حبوبة زوجها جاتكم بفكرة حلوة للمتزوجين .......................................
حبوبة زوجها وطريقتها في تقديم الهدية
اقدم بين يديكم طريقتي لتقديم الهدية لزوجي الهدية مكوناتها
1. ثوب خروج اسود حق البرد
2. شراب ابيض حق البرد
3. شال اسود برضوه حق البرد
4. نيفياللجسم
5. ولابيلو حق الشفايف
6. شريط اناشيد لكن مستغنيه عنه
7. علبة بيسبي
انتم عارفين انو احنا الان موسم برد وزوجي ماعنده ثوب يخرج به للشارع حق برد عنده جاكيت عنده بشت ثقيل قلت ليش ماأهديله ثوب وبطريقه مبتكرة اكيد بتقولو وش الجديد وهي اشياء بسيطه طبعا اسبوع وانا احظر كلمات حلوة اكتبها بالرساله لكن مو أي ارساله رساله عن طريق شريط
كيف
تبغون تعرفون تابعو معاي
آسفه طولت عليكم الحكاية انه انا في صبيحة اخر ايام الاسبوع بعد ماراح زوجي العمل جيبت شريط (كاسيت وطبعا فيه مادة حتى لاابث الشكوك في نفسه ويعرف السر على طول مسحت العبارة اللي مكتوبه عليو وكتبت أناشيد الغالية للغالي إعداد أم ...........)عدت الشريط من اوله ووسجلت علية اول شي نغمة جواله يعني كأنه جايه اتصال وينخم فيه يروح لجواله ويطلع انه الصوت بالشريط هههههه بعدين سجلت انشودة(فعاليات حلوة وجذابه ) بعدها بصوتي انشودة احبك يابعد ناسي يانبض روحي واحساسي بعدها بدأت السلام عليكم يأبو .....................ان شاء الله بخير اتبع خطواتي هذه لنبحث عن الكنز اولا روح لمجلس الرجال يقفل الشريط ويروح للمجلس يلقى على الطاوله مكتوب فيها ارجع للشريط لمايرجع ويشغله اقوله روح للشماعه وراء باب غرفة النوم تلقا كيس شوف وش فيه برضوه يقفل الشريط ويروح للشماعه (كيس فيه حلاوة مصاص قلب حمراء وورقة مكتوب مص في الحلاوة لين تخلص وبعدين روح للشريط يشغل الشريط مرة أخرى اقوله آآآآآآآآآسفه اني تعبتك معايا لكن عشان الحبيب تتعب معاه واسكت قرابة ربع ساعه حتى يظن ان الشريط خلص يستنى ويستنى بعدين فجاه اقوله ههههههههه بصوت مفجع طبعا من الكمبيوتر مسجلته مع تردد للصوت هو انفجع لانه ساكت ساكت وفجاة طلع الصوت ظنا منه ان الشريط انتهى اخر روح لمجلس الحريم ودور طبعا انا مسويتها على شكل صرة وجوتها الهدية ودخلتا هاصندوق شراشف الصلاة بين الشراشف والسجاجيد حتى لما يفتح الصدوق مايشك انه الكنز هنا دور دور في الغرفة ما لقي شي راح فتش بين الشراشف والسجاجيد لقيها وشالها للغرفة ورجع للشريط وشغله لقيني اقول حلو اللف والدوران هذه مجرد مداعبه والسلام عليكم أم ............... تسلم عليك 0طبعا هذه كلها مسجلتها داخل الشريط وين تتوقعون حاطه الشريط (داخل علبة بطاطس عيدان تقولون كيف رحت فكيتها بالمفك من القاعده والمكان الاصلي للفتح تركته مقفول فرغت البطاطس في كيس وضعت الشريط وجلدت العلبه ولفيتها بشريط سلوفان وقدمتها له مع علبة بيسبي بارد وكان هذاك اليوم رايح زواج زميلة لما جا قدمت الببيبسي وعلبة البطاطس قال جزاك الله خيرا بس مالي في البطاطس الان قلتله عشاني افتحها وكل معايا قال طيب وقمت يعنني بروح الحمام أكرمكم الله وقفلت على نفسي في غرفة ولدي يحسبني في الحمام فتح البيبسي ي وبعدين فتح البطاطس ولقي الشريط طبعا تفاجئ بهذا الشي جالس يضحك والمصيبة مشغله الكاميرة وداستها في الغرفة مسلطتها عليه بس ما يشوفها مغطاه بشرشف مو باين الا العدسة بس ماانتبه وهي تصوره عشان ابغا اشوف رد فعله بعدين المهم سمع الشريط ولقي الهدية كله هذا وان افتح واقفل في الباب اذا حسيت انه جاي بسرعه اطبق الباب واقفله بالمفتاح كانت فكرة جديدة عليه وطق علي الباب وقالي تعالي رحت معاه وهو ماسكني من رقبتي قال ليش اللف والدوران جلسني جنبه وفتحها تفاجئ بالثوب وتوابعه وجلس يشكرني ويقول والله انه ماله داعي قلتله هذا اقل شي اقدمه لك والله العظيم انه مومقصر معاي واتمنى اللي تطبقها تدعي لي من قلبها ان الله يديم علينا السعادة
ملحوظه :هذه الفكرة من بنات افكاري لا من نت جبتها ولامن احد سمعتها فلاتبخلو علي بدعوةطيبة ياطيبين
14-01-2005, 08:52 AM
ضوابط المشاركة
العرض العادي
