نمر في حالات صحيه ...((( زوجيه )) ممتازه ولله الحمد
لا بل نحسد عليها .... لكن في يوم ما حدث مالم يحمد عقباه
هو انفجار زوجي علي بكلمات لم اتوقعها منه .... لكنه فعلا لا يلام في شيئ
فهند طفح منها الكيل

نعم واعذريني يانفسي كم اعاتبك والى الان بقي في خاطري عليك الويل والويلات
وكان سبب المشكله هو تافه جدا ......... التلفاز لاني اعطيته اكبر من حجمه
المهم بعدها احسست بزوجي وانبني ضميري واستفقت من وعيي

بادرت له بأعتذار في رساله وكلمات كثيره عن حبي له وتعلقي به الذي يزداد
مهما كانت الالام سعد كثيرا بها بل هي سعاده لا توصف وكأنها الولاده
الجديده لي وله ....

زوجي في هذه الايام يمر بضائقه ماليه اتعبتنا نحن الاثنان
فقد اصبح حساس لاي كلمه قد تصدر مني
احاول قدر المستطاع تحمله لاني زوجته والاولى بذلك لكن
يستفيق بخاطري انسانيه البشر ربما لم تفهموني
اي قد اغضب قد تخرج كلمه مني بالغلط فأنا مازلت بشر
يوم الخميس رجع متأخرا سألته ... (( سأقول لكم بالحرف الواحد ماذا قلت ))
عسى ماشر شفيك متأخر .... والله هذا الي قلت
قامت القيامه ولم تقعد غضب وقلب لشخص ثاني ... قلت لا مشكله ولن تكرر
جاء يوم الجمعه وقلت له ادعوك لعشاء على حسابي
وافق ... ولما اتصلت عليه لنخرج في الوقت الذي اتفقنا عليه لم يرد
اربع مرات ادق ومايرد ((( للمعلوميه لو اسويها انا كان يجن ))
ولما رد قال انه نام اشوي قلت له احس انك يوم الجمعه مالك خلق علي
وقال طلعي وليتني هونت وما طلعت
انتي ليش تصارخين وخير ياطير
وليش تقولين مالي خلق عليك وكلام له اول ماله اخر
شرينا العشاء .... وكلت غصب حسيته مو راضي ينزل طبعا بالموت
اعتذرت وقلت آآآآآآآآآآآآآآآسفه
وبعدين رحت لزياره وانا مو بس متعكر مزاجي لاوالله ماكله تبن الله يكرمكم

نعم نصبر ونتحمل لكن وش الحل مو دايم اعصابنا بدينا
لما ركبت السياره قلت له ادري ان ظروفك صعبه
لكن بعد انا مو ملاك نازل من السما ما اخطأ
ولا اعصب ولا ولا انا بشر اذكر ما زلت بشر
والله حاسه عمري اني مقيده
يارب وش الحل اربط لساني وافك عمري
قال اي انتي غلطانه ورافعه صوتك
((( وهاذي الي طايح فيها رافعه صوتك ياليت اقدر اسجل لكم وانا اكلمه واسمعكم ))
والله اتكلم معه عادي بس الظاهر .... احسن خلاص الباقي عليكم ..