30-01-2012, 01:00 AM
|
بسم الله الرحمن الرحيم
زوجي طالب في الكلية ، وامام مسجد ورضيت اني اعيش ببيت اهله مؤقتا ووالله لو عرفت تصميم البيت قبل يوم الزواج ما اوافق اعيش معهم لكن الحمد لله على كل حال المهم انهم حطوني بملحق خارجي في الحوش ورا البيت باب الملحق ألمونيوم والملحق عبارة عن غرفة نوم وحمام وسيب يوصل لباب الالمونيوم وغرفة زوجي حاطها مكتبة للمذاكرة موجودة خارج نطاق باب الالمونيوم يعني عشان اوصل لها اخرج الحوش والحوش كشف كل بيوت الجيران تطل علينا بمعنى أخرج نادرا وبعباتي المهم هو المطبخ طبعا في شقة ام زوجي يعني اذا بغيت المطبخ اطلع بعباءتي عيوب هذا السكن رعب اذا خرج زوجي ( اخاف احد ينط على الحوش ويكسر باب الألمونيوم ويدخل عندي) (أخاف أطلع لازم مع زوجي أخاف ألقى أحد نط في الحوش وأنا رايحة) طبعا اخوانه ينطون دايما اذا نسوا المفتاح أو تأخروا في السهر ومايبغون أحد يدري نطوا من على السور ودخلوا عالبيت بدون ماحد يدري حتى الحيوانات ( قطط قرود تنط في الحوش) 2- مررررمطة في البرد والمطر وخروج متكرر في الشمس كل هذي امور تتعب النساء وتضايقهم 3- احيانا زوجي يجي مرهق او طفشان وما يبغى يوديني وابقى جيعااانة 4- ا ن اهله اعتمدوا علي اذا رحت وطبخت اكلوا واذا مارحت جلسوا بدون أكل ينتظروني ولا يفكرون يطلبون الشغالة 5- زوجي غيور جدا ولا يبغى احد يسمع صوتي من اخوانه وفي البيت 3 اخوان واحد في شقة امه و2 اخوانه من ابوه في شقة امهم وتصير مشاكل كثير اذا صادفني احد منهم او دخل بدون ما يدق فكثير ما يطلب مني ارجع الغرفة وانا لسى ماخلصت تجهيز الاكل ويقول طفي النار واطلعي ولا تطلعي من الغرفة وقت الصلاة أو وقت حلقة التحفيظ علشان لاحد يشوفك على فكرة ما ني متضايقة من غيرته وفي الاجازات كلها يجون اخواته واخوانه ويملون البيت ويمنعني من الخروج علشان اخواته واولاد خواته زوجي يقول مؤقت وبنطلع 6شهور ونطلع وبعدين صارت سنة وبعدين قال اكمل دراسة ونطلع والحين يقول اذا توظفت او توظفتي نطلع طبعا كل هذا تحملته اول سنة زواج على امل ان الوضع بيتعدل ومو مشكلة اذا جعت يعني بتنهد الدنيا بكرة ان شاء الله بآكل وادعي الله انه يحميني من شر كل ذي شر وآخذ احتياطاتي ما اطلع الا مع احد واقفل الابواب بالمفاتيح علشان لا يقع شيء لا احمد عاقبته لكنني حملت وفي الشهور الأخيرة بديت افكر بوضع الطفل وكيف بيكون ؟ المهم تكلمت مع زوجي كثير كثير كثير ولا عنده حل غير العيشة بهالمكان قمت تكلمت مع اهلي واللي كانوا متضايقين من وضعي لكن ساكتين ما يبغون يشوشون عليه طالما مستقرة ومبسوطة خلينا ساكتين ولما شكيت لهم قالوا خلاص احنا مجهزين مبلغ لك عشان تحلين هذي المشكلة وكانت اقتراحات ابويه كالتالي : 1- نكمل لكم الملحق بحيث يصير شقة متكاملة باضافة مطبخ ومدخل وباب حديد 2- نعطيكم مبلغ وتستأجرون برا قلت لزوجي الخيارين وكنت اميل للأول لأن فيه استقرار اكثر وهوه وافق على الأول وكلم ابوه وابوه رفض رفضا قاطعا ندق لو مسمار في الملحق طبعا العلاقة بين امه وابوه متوترة فما في مجال للتفاهم بينهم ابدا لانه مايل مع الثانية وعايش عندها وكأنهم جيران مو ازواج وبينهم مشاكل لا تتوقف الله يعافينا مما ابتلاهم به قلت له الخيار الثاني رفض رفضا قاطعا علشان يبغى يكون مع امه وامه رافضة تطلع من البيت وتسكن معانا على حساب اهلي وبقيت ازن وازن إلى ان حان موعد ولادتي ورحت لأهلي وقعدت فترة النفاس في هذي الفترة ابويه بنى شقة لي واثثها في حوش بيته (بيت اهلي) ولما سلمني المفتاح قلت لزوجي ابغى اسكن هناك وافق بشرط انه يبقى مع امه ولا يجي الا وقت ما يعجبه ونقل عفشي بالكاااامل وفي نفس اليوم في الليل زعل مني واليوم الثاني طلبته غرض وجاء حط لي غرضي وسلم على بنته وزعلااااان ما يكلمني المهم بقيت اسبوعين مناقرة ومشاكل على الجوال اقول ليه غيرت رأيك وليه نقلت عفشي يوم انك مو موافق آخر شيء قلت خلاص بلاش من الشقة ذي الحين بروح عنده وبجلس فترة إلى ان يقتنع بس مو راضي يقتنع يقول روحي بكيفك شقتك ومن حقك تعيشين فيها لكن انا لا تسأليني ليش زعلان ما اقدر اعيش هناك استحي من ارحامي وماتزوجت عشان اكون بمكان وانتي بمكان وانتي مو راضية تصبرين على ظروفي واهلك ااشترطوا لك بيت مستقل ومن هالكلام المهم صار اللي كنت اخاف منه احتاج اسخن مويه لرضاعة بنتي لأني مع الجوع ما عاد فيني حليب وما اقدر اخرج حليت هذي المشكلة بغلايه كهربائية مع اني اعرف ان لها مضارها ولكن ما حيلة المضطر الا ركوبها ومع الايام صرت احط لها مويه باردة بدون غلي ولاشيء كبرت شوي وصار لازم تأكل واخيرا فطمتها وكل هذا الوقت اعاني علشان اوفر لها لقمة وابوها يررررفض آخذ أكل للغرفة أو انه يجيب لنا دافور في الغرفة لو ما اسوي لها الا اندومي تحزني تقطع قلبي اذا جاعت تبكي واجلس ابكي معاها كنت حريصة ما اعطيها حلويات او شيبس لأن سنها صغير واخاف عليها لكن صارت هذي الأشياء الحل اللي اقدر اوفره اخبيها عن أبوها بدولابها طبعا وهي في اللفة كنت أخاف عليها مرة من البرد من كثر ما نخرج بها وندخل ولما كبرت شوي صارت تمل من جو الغرفة وتحس بضيق المكان ولا تقدر تجري وتأخذ راحتها وتقعد تبكي ولما يجي أبوها يبغى ينام تسوي ضجة واجلس اهديها واسكتها وتبكي اذا رحت بها لبيتهم تجري وتخرب وترمي الأشياء تبغى تكتشف كل شيء وتبغى تلعب مع جدتها وجدتها مو فايقة للأطفال تجلس تضربها وصارت البنت تضرب جدتها وجدتها ما تتحمل وتزعل وتجلس تشتكي وتعيد وتزيد صرت مضطرة احبسها في المطبخ عندي أثناء شغلي صارت البنت نفسيتها دمار بكاء وحبس طول الوقت طبعا ما قصرت حملت بالثانية ما شاء الله وعانيت معاناة يا لطيف والحمد لله وأنا الآن في فترة نفاس عند أهلي من 24 يوم وقبل أسبوعين طلبت من زوجي يكلم ابوه من جديد وعلى اننا نكمل الملحق وجلس يماطلني كلما سألته قال باقي ما كلمته وآخر شيء قبل أمس يقول أمي رفضت تقول لا تكلمه وتجيب لنا مشاكل جديدة أنا انقهرت لأنها وكأنها مو حاسة بمعاناتي ولا كأنها شايفة شيء عادي عندها كل اللي قاعد يصير لي وطالما عشت 3 سنوات بهالحال بأقدر أعيش العمر كله كذا بس في نفس الوقت ما قدرت اقول الا خلاص طيع امك قلت لابويه كلم عمي بس رفض قال : اخاف يتلفظ عليه وانا ما ابغى احتك فيه كثير قلت لزوجي بأكلم عمي قال لا أكيد بيتكلم عليك بطريقة مو زينة ولا انتي مستفيدة شيء طبعا اللي احب اوضحه بعد ان عمي تاجر كبير يمديه يسوي قصر بس يحب الفلوس نجي للنقطة المهمة وهي علاقة زوجي بأمه زوجي الله يوفقه ويرزقه من حيث لا يحتسب بااااار بأمه ماشاء الله تبارك الله مع ان عندها بنات واولاد لكن كأنه ماعندها الا زوجي عايش معها ويوديها ويجيبها ويجيب اغراضها ويسمع سوالفها ويأكلها بيده ويدلعها ويعطيها دواها ويشيلها اذا مرضت بين ايديه ويروشها ويلبسها وينظف غرفتها ويبخرها يعني باختصار قايم بدور الابن والبنت والأب والأخ والصديق ومن شدة تعلقها به احس كأنها مقطوعة من شجرة واخواته معتمدين عليه كليا ينتظرون متى يخلص دراسة ويستقل و2 ناويات ينفصلون عن ازواجهم ويجون يعيشون معه ووحدة ارملة برضه تنتظر ووحدة ماتزوجت فهذي كل آمالها وحياتها معلقة على زوجي فيقول مقدر اعلن استقلالي عن بيت ابوي واروح استأجر واتورط بمصاريف كل هالبشر يا جماعة الخير ما عاد في راسي أي حل أبغى مشورتكم وجزاكم الله خيرا |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
