بسم الله الرحمن الرحيم
يمكن موضوعي مكرر بس احسه مهم لان زوجي فطن والطرق المعتادة ماتنفع معه
متزوجة من 10 شهور وزوجي كان طالب بداية زاوجنا عشان كذا
كنت استحي اطلبه شي .
وكانت فيه مكافاتي و احيان اعشيه وهو ما يقصر بعد
حسسته اني عندي فلوس تكفيني يمكن هذا اللي خلاه يرفض المصروف
المهم
اول ما توظف عطاني مبلغ كبير قال قضي فيه.
بعدها بشهر قلتله مره اني ابي مصروف كل شهر اشتري لبس واللي خاطري فيه
هدية لك ولا عطر

رفض قال توني معطيك الشهر اللي فات
قلت طيب انا بنت طبيعي ودي اشتري كل شهر اللي بخاطوري مو لازم اقولك
قال لا كل شهر ما فيه احنا نبي نوفر ونستقر وندخر . واللي اصرفه ع البيت من اكل وغيوه
مو مصروف ؟؟
تجادلنا كثير واحسه رافض مرا
قلتله خلاص لو كل شهرين حدد لي مبلغ قال بعد شهرين نشوف
بس ماراح احددلك مبلغ ،بعدين من قبل ما كنتي تطلبين توك تطلبين ؟ قلت
انا مقدرة وضعك لانه صعب بالبداية والمفروض انك تقدر صبري هذا
قال اضلا كيف كنتي بتنجرأين تطلبين وانتي توك مقضية من مهرك

النقاش كان حاد وغلطتي ممكن لاني ما اخترت ةوقت مناسب
الحين ابي اعرف كيف اطلب منه مصروف ؟ فكرت بطريقة اني اسحبه للسوق
واشتري واخليه يدفع بس اخاف تضايقه الحركة
مدري وش اسوي من تزوجت ما دخلت السوق معه الا مرتين
مرة لما دخل االشتاء ومرة اول ما توظف مأثرة بنفسيتي هالسالفة
ودي اشتري واكشخ له و اغير
ابي حلول
وهل طريقتي غلط ولا صح ؟

تم تعديل العنوان ليتناسب مع المضمون

الرجال يختلفون في رجال يعطي زوجته مصروف في رجال لو تموتيين مايعطيكي مصروف

انا زوجي ماكان يبغى يعطيني مصروف مرا مو مقتنع بسالفة المصروف

المهم صرت كل فترة و فترة اطلب منه مصروف مرا بالدلع ومرا بالزعل ومرا قلت خليني اجلس اعبر له عن مشاعري وان ذا الشيء مهم جدا لي
فجلست معاه واتكلمت معاه ومن ضمن كلامي قلت انا عندي اشياء كثيرة احبها ونفسي فيها لكنك ماتقدر الأشياء اللي انا احبها ولا توليها اي اهتمام
قام ضمني وقال كلمتك هذي وصلت قلبي هههه المهم اليوم الثاني نسي الهرجه وزعلت وقال ابشري خلاص بعطيك وحدد مصروف وقال بعطيك اول ما استلم الراتب ولما استلم الراتب صارت عنده ظروف والتزامات فما اعطلني و زعلت وقال وعد الشهر الجاي اعطيك قلت لأ لا تعطيني خلاص سوي لي استقطاع احسن قال بعطيك احسن بيدك قلت لأ استقطاع احسن ~ عشان اضمن نفسي ما اتورط ب ظروفه والتزاماتهه
والحمدلله اموري ماشيه اللحين =$

مع انه بالأول كان مرا رافض فكرة المصروف ~

لا تسكتين عن حقك

ملزوم شرعاً بالنفقه عليك

1) أسأل الله أن يجمع بينكما بخير وسعادة.

2) من كلامك فهمت أن زوجك رجل كريم وحسن التدبير ، فلا تخافي ، فهو يحتاج إلى وقت ، مازال موظفا جديدا ، راتبه مازال في البدايات ، إنه يخطط لسعادتك وسعادته ، كم من بيوت تهدمت لأن الزوج لا يدبر ويشتري كل ما تريده الزوجة وما لا تريد ، حتى تراكمت ديونه وأبغض زوجته.

3) ربما زوجك لم يفهم قصدك من المصروف ، ربما فهم أنه مقصر معك ، يظن أنك لا تحتاجين سوى ملابس الصيف والشتاء وضروريات الحياة الأخرى فقط ، ربما لم يتصور أن المال في يديك له فائدة أو هدف.

4) أعرف شابا يقول : إن زوجتي أقنعتني بالمصروف ، حين قالت : إن أبي يعطي أمي مصروفا ، وأنك حين تعطيني مصروفا أشعر بحنانك وعطفك وأشعر ببركة مالك معي ، ويقول الشاب أصبحت أعطيها لأنها لا تفرط بالمال دفعة واحدة بعض الأحيان يقول : أجدها تشتري أشياء بسيطة للبيت وربما عزمتني على العشاء وهكذا.

الكلام اللين يجلب نتيجة ، وأيضا ليشعر أنك امرأة مقدرة للمال ولست مفرطة وأو غير مهتمة.

5) هناك كلام في الإنترنت عن فوائد المصروف للزوجة ، اقرئيه وذكري زوجك به لعله يقتنع ، أحد الشباب يقول : حين أعطي زوجتي مصروفا أجد بركة ذلك في راتبي.

6) حددي مبلغا بسيطا ، ربما يقتنع.

7) لا تستعجلي ، فالأيام بينكم طويلة بإذن الله وستتحسن مادته وسيحقق لك ماتريدين.

والله أعلم

__________________

استغفر الله العظيم
الله يعينك

ليس ملزوم شرعا يعطيها مصروف دام سكنها وماكلها ومشربها

صح هالكلام
مو ملزوم

الواحد لو ما يعطي زوجتة مصروف يعطي مين اجل ؟!!!!

10 % من راتبك ما حتأثر بالعكس سوف تزيد من محبة الزوجة لزوجها

ودمتم في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء