هذا زميل لي شاورني في موضوعه وحبيت اخذ رأيكم
يقول تقدم لبنته العشرينيه شاب من اقاربهم وسأل عنه شخصين كلهم اثنو عليه وشجعوه على الموافقه
وشاور زوجته في البداية كانت موافقه ثم اخبر والد العريس بموافقته
ثم تغير موقف الأم واصبحت ترفض تزويج الشاب بحجة انها سمعت عنه كلام
الأب يرفض كلام الأم ويقول انه اعطى الناس كلمة ولا يستطيع تغييرها
وفي نفس الوقت الأب خائف ان يكون هو السبب لو حصل فشل للزواج لا قدر الله ثم لا ينتهي من لوم زوجته وابنته بعد ذلك .

يتاكد من الكلام اللي وصله هل هو صحيح او لا ،

الله يختار لهم الصالح ..

ومدح الناس مو شرط
زوج أختي مدحوه الناس وطيروه السماء
وللأسف الواقع شي ثاني
وياكثر ضيقنا من اللي مدحوه
وماعاش الألم إلا أختي والمداحين عايشين حياتهم

طبعاً ما ألوم اللي يمدحون بس لاتبالغون ولاتشجعون على شخص ماتعرفونه زين
قولوا اللي تعرفون وبس

الأب لازم هو يسأل ويتحرى من أشخاص كثيرين
ولا يكون همه نفسه ووجاهته وأن ماتروح كلمته
لأن هذا عمر مافيه مجاملات ..

وواجب على الولي أن لا يُنكح موليته إلا من يثق به تماما

يقول ما وصله أي كلام سيء عنه
ماعدا العيوب المنتشره عند الشباب مثل شرب المعسل والسفر

صدقتِ هذا عمر مافيه مجاملات
وابقوله اسأل مرة ثانية
بارك الله فيكِ

فيه ناس تمدح وتبالغ
وفيه ناس تذم قاصدة
في الأخير يعتمد على اللي سمعته الام ودرجة تقبله ومدى صدق الناقل
واكيد انها سمعت شي محدد فيسأل الوالد ويركز عليه،
وان كان فعلا مو مقبول فالله يرزقها الأفضل منه
البنت وش رأيها ؟ مع الأب والا الأم.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

أسمع يا عزيزي..
إلا الزواج لا تجامل فيه أبداً..
كلمته مو عيب ولا حرام يتراجع عنها..
هذا زواج وعشرة عمر، لو قدر الله طلع سيء راح يلوم نفسه
لأن بنته بتتعذب معاه، وحياتها غير مستقرة..

لا تسأل ناس يقربون له..
لأنهم في الغالب راح يلمعون له الصورة..

خليه يروح يداوم كم يوم بالمسجد اللي قريب منهم..
يسأل إمام المسجد والجيران..
يروح العمل يقابل مديره..
ولا يستعجل بالرد عليهم
خليه يسأل في كل مكان إذا كن يبغى لبنته الخير..
طبعاً هذا كله بدون ما يحس العريس..

أنا أقلك هذا الكلام لأني رأيت أختي تعاني في زواجها إلى أن حدث الطلاق..
للأسف سألنا ناس كبار وثقة وتوسمنا فيهم الخير..
وفي الأخير طلع مدمن وراعي خرابيط وسفريات..

هذي الأمور ما بتعرفها إلا من أصحابه المقربين..
اللي يروح ويجي معاهم..

الله يرزقها الزوج الصالح

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

يقول ان البنت ماتدري عن شيء وما قالو لها عن الموضوع
وهم ناوين يقولون لها لكن بعدين

أشكرك على الرد الكافي والوافي وراح يوصل له
جزاك الله خير