعود

وفي النهاية يصبح العطاء واجب على الطرف الاول

ليش السلبية هاذي وكل شيء بالمقلوب؟
لو قلت لهــآ يعجبني فيك إنك مو عنيده معآي
حتتغير معاملتها وتصير عنيدة! مستحيل
لعلمك الطريقة دي مفعولهــآ كبير بدآل مآتواجه وتعاتب وتزعلهــآ
إذآ ماعجبك شيء فيهـآ أمدح عكسه و اربطهآ بموقف حتى تكون أكثر صدقـآ
وحتشوف إنهـآ تصير مثل مـآ تبغى وأكثر


نجي مثلآ من نــآحية الإهتمــآم
لو سألت عنك في يوم ..ولا ارسلت لك مسج تسألك عن حـآلك
قول لهـآ أحب إهتمــآمك فيني ياريت كل البنـآت مثلك
صدقني يآبعدهـآ إنها تحاول إللي تقدر عليه حتى ترضيك
الله يوفقك ويتمم لك على خير وانظر إلى مميزآت البنت وحسنـآتها
و خل حديث الرسول دايم في بالك ( لا يَفْرِك مؤمنٌ مؤمنةً؛ إن كره منها خُلقاً رضي منها آخر)

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )