السلام عليكم ورحمة الله وبركاته...

انا جديده في المنتدى وهذي اول مشاركة لي

انا وحدة متزوجة من 5 شهور

و ابا اخلي رجلي يحبني ومايقدر يصبر عني وما اخليه يطلع وايد يعني اباااااه
يدمن علي انا وبس

ب شو تنصحوني اسويييه

على فكرة رجلي يتم عندي 15 يوم و15 الثانية في الدوام

اتمنى انكم تساعدوني ^^

وشكرا

والله لو تسوي اللي تسويه
فالنهاية يعتمد ع الهداية من رب العالمين

حااولي قدر المستطاع ترضين ربك من خلال تفهم زوجك..والقياام بواجبااته على اكمل وجه..
وغير كذا كوووني قررريبة منه..خليه يفضفضلك وقت حااجته لك.. وحسسيه باهتمامك..
بس هذا اللي أقدر أقوله..
بالتوفيق حبيبتي

ليش يا اختي تبغيه يدمن عليك ..
متى تتنفسين...و تعيشي لحظاتك الخاصة بينك و بين نفسك
يمكن اختي هالإحساس قوي عندك لأنك لسة عروس و هذا شي حلو
لكن الأهم لا تندفعي لهالشي بشكل سلبي و بردات فعل تهبط اسهمك عنده
بمعنى خليك حبيبة معه و رقيقة و لطيفة وانثى و خليك على طبيعتك بدون تكلف
فهو إذا حب جلسته الدائمة معك بشكل مدمن خير و بركة
لكن ليس بمجرد ان ينسحب قليلا,,تفسري ذلك بأنه لايحبك او مل منك
لكن لكل انسان مساحة خاصة به يحب ان ينفرد بها ,,لنفسه او اصحابه
فلو تفهمت ذلك ,,,و اهتممتي انت ايضا بمساحتك الخاصة
سوف يدمن بعدها زوجك عليك...

__________________

شكرا حبايبي ع المشاركة

وايد حبيت ردودكم

عامله مثل الطفل
دلليه واهتمي به واكليه
ونيميه بحضنكـ
دايماً كلميه كلام حلو
تقربي منه حسسيه أنك كل شي بحياته
أسمعيه لما يشتكي لك أحضنيه وخففي عنه وفهمي إن مالكم غير بعض
دايما قولي له الله لايحرمنا من بعض/حبيبي نحنا مالنا غير بعض ...إالخ
وإدعي إن الله يسخره لك ويبعد عنكم الحساد
وبالتوفيق ي حلوه

باختصار كل شي يحبه سويه
وكل شي يدايقه ابتعدي عنه
ودايما حسسيه انك معه وشجعيه وتقربي الى اهله

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

همسات انثى كلامك جمييييييييييييييييل
الله يعطيك العافيه

__________________
اللهم صلي على نبينا محمد وعلى اله وصحبه اجمعين

اهتمي بالفرااااش ثم الفراش ثم الفراش ترى الرجال اذا اعطيته حقه في الفراش مثل مايبي يحطك فوق راسه ولايرفضلك طلب نهائي حتى لوطلبتي لبن العصفور...وبعدها اهتمي في الاشياء الباقيه مثل البشاشه والنظافه وانواع الاكل وخلي كل كلامك له أبشر طال عمرك

بعض الزوجات تشوفينها مهتمه بكل شي حتى رجول زوجها الله يكرمكم تغسلها وتنظفهاوتكون ملكة جمال ومع ذلك زوجها موحاطهاباول اهتماماته ومايهمه زعلهاولارضاها لانه وقت مايطلبها للفراش تنشغل او ترفض او تأديه كواجب وهي تتأفف بحجة انهاتكره الجنس..هذا حال بعض الزوجات هداهن الله...اسمعي نصيحتي وشوفي النتيجه وادعيلي

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

نصيحه لا تكونين من النوع اللي تحب زوجها لها وبس

ترى الحياة الزوجية موب كيذا

اهتمي بهواياتك وفي نفس الوقت لا تقصرين عليه من ناحية التدليع والحقوق

لكن انك تبغينه طووووووووول الوقت معك صعبه

في النهايه هذا رجل يحب يكون حررر مثل الصقر

الله يوفقك عزيزتي