بسم الله الرحمن الرحيم
وبعد:
أن هذه الكلمات والتعابير التي ستقرأونها هي أساله غريبة نوعا ما ولكنها موجودها ومحسوسه في عالمنا الذي نعيشه الجميع في هذا المنتدى يشتكي من زوجته او تشتكي من زوجها ليش؟ في مشاكل واختلافات في وجهات النظر ليش كل يوم ارفع ضغطه ويرفع ضغطي الناس مو سوى والمشكلة ان احنا نعرف هاذي الكلمة بس مو راضين نصدقها او نؤمن فيها ليش الزوج مو على مزاج الزوجه والعكس صحيح دائما مختلفين ولابد من وجود اختلاف بسيط بينهم اذا هم متفاهمين محد سأل نفسه ليش ما في بيت ما فيه مشاكل؟ انا من وجهة نظري ارى ان تدخل الناس في مواضيع وشؤن الاخرين هو السبب على سبيل المثال اضرب لكم مثال قوي ومتكرر في مجتمعنا الشرقي وبالخصوص الخليجي (الزوج لازم يفرض سيطرته على زوجتة ومن حقه بس لما تطلب منه شيء مره يوافق ومره لا (هناstop) ليش يرفض وهو قادر وفاضي ما عنده شغل يعني لو قالت له خلنا نطلع ونغير جو وهم قبل امس رايحين للسوق يشترون اغراض يقولها لا لان الرجال اذا نفذ كل اوامر زوجته معناته ان هي شايخـــــــه عليه صح ولا لا؟ يعني جاره ولا اخوه ولا اهله ولا جماعته لما يشوفونه طالع وداخل معاها بقولون بس شاخة عليه أو بيقولون مدلعها الي بيذكر الله والي بيحسدهم ليش تفكير الرجال كذا رجعي دامك مرتاح مع زوجتك وعندك قدرة واستطاعه ومو تعبان لب لها كل طلابتها لا تقول بتدلع علي وتشوف نفسها لا راح تشوف العكس معاملتها معاك راح تتحسن راح تعطيك عيونها لو تبي، بس يا معشر الرجال انتم ما تعرفون كيف تكسبون نسوانكم انتم خلوهم خاتم في أصبعكم لا تنسون اللي تسويه معاكم من وقفتها في البيت ومع العيال واشياء كثيره انتم تعرفونه عن زوجاتكم أكثر مني //يعني شوفوا حسناتهم واتركوا سيئاتهم\\ ولا عليكم من قول افلان وعلان عيشوا حياتكم بدون ما تدخلون احد فيها وحلوا مشاكلكم لوحدكم وكل واحد يقول لثاني وش يعجبك فيني وش الغلط فيني عشان يصحح كل واحد غلطته ويبقى حلو في وجهة نظر شريكه وشلون تعيش مع واحد انت مختلف معاه لازم تتفقون وتتحدون لانكم عائلة وحده وخليكم كالبنيان المرصوص ما ينهدم ابد ولا يهزه شيء وانتم بعد يا معشر النساء ليش تطالعين فلانه وعلانه الا راحت الا جات الا لابسه ومسويه كل وحده ترضى بعيشتها وتحاول تتفاهم مع زوجها بدون ما تقولين له شوف ال بو فلان ما شاء الله عليهم افعلوا وتركوا ترى هذا اخطر شي المقارنه انتي تبين تكونين احسن منهم لا طالعينهم بس باسلوب حلو تقدرين تقنعينه بالي تبينه واذا رفض خلاص لاتزعلين بعدين تجي المشاكل وحتى لو هو مقصر معك اصبري ويتغير مع الدعاء والمحاولة وشوفي الأشياء الحلوة إلي سوها معاك وانسي سيئاته ) هنا جوهر الكلام لو الاثنين ما يطالعون كلام الناس ونظراتهم ويعيشون حياتهم بدون ما يفكرون بحد راح يعيشون مرتاحين ولكن للأسف هناك شروط صعبه على الشخص إتباعها سواء ذكر أو أنثى ليعيشوا حياة مستقرة وبدون مشاكل:1. كل واحد يصفي نيته مع الثاني ما يشيل على خويه ولا يحقد عليه ولا يحسده.
2. عيش حياتك وأنت راضي فيها وأرضى بالواقع وبشريك حياتك.
3. لاتحاول أيها الشخص أن تغير من صفات رفيقك في يوم ليلة وأنت رافض أصلا تغير إلي هو طالبه منك في تغيير بعض صفاتك لازم يكون هناك تبادل مشترك.
4. أذا الواحد رضى بمحاسن ومساؤى رفيقه أهدى لنفسه ولباله(بس لا يوجد)
5. عيش على طبيعتك ولا تخلي احد يغير نظرتك دام أنت واثق في خويك ما عليك من الناس وكلامهم ونظراتهم ترى انت بعد لك نظرة.
6. أذا أنت عندك قدرة على إسعاد نفسك وشريكك ليش حارم نفسك الحياة متعه تمتع فيها فهي زائلةاذ ما تمتعت فيها الحين أنت وشريك حياتك متى بتمتع فيها.
7. ليش الهواش والكلام إلي يضيق الخاطر وإحنا بكرة بنفترق والدنيا هاذي ما راح تخلينا نبقى مع بعض للأبد.
8. لو الواحد يفكر بأنه راح يموت اليوم راح يتعامل مع رفيقه بالمعاملة الحسنه عشان يذكر بطيب ويدعي له.
9. الكلمة الطيبة سواء في محلها او مصطنعه صدقوني لها اثر كبير على النفس وعلى كسب الاخرين.يا أيها المتزوجين من رجال ونساء أب وأم حافظوا على حياتكم وتمتعوا بهذه الدنيا فيما يرضي الله فان هذه الدنيا زائله وكلنا زائلون ولا يبقى الا وجه ربك ذو الجلال والإكرام إذا عشت حياتك ولا سمعت كلا الناس ولا نظراتهم ولا تاثرت بتفكيرهم صدقوني راح تعيشون بسعادة وراحة أنت أدرى بنفسك واهلك وبشريك حياتك بدون محد يعطيك نصائح الله خلق فيك عقل شغله عشان تحل المشاكل أو تتنازل للطرف الثاني عشان تمشي الأيام والسنين وأنت مرتاح ومتفاهم مع اهلك من الحين ضع المشاكل الموجودة لديك في ذهنك أو على ورقه واجتمع أنت وزوجك واهلك لتضعوا حل لهذه المشاكل ولن تحل إلا بتقديم بعض التنازلات أو التغاضي عن بعض الأمور التافهه أو أن تتفقوا على أن تكونوا أسرة واحدة كالجبل لا يهزه الريح صامد في وجه المشاكل.
وأخيرا: نصيحتي كررتها وسأظل أكررها عيش حياتك على وضعها الطبيعي وابتعد عن التصنع والتكلف لأنك ستتعب لن تظل دائم هكذا لابد أن يظهر وجهك الحقيقي وتنكشف أوراقك وصفي قلبك وتمنى السعادة للجميع لكي تأتيك السعادة تركض قادمة إليك والذي يريد أن يعيش سعيدا سيضع نفسه في السعادة والذي يبحث عن الهموم والمشاكل سيجدها أمامه ولكن كن دائم بشوش ومتسامح ولتكن قدوة لغيرك.

جزاك الله خيرا عالموضوع

فعلا لازم الواحد منا يعيش حياته طبيعي ولا يقارن ويكون همه سعادته وسعادة من حوله

__________________
( اللهم إني أسألك حبك وحب من يحبك وحب عمل يقربني إلى حبك )

مشكور اخوي الكتوم موضوع رائع وياليت كل زوج وزوجة يطبقونه يقتنعون باللي عطاهم ربي

ويحب نصفه الاخر بكل مافيه

ومشكور مره ثانيه

__________________
[poem font="Simplified Arabic,5,tomato,normal,normal" bkcolor="transparent" bkimage="http://www.66n.com/forums/images/toolbox/backgrounds/21.gif" border="double,6,tomato" type=2 line=0 align=center use=ex num="0,black"]

ما كل من يخطي من الناس معذور =

البعض يخطي من علـوم العواجـه

وما كل من يبكي من الناس مقهـور =

بعض الدموع رخاص من شان حاجه[/poem]