السلام عليكم ورحمة الله وبركاته

اخواني اخواتي اعضاء المنتدى بكتب لكم مشكلتي وياليت تفسرونلي افعال زوجي لاني انا تعبت منه ومن كذبه



راح ادخل بالموضوع بدون مقدمات لاني من الضيقه والهم ما ادري وش اقول

.......

زوجي يوم الاربعاء قال انه بيروح للبر مع اصدقاءه وودعته ودعيت ان ربي يحفظك ويرجعك بالسلامه المهم رحت لاهلي وجلست عندهم الى اليوم (الجمعه)




واليوم رجع من السفر .. قصدي من البر

ويوم جاء ياخذني شفت شي غريب (سيارته ماهي سيارته والي استغربت منه اكثر ان السياره اللي معاه جديده وفخمه جدا ونظييييييييييفه يعني بالعقل فيه واحد يروح للبر بسياره فخمه وغاليه جدا !!!!!!!!!! )


ويوم سالته قال انها حقت صديقه وبيرجعها له

لكن اللي ضيق صدري واحزني ان زوجي يكذب علي لاني اكتشفت ان السياره مستأجره وبأسمه واللي زاد همي هم اني لقيت بالسياره فاتوره للشقق سكنيه بمنطقه ثانيه غير منطقتنا والشقه مستاجره باسم زوجي والمده يومين يعني بالضبط من يوم طلع وقال اني رايح للبر الى اليوم الي رجع فيه للرياض

انا مسكت اعصابي بالبدايه وسويت نفسي ماشفت شي وما ادري عن شي
وبعد ساعه جلست معه واخذت اسولف عن روحته وقال انبسطنا وكلش تمام قلت له (من باب المزح ) شكلكم رايحين الدمام ومبسوطين هناك >> بالعاده زوجي يضحك لكن اذا صار الموضوع جد وحاول يكذب يبان عليه

اخذ يطالعني وهو معصب ويقول وش هالكلام والخرابيط من قالك ومن جابلك سيره عن هالموضوع (انا تاكدت انه كان هناك وماراح للبر )

بعدها جلس معصب ويقول قوليلي من اللي قالك (( قلب السالفه كلها وسوا هو الزعلان عشان ماينفضح)

انا قلتله اني حاسه ومتوقعه
قال لا انتي غلطانه انا مارحت للشرقيه ولا شي بس انتي من قالك وجلس يحلفني اعلمه لكني ماعلمته كيف عرفت

وانا ماحبيت اقوله اني شفت الاوراق عشان ابينله اني اعرف انك تكذب من وراي

والحين هو زعلان علي ولا يكلمني ولا كلمه وبدل ما ازعل انا على انه كذب علي خلاني انا المذنبه وانا الي غلطانه مع اني ماقلت ولا شي يزعل بس هو يسوي كذا عشان ينسيني السالفه ويقلبها على راسي


الله يسعدكم علموني وش اسوي معه وش الحل مع هالانسان اللي عايش حياته كذب في كذب

انا حاسه نفسي مخنوقه ولا ني قادره اكملكم المشاكل اللي صارت ولاني قادره انام ولا ارتاح ليش يروح ويكذب علي وليش اخذ شقه وش راح يسوي هناك ااه يالقهر كل ما صار الواحد طيب في هالزمن استغلوه الناس بطيبته حتى اقرب الناس منك
........
ارجوكم لا احد يقول شوفي نفسك وش مقصره فيه انا والحمدلله طيبه جدا مع زوجي وحنونه ودايما البس واكشخ ومو مقصره معاه باي شي وربي يعلم

....

يارب ارحمني و شل الهم عن قلبي واهدي زوجي ياحي ياقيوم

اتمنى تساعدوني وتوقفون معي

الاشراف عفوا تم تعديل الموضوع ليوافق مضمون المشكلة

انا كنت خارجه بس قريت العنوان بالشريط قلت اكيد زوجه مقهوره


بس حبيت اقولك سلامتك من القهر وصحتك بالدنيا

والتغافل زين والذكاء يودي بداهيه

ربي يشرح صدرك ويسر خاطرك اذا مكتوب لي العوده مجددا ساعود

دمتي بلا قهر

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

اختي همي كبير

في الواقع ضحكت من كل قلبي وأنا أقراء مشكلتكِ وكيف أن الكذاب ينكشف كذبة طال الزمان أو قصر وأحسنتِ صنعا حينما

أرسلتي له أشارات صاروخية أقوى من القنبلة الفتاكة وهذا انما يدل على ذكائكِ

اختي لماذا لم تسألو عن التزامه قبل الزواج ؟

هل انجبتم أولاد ؟

اقول لكِ بكل صراحة الكذاب ليس له علاج

والكذاب متهم في قوله حتى وان قويت حجته وسحرت لهجته , هذه حقيقه مره

يجب ان تعيها

فرج الله همك وسدد على درب الهدى والصواب تصرفك..

اتصور ان كما قالت من سبقتني ان الذكاء يدمر والتغافل يعمر صحتك!

بتقولين حيلة العاجز بس اتوقع مالها تصريفه نرقعها ونبرر تصرفه بالخيانه الله يهديه ومن على شاكلته او يهده ويريحك منه ..

اعانك الله ..واكثرررررري من قول حسبي اله ونعم الوكيل .. يتكفل ربك بعقابه !

دمتي بلا هم ولا قهر عزيزتي

اختي همي كبير اعانك الله على همك الكبير ..

اختي زوجك مستأجر سياره فخمه و رايح الشرقيه و مستأجر شقه بالله عليك حيكون مع مين ؟؟ اكيد مو مع ربعه ..

اختي اوعي تضعفي وتروحي تعتذري له .. خليك على موقفك .. ومثلي كمان انك حزينه انه حيّب املك وظنك فيه ..

قومي بواجبك تجاههه من طبخ و الاهتمام بالبيت لكن طنشيه لا تكلميه .. خليه يفكر باللي عمله ..

اختي ما لاحظتي انه حريص على جواله وما يبغى احد يشوفه ..

او ما لاحظتي انه تجيه مكالمات متأخره او غير طبيعيه او انه يكلمه بعيد عنك حتى ما تسمعي مكالماته ؟؟

الله يعينك اختي ..

الله يعينك هذا حال رجالنا في زمننا هذا زمن الفتن
أختي أول شي أحسني الظن به يمكن الي يقوله صح
اما اذا متأكده000
نصيحه أنتبهي تعتذرين منه ولاتضعفين عنده وانتبهي تبيني له انك عارفه وساكته والله يتمادى عليك
واصبري وادعي له الين تمسكين عليه دليل ساعتها واجهيه بالدليل ولا تسكتين ابد لان هالنوعيه والله أعلم ان كان على شاكلة زوجي لازم تاخذين منه موقف قوي 00================================================== ==============

__________________
(سيدة الموقف)
لم ننساك ونسأل الله ان تكوني أنتي وأولادك بخير

الله يكون بعونك ويصلح شانكم عجبتني كلمة التغافل زين والذكاء يودي بدهية طنشي لانه ماعندك غير حل من الاثنين تراقبيه وتتعبي نفشك والشك يوديك بمتاهات صعب تطلعي منها ولو انها مو صحيحه وتعيشي بمشاكل انتي وزوجك ولو كان على علاقة بوحدة بيحصلها فرصة وبيهرب على طول
ياما تطنشي وخليه يسوي الي يحب ولا تفتشي وراه وعيشي حياتك بسعاده واول مايطلع من البيت ماتفكري فيه ابدا وين ماراح يروح ادعي له الله يحفظه ويرده لكم وخليكي مبسوطه ومطنشة واذا كان عامل عملة بيانبه ضميره وهو الي بيحاول يرضيك باي شكل والله بيهديه ونزوة بتعدي

__________________
سبحان الله وبحمده سبحان الله العظيم

يا بنت الحلال اخذي اوراق السياره المستأجره بأسمه واوراق الشقه المستأجره وحطيها قدام عينه وروحي عنه ،،، وخليه يصارع نفسه بالورطه الي هو حط نفسه فيها .

عندي مداخله ليه ضنيتو با الرجال هذا الضن الشين ان بعض الضن اثم

عشان استأجر سيارة فخمة وشقة قلتو خانك خلاص

يمكن الرجال مستأجرها عشان واحد من زملائة بيتزوج ولا حاب انه يعلم احد انه ساعده في زواجه

واستأجر له يومين في شقة لزميلاه المتزوج والله لو بيخون كان قالك انه بيروح لدمام عشان شغل وبقد يومين

هناك واستأجر سيارة ولا علم احد

من باب التاكيد انه مرك با السيارة المستاجرة عشان كذا احسني الضن فيه

واقهري الشيطان مفرق الازواج اعاذنا وياكم منه ان شاء الله

تحيتي لكي

__________________





نبذة عن اطفال ذوي صعوبات التعلم

كل الرجال كذا يخبووون والله المعين منهم

__________________

][ يارب ][

كلما فكرتـ بكتمان حزني أرعبني قولكـ:
(( وابيضت عيناهـ من الحزن فهو كظيم))
وكلما فكرتـ بالبوح بصوت مرتفع تذكرت قولكـ:
( وبشّر الصابرين )
فيرعبني أن يُضيع بوحي .. أجري وبشارتي،


اللهم إني أسألكـ صبراً لانسيان فيهـ ،،