السلام عليكم ورحمة الله وبركاته
اول مره اكتب موضوع في قسم " المتزوجين " ..
انا في شهر العسل .. الحمدلله
بس لي 3 ايام ما نكلم بعض انا وزوجي الا اذا كنا برا البيت اما داخل البيت لا
هو مزح معي وقال كلمه قويه وانا زعلت وقمت وتركته واللي قهرني انه يضحك لاني زعلانه ينلظرني ويضحك ويقول لا طولين بالزعل انقهرت و رحت للغرفه ونمت
ومن بكره الجو مكهرب وبعده نفس الشي بس لما طلعنا لا عادي ونضحك
بس لا يزل فيه شي
اليوم قلت لازم نتصالح احنا بشهر العسل
وحاوت اكلمه عادي وهو يصد ويرد بكلمه
واللي قهرني انه مايدري ليه زعلانه ولا سالني يحسبني زعلانه من شي ثاني
و زعل لاني زعلانه
مع ذالك قلت لا يخرب شهر العسل وبكلمه عادي قال بطلع اجيب عشاء < استغربت لاننا العاده نطلع سواء ..
قلت اوكي تاخر ساعتين برا بعدين رجع متعشي وخالص وجايب لي عشاء .. يقول ذوقيه
قلت وانت !
ضحك قال انا تعشيت انقههههههههرت
قلت بالعافيه وطلعت وتركته
ورجعت لقيته يلعب بجواله
قعدت اتابع التلفزيون هو حس انه غلط
قال ما ذقتيه قلت مابي شي قام يحاول يراضيني بس ماكانه وقته لانه عصبني اكثر من قبل وطلعت كل اللي بخاطري
وللاسف ما تقبل انه غلطان وقال انتي اصلا الغلط راكبك من راسك لين رجليك زعلين من مزح وتتصيدين الكلمات وحرمه مثل كيذا ماتلزمني .. بدال ما تتاسفين وتعتذرين وتقولين معد اعيدها قاعده تقولين هالكلام
كانك كيذا كل واحد يشوف طريقه انا ابي راحتي انا وحده تزعل وتقوم ماتلزمني و الخ <<تدرون مابعد كملت العشرين يوم واسمع هالكلام .. ماعرفت ارد والله تلعثمت و سكت
وقام وغير مكانه .. و انا مصدومه
بعدين لفيت عليه قلت انا لو بعتذر عشان ينتهي الموقف .. انا ماغلطت ولا اوعدك ما ازعل قال قاعده تدورين كلام << استغربت من كلمته
قلت لا انا مستغربتك بس ماتوقعتك كيذا

وقمت وخليته
وش الحل !

والله كان لي سنين معه على اسلوبه مو 20 يوم



تم تغيير العنوان ليتناسب مع المضمون

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

وش الكلمة او معناها. يمكن فعلا ما تسوى الزعل

__________________

اهم شي انك وصلتي له مسج انك مو واحد من الربع والمزح الثقيل ماينفع مع الانثى...اكيد مع الايام بيترك هالصفه...كذا بدايات الزواج هواش على كل شي لحد ما كل واحد يتعود على طبع الثاني وتمشي الامور

لأنكم في بداية الزواج وما فمهتو بعض طبيعي يصير اختلاف وزعل
وعودي نفسك من الآن على المشاكل الزوجية لأن هذه البداية فقط

أولاً مبارك عليكم الزواج وأسعد الله أيامكم بالذكر والطاعة.

ثانياً الزوجين بما أنهم تقابلوا حديثاً فمن الطبيعي أن تكون بينكم مشاكل ﻷن الوضع الحين مثل ما يقال وضع التأقلم فلا بد تزعلي ويزعل حتى بعدين كل واحد يعرف إيش اللي يزعل الثاني وتتجنبوها يعني يحتاج لكم اربع سنوات -بكالوريوس- حتى تتخرجوا بامتياز في الحياة الزوجية بإذن الله.

وثالثا حطي ببالك أن كل المتزوجين إلا من رحم الله يمرون بهذه المشاكل أنا أذكر إني في ثالث يوم زواج تزاعلنا -من أولها- هههه وبعدها نرجع حبايب. من ما قال أحد الإخوة في وصف حياته الزوجية بأنها مثل : ( المد والجزر) وهكذا.

فلا تتعبي حالك ولازم تحطي ببالك أن الأيام ليست كلها راحة وسعادة بل تتقلب في لحظات؛ لكي ما تنصدمي مع الأيام.

وأنتي حاولي تتحوي زوجك وحاولي تفهمين شخصيته وتعرفي طريقة التعامل معاها وخاصة في هذه الأيام حتى يتعلق فيك وبعدين تخبريه عن اللي يزعلك وما يعجبك ﻷنه دامه حبك وتعلق بك بغير اسلوبه بإذن الله. وما تستعحلي.

الله يوفقكم ويسعدكم.

تقهرني اللي تقول قالي كلمة قويه وجرحني
طيب قولي الكلمة او قريب من معناها حتى نفهم
يمكن تكون كلمه عاديه فعلا ولا ينزعل منها!

وعليكم السلام ورحمة الله وبركاته..

حبق صباح الفرح

لا نريد أن نراك أنت في شهر العسل عادي حبوبة هيدا الإختلافات وخاصة في أول سنوات الزواج بغض النظر عن إنها في أول أيام..

اذهبي استمتعي مع زوجك لا تضخمي الأمر، هيا لا تجعلي للشيطان سبيل..

ولا تفتشي في المنتدى ..

تعلمي تتغاضى عن الأمور الصغيرة حبوبة ولا تأخذ حيزا من حياتك واستمتاعك مع زوجك..

مبارك حبوبة أمنياتي لك بحياة مليئة بالحب والسلام ..

أنا كمان بعد أسبوع صارت بيننا مشكلة ماكانت كبيرة بس مزح معاي مزحة كانت ثقيلة عديت الأولى وبرضو عديت الثانية المرة الثالثة زعلت منه وتهاوشنا عليها ووصلت له فكرة إن البنت مو نفس الولد ماعندنا مزح ثقيل زيهم .. إن السخرية من الآخر في شي خلقة الله مثلا هذا قصير وهذا دب تضايق لأنه شي مايتغير ويسبب حساسية مع الوقت

وفهم وأعتذر وحلف إنه كان يمزح وأنا متأكدة إنه يمزح بس الموضوع هذا من قبل أتزوج مسبب لي عقدة وأتحسس منه وبرضو أنا عروس أبي دلع وغزل مو محشات والحين إذا تذكرنا السالفة نضحك

أكثر من مرة صارت إنه يمزح معاي وأزعل بس غصب عني ما أكون أعرف إنه مزح وأحيانا النفسية تكون سيئة أسبوع في الشهر وأكون أصلا مو متحملة نفسي

الحين فهم هذا الشي وقدر

وهو كمان كان يزعل من كلمات أنا أقولها بحسن نية وبمزح وصرت أتجنبها الحين

لا تتحسسين وقولي له بدلع سبب زعلك في وقت مناسب وحبذا قبل النوم حطي يدك على راسه او امسكي يده وقولي أنا ما أبي ازعل منك بس غصب عني .. أمر بتقلبات نفسية وأعيش وضع جديد وكذا .. وأنت برضو خف علي لاتمزح معاي زي أصحابك .. أنا أحبك وأبي أكمل حياتي معاك وترا كل زوجين يتهاوشون كثير في البدايات لأنهم مايعرفون بعض مضبوط

ونصيحة لك " أخفضي سطح التوقعات والأمنيات المتعلقة بزوجك قليلا حتى لاتستغربي أي تصرف ويجي في بالك توقعت انه بيسوي كذا " بعض البنات وأنا منهم نتوقع إن الزوج بيكون كل شي وبيملأ حياتنا حب وشوق والحياة كلها رومانسية وإذا بدأ الجد نتحسس من انشغالهم عنا ونتهمهم بالتقصير

بس يرضو خليك متفائلة إنه مع الوقت بتيعدل وتكون حياتكم جميلة ومتفاهمين

والله يوفقكم ويسعدكم

مشاكل جدا عاديه ورايح تكثر بينكم مثل هالاشياء البسيطه لين تفهمون بعض اكثر بس عودو انفسكم علي النقاش في وقت الهدوء لان هالشي يساعد انكم تفهمون بعض باسرع وقت ممكن والله يجمع بينكم علي خير

الزوج ياحبق مايحب الزوجه اللي صعب ارضائها هو عارف انك زعلانه من الكلمه وبنظره ماتسوى وتلاقينه جالس يدور طريقه يراضيك فيها فاخترع سالفه العشا وجاء يراضيك وانتي صديتيه انه مو وقته. فهذا اللي خلاه يزعل. حس بالاهانه حلو الزوجه اذا زعلت واقل شي من زوجها يرضيها هنا زوجها مايستصعب ارضائها فيجي يراضيها بسهوله. خاصة انكم بالبدايات ومابعد تتعودون على اساليب بعض فرايح يكثر الزعل فمو معقوله على كل زعله يتجلسون ايام متكدرين