السلام عليکم ورحمة الله وبركاته
اريد مساعدتكم
لاني والله تعبت من التفكير
بداخلي عدة قرارات
القلب له قرار
العقل له قرار اخر
وبكل ساعه
وبكل ذكرى
يتجدد القرار
اريد حسم الأمر
لي 11 يوم من وقع الطلاق
امس كلمني اخوي
ان ابو عيالي وعمه جايين عندنا
قال احتمال يبون الصلح
كلمت ابوي عشان مايقرر عني
لاني احسه انه ندمان على اجباره على الطلاق
قال لي ان مابيصير شي
وان احتمال جيتهم مش للصلح
يمكن عشان وضع الاطفال
ومع مين بيكونوا وكذا
بس اليوم تغير كلامه
جاني وقال
انهم جايين بكره
ويبون الصلح
والحين القرار بيدي
ويبوني ارد عليهم بكره
حاولت افهم الوالد
يقول مارح اضغط عليك
تبين ترفضين تبين توافقين بشروط
بكره قوليه قدامهم
قلت له وضعي مايسمح
يقول لي قوي قلبك
وماراح يصير الا كل خير
قلت له عللاقل أجل جيتهم
اسبوع اسبوعين
قال انه لو جاي لحاله
كنت بقوله لا يجي
بس جايب عمه وكم واحد معهم
مادري كيف اقرر بيوم واحد
كيف افكر وكيف وكيف
انا استخرت وبستخير
بس ابي اعرف هو وش يفكر فيه
ليه مايخليني ارتاح شوي عند اهلي
لما سالت اخوي هالسؤال
وجاوبته قبل لايجاوب
قلت له انه للحين يشك فيني
عشان كذا يبغاني ارجع
قال لي مايدري عن شي
بس هو لما تأكد اني اروح الطبيبه النفسيه
اتصل عليه وقال له انه بيرجعني
وهو اللي بيوديني ويرجعني
وبيحاول يصلح غلطه
المشكله والله ماني مرتاحه ابدا
حاسه ان قلبي يقبض
كل ماتذكر اني برجع له
ادري ان القرار بيدي
بس مابي اندم على اي قرار اتخذه
ابوي واخوي شالوا يدهم الحين
يقولوا انه اخذ جزاه
وانه اكثر من مره يعتذر لهم
بس للحين قلبهم مابرد


الله يعافيكم ابي نصايحكم
ايش ارد عليهم بكره
بيجوا بعد صلاة العشاء

تم الصلح الرد 57

http://www.66n.com/forums/showpost.p...1&postcount=57

مستجدات الرد127
http://www.66n.com/forums/showpost.p...&postcount=127



حلت الرد815

http://66n.com/forums/showpost.php?p...&postcount=815

حبيبتي الله يسرلك كل امر ويقدملك كل الخير
برأيي الاستخارة هيي أهم شي والتوكل على الله
وفي حال قررتي الرجوع بتمنى تحطي شروط انك ترجعي من بعد ما تتعافي وتاخدي وقتك بالمعالجة
ويتعهد انو ما عاد يأذيكي ولو بكلمة امام الكل
وخبريه لو عنده واحد بالمية شك يرحم نفسه ويرحمك من العذاب وما يحاول يصلح
وبس يخلص من الشك ساعتها لكل حادث حديث
كوني واضحة وصريحة
وإذا بالفعل ندمان اشترطي تروحوا لعند اخصائي لتنسي وهو بنفس الوقت ينسى
ارجعوا لبعض على ارض خصبة ومتينة

دعواتي ترافقك⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله امين
جزاك الله خير اختي 🌺
المشكله انه مايبغى الصلح فقط
اخوي قال انه يبغى الصلح وارجع البيت
وانا متأكده انه يبغاني ارجع
عشان هو يرتاح من الشك اللي هو فيه
متردده
وفكرت احط شروطي واذا ماوافق
ارفض الصلح
الف شكرلك اختي على الدعوات

انا برأيي خلاص كل واحد فيكم اخد جزاته

و فكروا دحين في مصلحة الاطفال .. و مصلحتهم في عودتكم لبعض

و ما أظن بيتجرأ بعد ما عرف ابوكي كل شي و لانه ماله حجة بعدين في تهديدك او تعذيبك بشي

و حسن تبعله لفترة سنوات زواجكم تشفع له عندك و لا تكابروا كثير

كفاية اعتذاره اكثر من مرة و بيجيب ناس معاه

وعليكم السلام ورحمة الله وبركاته
لا تترددي الصلح خير اختي لكن ارجعي بشروط ولا اظنه سرجع الى ماكان يفعله وان رجع لاقدر الله فلا لوم عليك لكن حياتكما وعشرتكما تستاهل فرصة اخرى
و فكري في اولادك لن يسعهم الا بيتهم ولن يحتملهم الا اباهم الان الكل متعاطف معك بعد مدة سينشغل كل بحياته
الله يدلك للخير

مو كاسرين خاطري الا هالاطفال
وشوقي للاولاد
وهو مارح يتجرأ صحيح
بس اخاف الشك يستمر معه
انا غلطت واخذت جزاي واكثر
بس فكرة الرجوع تخيفني وتقلقني
يمكن اقبل بالصلح
لكن الرجوع في الوضع الحالي استحاله

أكييييد الصلح أفضل وأخير زوجك له حسنات تشفع له من خلال سنوات العشرة وما أظنه بيرجع لشكه أهلك الله يحفظهم أعطوه درس قاسي وعارف أنكم ما راح تتساهلون معه وأدرك أن أرواح الأولى اللي كانت تتوجع وتسكت الحين تغيرت وصارت ما ترضى على نفسها بالظلم ولا تسكت عن حقها.
والشيء الثاني يا أرواح أطفالك أنت متعلقة فيهم جدا وهو كمان فعشان كذا لزم يكونوا بالحسبان في اتخاذ القرار و أنتِ جربتي كيف نفسك في بعدهم عنك لأيام فكيف لو لا سمح الله استقروا بعيد عنك؟!

__________________
سبحان الله وبحمده..سبحان الله العظيم

امين يارب
الله يجزاك خير يا اختي
كل تفكيري الان في الاطفال
ويارب يكتب اللي فيه الخير

والله حاسه حالي ضايعه من غيرهم
بس احاول اصبر نفسي
احس بقلبي فجوه بغيابهم
ربي يكون في العون
جزاك الله خير يا اختي

حطيها ظمن شروطك انه يردك لعصمته و ما ترجعي البيت الا لما تحسي نفسك جاهزة
خدوا فترة اطلعوا مع بعض كأنكم تتعرفوا علي بعض من جديد

__________________