السلام عليكم ورحمة الله وبركاته


اليوم اتخاصمت مع زوجي بسبب ابوه

والسالفة هي انه ابو زوجي قال بيجي هذا ا لاسبوع لمدينتنا بس ماحدد يوم معين

زوجي يوم الاحد اتصل على ابوه وساله متى بيجي فرد الاب قال ما ادري

واليوم الاربعاء اتصل زوجي مرة 2 بابوه يستفسر عن الجية قال له ابوه لا ماراح اجي الابعديوم السبت لانه عنده اشغال وكان هذا الاتصال في حدود الواحدة والنصف ظهرا تخيلوا احنا سافرنا لجدة واذا بابوه يتصل ع المغرب ويسال عننا فقله زوجي احنا نزلنا علىجدة مع العلم انه هذا الاتصال الوحيد من الاب لانه ابدا مايتصل الا اذااحتاج فلووووووووووووووووووووس فقط

المهم ابو زوجي قعد يخربط في كلامه شوي يقول احنا هنا وشوي يقول انا في الطريق وشوي يقول بجي السبت

المهم زوجي قال لازم بكرة نرجع قلت لا مستحيييييييييييييييييل نرجع لانه هو قاصد مايبغى يجي عندنا المهم تخيلوا زوجي اصر وقال بيتصل على اخته الي هي زوجة اخوي يعني احنا بدل فقلت لا كلم اخوي واساله اذا ابوك راح لهم او لا

المهم زوجي دق على جوال اخوي مارد عليه وعلى طول دق على البيت رد عليه اخوي فزوجي ساله قله ابوي جاء رد اخوي قال ما ادري انا برا البيت
لا تقولون ان اخوي محول التليفون حق البيت على جواله لانه بانت الكذبه والسالفة محبوكة تمام

شفتم كيف الكذبه حتى اخوي يكذب ووضخت الصورة ابو زوجي ما يبغى يجي عندنا البيت

المهم انا انقهرت مرة اش الحركات هذي خصوصا ان ابو زوجي كبير بس شكلها زوجته تأثر عليه علما ان ام زوجي متوفيه


انت احكموا وقولوا رايكم

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

طيب وش دخل زوجك

وعمك بكيفة عمره ماجاء

تبي الصدق انت غلطانة
اش ذنب زوجك اذا هيك ابوه يتصرف
رجال كبير بدنا نساير ه
وليش تحكمي ع الخلق قبل لتتأكدي
إتسرعتي حبيبتي وحكمتي كنت تركتي زوجك يتصرف مع ابوه وانت اطلعي منها
المفروض كان طعتي زوجك بلا حكي وبلا ما تسمي بدنه بالحكي بيكفي كمان هو مقهور
روحي اعتذري من زوجك واهلي وسهلي بأبوه هذا عمك
بتكبري بعين زوجكـ
الله يوفقك
إم وليد

ياقلبي يام وليد زوجي شخصيته ضعيفة جدا

يعني ماراح يتناقش مع ابوه ابدا

وانا عني والله مجهزة اغراض للقهوة ومسويه كيكة ومسويه ايدام وكذا شي حافظتها بالثلاجة علشان بس اسخن واطلع على السفرة ومايتاخر الاكل عليهم لاني الحين انا في فترة الامتياز يعني ما ارجع للبيت الاعلى الساعة 2 الظهر

وحاولت استعد لاستقباله لكن الحركة البايخة اللي سواها قهرتني وسببت لي مشكلة مع زوجي

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

لا تزعلين زوجك ياأختي..

والله ماله ذنب..

ادري تقولين شء يقهر وبرد يعني تبين زوجك يزاعل ابوه ويقوله وش الحركااات هذه..صعبه..

يا أخت تعبت من البعد ابوه مبسوط ومرتاح ومستانس..

وانتي عكرتي على زوجك وعلى نفسك ..

روحي صالحيه والله ماله ذنب ...

الله يهديكم ويسعدكم يــــــــــــــــــــارب..

__________________












..{{....اللهم لا تذرني فردآ وانت خير الوارثين ....}}..

وعليكم السلام ورحمة الله وبركاته

ياحبيبة قلبي .. والله مادري ايش اقول .. لكن ياغالية .. هي مرة ولاتتكرر باستمرار

فوسعي صدرك ولاتزعلي زوجك مهما كان هذا والده وواجب البر به .. ولاتقولي أن شخصية

زوجك ضعيفة فبالعكس هو من احترامه لوالده لايناقشه ..

المهم انك لستي معهم دائما .. يعني الحمد لله مرتاحة من كثير من المشاكل التي قد يسببونها

باستمرار ..

اقول لك مرة ثانية وسعي صدرك ترى فيه زوجات يعانون يوميا من اهل ازواجهم ..

لاتسببي مشكلة بينك وبين زوجك ..

الله يحفظ لك زوجك وبنتك .. ويوفقك في امتيازك ..

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

غاليتي لازم تتفهمي زوجك وظرفة الطارئ
وما تنسي هذا ابوة
ومهما كان ابوة انسان طيب ولا كذاب ولا ولا
يظل إنسان كبير ولة إحترامة ولو بأخر الدنيا لازم ترجعو
وتذكري انة والده بل على العكس لو اخطأء زوجك
في حق والدة وجب عليك انتي تنبية
حبيبتي انسان كبير اعطوة على عقلة
مهما كان عقلة

واليوم الاربعاء اتصل زوجي مرة 2 بابوه يستفسر عن الجية قال له ابوه لا ماراح اجي الابعديوم السبت لانه عنده اشغال وكان هذا الاتصال في حدود الواحدة والنصف ظهرا

المهم زوجي دق على جوال اخوي مارد عليه وعلى طول دق على البيت رد عليه اخوي فزوجي ساله قله ابوي جاء رد اخوي قال ما ادري انا برا البيت

شفتم كيف الكذبه حتى اخوي يكذب ووضخت الصورة ابو زوجي ما يبغى يجي عندنا البيت
ياجماعه اشكر كل من رد بس انتم انتبهتم للكلام اللي فوق

السالفة صارت مسلسل بداية بالكذب وثانيا بالتصريف

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

حنا تكلمنا عنك وعن زوجك أما أبو زوجك وأخوك فهما مخطيان خطا واضح لكن مايهمك إن جاء الله يخليه وإن راح مايشوف شر

وش مضايقك خليه لا يجي لأن كبار السن مايوخذ منهم كلمه

__________________