السلام عليكم ورحمة الله وبركاته


كيفكم يا اخوان


عندي سؤال وياليت تفيدوني الحين الواحد اللي يبي يتزوج

وانا زواجي حوالي بعد اقل من شهرين وش الحاجات اللي يشتريها من اغراض

من ملابس وعطور لاني تعرفون حياة العزوبيه مش حالك ............ يعني الواحد لازم يهتم بنفسه

شوي

يعني ودي اعرف وش اللي اشتريه خصوصا اني يمكن اسافر برى وان شألله ما بتقصرون معااااااااااااااااااي

__________________
أستغفر الله اللذي لا اله الاهو الحي القيوم واتوب اليه

السلام عليكم
.
.
.
أهم الشي ... سخّان الماي في المطبخ ...
علشان ما تضطر تجلي بمي بارد
ههههههههههههههههههههه
.
.
.
لي عودة
.
.
.
والله المستعان

__________________

تكفون ياشباب فعلوا الموضوع هذا... أنا زواجي قريب ولا اشتريت ولا شييييييييييي!!

__________________

ادري مالي دخل بعالمكم
لكن من باب المساعدة

من سؤالك افهم ان قصدك تبي تعرف الاغارض الخاصة بالمعرس

معروووفة
ااولا:لعطورات ( شرقية وغربية) ادخل المنتدى وسوي عملية بحث ( عطر او عطور) راح تطلع لك مواضيع بالعطور الرجالية اللي امدحوها الشباب
واذا ما حصلت روح حق محلات العطور الشرقية او الغربية واهناك ما يقصرون يعطونك الاحدث
اما الاحسن يعتمد على ذوقك

ثاانيا: الملابس
تعتمد على نوعية الملابس اللي تلبسها( دشاديش - بنطلونات - ........الخ
انت واللي متعود تلبسه في بلدك
حدد العدد ( يعني كم من كل نوع راح تشتري)
اما الاماكن اسأل الاصدقاء او شخص معروف بلبسه وكشخته


ثالثا: الأحذية( تحديد العدد مع النوع المناسب للملابس )
رابعا:ادوات النظافة الشخصية ( اشتر اشياء جديدة لا تاخذ ولا شي قديم معاك
ومعروفة ادوات النظافة الشخصية( الليفة والشامبو والصابون والفرشاة والمعجون وووو

ولا تنسى طقم روب للحمام ( الفوطة والروب والنعال)

اذا تبوني اكمل ترى حاااضرة

__________________

	فضلا " وليس "أمرا" قل: (حسبي الله الذي لا اله إلا هو عليه توكلت وهو رب العرش العظيم) سبع مرات أتعرف ماذا حصل: من قالها سبع مرات كفاه الله عز وجل ما أهمه من أمر الدنيا والآخرة المرجع: زاد المعاد" (2/342

ملابس:

1- ملابس داخلية عدة لبسات.

2- ثياب جديدة.

3- شماغ و غترة ولوازمها طاقية وعقال .

4- ملابس لك داخل المنزل " ثياب منزلية ؛ تي شيرت وبنطلون ؛ بجامة ؛ فوطه "

5- كم طقم سبوارت " ماعندي خبرة في الملابس الاجنبية.



عطور:

خذلك عطرين فرنسية و دهن عود.



حذاء و جزمة " اكرمكم الله ".


وأهم شيء النظافة




إذا كنت تسأل عن الانواع فهذا امر آخر

ايه تكفون فعلوا الموضوع على قولة اخوناlucky2211

مشكوره اختي ليدي سوفت على هالمعلومات يعطيك العافيه واذا كانت عندك معلومات اكثر لا تبخلين علينا

اخوي ايسر .... يعني وشهي اللوازم الشخصيه اللي يبي الواحد يتقضاها

لاني بصيف برى مو متعوووووووود شهر عسل يعني الواحد وش يشيل معه كم بنطصوبخصولون وكم قميص وكم فنايل وسراويل الخ الخ وبخصوص البجامات انا ماني متعود عليهن يعني لازم الواحد يلبسهن بليله العرس والا عادي يلبس سبورت وينام فيه بعضهم يقول خلك بالفانيله والسروال حقت ايام العزوبيه هل فيها شي تشوفون والا البس قميص والا وووووش يلبس الواحد

__________________
أستغفر الله اللذي لا اله الاهو الحي القيوم واتوب اليه

السلام عليكم

يارب يسعدكم يارب ونفرح فيكم يارب

اخواني اهم شي خليك على طبيعتك مع اشوي ذوق



نبدأ مع بعض جزء جزء

طبعا اذا تذكرت شي انت اكتبه من اجل ان لاتنساه




مستلزمات الحمام\\\


1_ 2 روب حمام بألوان مختلفه مع منشفتها واكثر من المناشف لآن استعمالها اكثر

2_ ادوات الحلاقه ( امواس _ كريم مدري رغوه الحلاقه_ ....... ومسلتزمات الحلاقه اللي انت تستعملها)

3_ معطر للجسم (بدي سبري) _ مزيل للعرق_ مرطب للجسم) من راحتك ونعومتك<<< على فكره المره تحب اللمسات الناعمه

4_ فرشة اسنان ومعجون وشانبوا و(شور جيل) وليفه للجسم والظهر ومحك للأقدام _اعواد الاذان_ اعواد الاسنان_ خيط الاسنان_ غسول للفم





احتياجات منزليه\\


1_احذيه منزليه ....( شبشب _ نعال_ شحاطه ) مدري عاد ايش تسموها



2_ ترنقات اسبورات قطنيه للبيت

مجموعه شورتات ومجموعه طويله

وشكل بالتشيرتات من غير اكمام وبأكمام يعني تغير



4_ بيجامات في بيجامات اطقم ( التيشيرت مع شورت مع بنطلون طويل)

وممكن انت تشكل بيجامات _ ثياب للبيت شكل فيها بالالوان



5_ الملابس الداخليه


طبعا اذا من اهل الخليج لازم الملابس الداخليه البيضاء( مع سروال السُنه)


وكمان حلو التغير ( البوكسترات) في قطنيه منها واطلب واختار من الالوان( كاروهات وساده ومخطط )

الوان صارخه والوان محايده وهاديه



6_ عطورات خفيفه للبيت بارده وهاديه .





احتياجات للخرجات\\



1_ثياب ومستلزماته ,,,,(طبعا انتوا اكثر درايه بكشختكم.)

2_ بناطيل قطنيه وجنيزات الوانها محايده يعني ( البني _الزيتي _ الاسود_ الرمادي.... وطبعا اللي يناسب لون بشرتك)


3_ التيشرتات ( شكل على كيفك طبعا لازم تكون متناسبه للبناطيل واختار الالوان المناسبه لبشرتك

واختار اللي يناسب (البعض يحب الحلق الدائري والبعض يحبه الحلق 7)

يعني اهم شي تختار عن قناعه


4_ احذيه اسبورات بألوان محايده بحيث انك تقدر تلبسها على كذا لبس اذا خرجت.

مجموعة جوارب.


5_ ساعه _ نظاره


6_ عطوارات قويه فرنسيه وعربيه





وفي احتياجات ضروريه ايضا\\


سجادة صلاة جديده + المصحف + المسواك+ كتيب الآذاكار

مقص صغير+ ابره وخيط



اسعافات او الصيدليه\\\



بندول + مضاد حيوي+ حبوب الغازات+ دواء الاسهال+ حبوب الحساسيه+ دواء للكحه+ دواء للزكام

لاصق للجروح+ معقم











بس خلاص هذا اللي اتذكرته


والله يسر امركم ويسدد خطاكم ويشرح صدوركم ويهدي زوجاتكم ويحنن قلوبهن عليكم

ويألف بين قلوبكم.

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

ينقل الموضوع لعالم المقبلين على الزواج مكانة الأنسب


والله يوفقك

__________________


آخر زيارة لك كانت: 05-08-2008 الساعة 05:04 AM < كم أنا مقصر يا أجمل منتدى

ألف شكر لكل من فعل الوضوع... فرحتوني


لي عودة لأي إضافة

__________________

ماقصرو الأخوات والأخوان

والله ييسر لكم

ياحظ الرجال تجهيزهم لأنفسهم ولاشي عند البنات

اتذكر اخوي وقت زواجه خلص بيومين

مبروك الله يوفقكم:14:

__________________
اللهم لك الحمد والشكر
"ولئن شكرتم لأزيدنكم"