السلام عليكم ورحمة الله حبيت استشيركم ولدي في الصف الثاني ثانوي يدرس نظام المقررات ولكن في الصف الاول ثانوي رسب في ثلاث مواد والان انتقل لثاني ثانوي وحمل هذي المواد معه وولدي يشتكي من صعوبة نظام المقررات ويجزم برسوبه من جديد

وحاولت انقله مدرسه خاصه في ثاني ثانوي اويدرس المنهج العادي الاانه منع من النقل للمدرسه الخاصه اوتغيير المدرسه والسبب رسوبه وحمله لهذي المواد وانا افكر ان اسحب ملف ابني من المدرسه نهائيا ويبدا من جديد واسجله من جديد في مدرسه خاصه ويدرس اول ثانوي من جديد مارايكم ساعدوني انقله مدرسه خاصه ويدرس اول ثانوي من جديد عشان مستقبل ولدي مايضيع وتقبله الجامعات

الكل صار يشتكي من المناهج لاحول ولاقوة الا بالله
انا جنني منهج ابني لاعارفه اشرح له ولاهو فاهم مع انه بالابتدائي
المناهج المطوره صعبه والشرح كله يعتمد ع الآم ،، امس كنت اكلم زوجي بجيب لولدي مدرس خاص
مع اني حاطه الولد كمان بمدرسه خاصه
شوفي حبيبتي اخووي زي وضع ولدك وعاد الثانويه كلها وبمدرسه خاصه بعد ،، والحين هو مبتعث يدرس طب
الله يعوض عليه السنين الي راحت ،، خليه يعيدها مافي الا هالحل
حبيبتي ولدك صادق تري بيفشل انتي افتحي الكتب وشوفي المنهج بعينك وشوفي طريقتهم بتقسيم الدرجات كيف
شاوري ولدك اول يمكن يلقئ مخرج غير او روحي لاادراة التربيه والتعليم واستفسري عن الوضع كذا اخوي سوا
بالتوووفيق يارب

حبيبتي نسيت اقولك بعد اخوي عاد من ثاني ثانوي
وجاب مجموووع عالي بعد الاعاده يدخله الطب
راح ابتعاث علي حسابه الخاص والسنه الي فاتت تحول ابتعاث علي حساب الدوله
والله كنت اشوف مدرس داخل ومدرس طالع يشرحو له من صعوبة المقرارات
مستقبل ولدك اهم خله يتاخر سنه مو مهم ولا يجيب مجموع يجلسه بالبيت ومافي تراجع ذاك الوقت من الحين احسن

ولدي يقولي بفشل والمواد صعبه ابغى اسحب وادرس من جديد وانا مع هذا الرأي بس والده متردد مره

و عليكم السلام مستسلمة

حبيبتي ليش التردد و اعذريني على الكيمة هذي، شو اللي راح يخسره ولدك اذا سحب و عاد

المهم عرفيه انه هذي فرصة و انعطت له لا يروح يضيعها (بس ليشد همته) و ان شاء الله يحصل المجموع اللي تتمنوه

والله كنت بقولك نفس هالكلاام
اخوي سحب ملفه ودرس من جديد بناء ع رغبته هو ،،،وكان يقول راح افشل بنظام المقرارت وفعلا كلامه صح المنااااهج والله يااختي صعبه ماابالغ وربي شاهد لااني شفت تعب اخوي مع المدرسين الي يجو البيت يشرحو له ،،، وكان عنده المسكين طموح للطب والمجموع مررررررره نازل مايشجع انه يدخل اي فرع من فروع الطب او اي فرع علمي
الوالد ماعارض بس كان مثل زوجك متردد بس خلاه ع راحته احسن مايفشل ويجلس بالبيت بمجموع ضعيف لاهو الي دخل طب ولا الي لقي جامعه تقبله،، اقنعي زوجك عشان مستقبل الولد وحلو ان الولد عنده رغبه انه يعيد ومااستسلم للفشل،،،،

صليت استخاره وبقنع زوجي باذن الله ينقله مدرسه خاصه والله شايله هم مستقبله أبغاه يعتمد على نفسه وأطلعه لبر الأمان وبعدين هويكمل حياته براحته

الله يعين الطلبة ،، الاحظ حتى احنا عندنا كم منهج مطور وصار عليه هجوم لان معظم الطلبة رسب فيه ! ماحس له داعي كل هالصعوبة وكنا اولادنه لازم يكونوا عباقرة هذا احنا تخرجنامن مناهج قديمة وعين الله علينا وبدرجات عالية ...

حبيبتي دام ولدك مقرر هالشي توكلوا على الله وان شاء الله يتوفق ويجيب لك اعلى الدرجات لان فعلا حتى لو نجح بالمادة بيكون مجموعه بالارض للاسف و بتكون خيارات الجامعه محدودة ،،من اقاربي بنات حدث لهم هالشي وكان توه عندنا مستحدثين بعض المناهج وطبقوها ع بعض المدارس والمسكينات بدل ماكانوا اعلى الدرجات رسبوا ودرجاتهم ماساعدتهم يحصلوا اللي يبغوه بالجامعه

اختي الكريمة
نظام المقررات نظام يجعل الطالب هو المنظم لمواده وعلاماته وحضوره وغيابه وكل شيء يخصه وكل مادة مستقلة عن الأخرى وهو نظام تم تطويره عن أسلوب التلقين الجماعي. الذي يلغي شخصية الطالب فإبنك في سنة الاولى ثانوي يجب أن يدير شأنه بنفسه وليس ذلك الطفل الذي (تذاكرين له ) وأنا متأكد أن ابنك لم يطلع على شرح مفصل لنظام المقررات ووعاه وفهمه بالكامل ويوجد مرشد طلابي يوضح له كل شيء وبالتفصيل (أحد ابنائي واجه هذه المشكلة وتغلبنا عليها بتوعيته لفهم نظام المقررات
سيستمر الابن على نظام خدمتك له وماذا سيفعل بالجامعة والحياة
باختصار اجعليه يعالج مشكلته بنفسه ويتحمل المسؤولية وأنه يصنع تاريخه بنفسه ليبني عليه مستقبلة. لا بد أن يكون الدافع من داخله لا من خارجه.
وإذا أردتي مساعدته أدخلي على النت واستوعبي نظام المقررات لتساعديه على فهمه.
وبالتوفيق.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

السلام عليكم ورحمة الله وبركاته..
أختي الكريمة مستسلمة ..
أولاً / من الخطأ أن تحكمي على ابنكِ بالفشل والعام الدراسي مازال في مرحلة البدء..
ثانياً / للأسف الكثير ممن يشتكي من النظام الجديد ويذهب بإبنه في مدارس خاصة معتقداً بأنه النظام هُناك أسهل لكن عالعكس بل أشدّ إذا كانت عالمية .
ثالثاً / لا أنصحك بهذا الأمر بالعكس اجعليه يواجه هذه الصعوبات دون اللجوء للهرب .
رابعاً / النظام سهل لكن الكلام المنتشر بين الناس صعب صعب وووإلخ من الإنتقادات التي جعلت الطالب يكره كل مايرتبط بالدراسة .
خامساً / اجعلي يجلس معه والده ومعكِ بالحوار ليعرف الخلل الحقيقي وليحله سواء كان منه أو من المعلم في طريقة شرحه .
سادساً / طريقة التحفيز رائعة لأي طالب ، أتذكر والدي الله يحفظه كان يعمل لي مثل السلم وكل درجة من درجاته يضع مدة ثلاثة أسابيع يقيم دراستي إذا نزلت درجة يعاقبني بعدم الكلام معه ههه وإذا صعدت أنال مكافئة مع إنه كان لايدرسني .
سابعاً/ من أجل النظام الجديد وللأسف الشديد الكثير من المعلميين الخصوصيين استغلوا هذا في رفع السعر والله المستعان ..
أتعلمين بإذن الله أنا متفائلة بخير في تطوير النظام التعليمي لكن بدون النظرة التشاؤميه ، من يتعب سيحصد مايناله .
وفقه الله .