البيرق

تفضل بزيارة هذا الرابط

على كيفك ورح يجاوبك

ولو ما كفاك الجواب رح ارجع وارد عليك برد مفصل هون

اليك الرابط

http://www.66n.com/forums/showthread.php?t=170749

هذه من طبيعة الزوجة

تحب تفضفض لزوجها حبيبها

وهي تعبر عن اشتياقها له أحيانا بالكلام

فهي بالتالي تريد تفاعل منك وانتباه لكلامها تريد تحسسها إنك مهتم بها وتحب انك تحاورها تسأل عنها


لا تخاف يا أخي هذا شي طبيعي عند كثير من الزوجات حتى أحيانا مع الأمهات

حرام عليك .. حاول تقربلها ... حط نفسك مكانها ... هي طول اليوم تنتظرك ... وتجي تبي قربك... وبالاخير تلقى انسان بارد

لا ضحك.. ولا سوالف .. ولا اخذ وعطا ....

لمين تروح ؟؟ تحاكي مين؟ تفضفض لمين ..

الله يهديك اخوي ... انا اعاني كثير من زوجي ..... ارحمونااااااااااااا

انا عندي العكس

حتى اني اطلع حرتي في المنتدى احيانا في ردودي اكتب واكتب

حتى احيانا اقولها له بصريح العبارة ياقلبو ترى نفخت راسي يقولون الحريم يهدرون اكثر من الرجال ويزعل ^,^ يرجع بعد نص ساعه يتحركش يسأل ويسأل لين اكلمه

تخيل احيانا يأذن علينا الفجر واحنا نهدر ..!

بالاول كنت مستمعة جيده جدا ولازلت واتناقش معاه واجلس اناظره وهو يتكلم علشان ابين اهتمامي

بعدين صرت اكتب على اللاب توب وهو يتكلم وانا اكلمه

صرت اقوم اشتغل في البيت وهو وراي يسولف ويسأل كثييييير في المواضيع يعني مايطلع من الموضوع الا مطلع روحه من التدقيق من كل الجوانب الشرعية والنفسية والاجتماعية والاقتصادية

شفت الولد الصغير الي يسألك اساله احيانا تعجز تجاوبه هذا زوجي مثله

وادا سكت معناته يفكر في اجابة هالسؤال الي ماعرفته يااربي ذكرتني في هالخصلة فيه تفقع مرارتي

بس انا اعذره لانه موب كل يوم يكون عندي يجيني بنهاية الاسبوع يومين او كل اسبوعين

ويكلمني بالتلفون ومثل الحالة صرت اقطع عليه سوالفه بس يرجع يكمل يااااااااربي

بس بيني وبينك اهون منك لانه زوجتك تعاني من صمتك بس انا حتى لو يقعد يهدر بتحمله اهون انه يكون على الصامت

المفروض تراعي في سوالفها وكلامها معك تغيير النبرات عند الحاجة وايضا تتحدث باختصار في موضوع ما وذلك بعد ان رتبت كلامها ونمقته

وتسكت شوي لانه طبيعة الرجل يتململ من الحديث الطويل وخلاص مايركز على الكلام يهمله وشغله بعد ان الرجال ادا تكلم ماتقطع عليه كل شوي لازم تخليه يتكلم وتستمع له بانجذاب علشان تحسسه انه يواصل في حديثه

الله يعينك على دوشتها

والله يعينها على صمتك

حاولوا تشوفون لكم حل وتحدثوا بصراحة حول الموضوع وبكل اريحية بدون زعل هذا الشرط يكون قبل حديث الصراحة

__________________

ما فيش أحلى ولا أجمل من كلام الزوجان معا بشرط الا يخرج عن الاطر الشرعية فلا غيبة ولا نميمة وهذا نوع من الفضفضة لكلا الطرفين ويحل كثيرا من المشاكل فلا تحرم نفسك من هذه الميزه فقط لأنك تستكثر عليها حتى الكلام!!!!!!!!!!

__________________

http://www.66n.com/forums/showthread.php?t=194675

عندي لك نصيحة .. احسن شي شجع زوجتك على ان تمارس هواية معينة .. مثل علمها على المنتديات مثلاً على شان تفكك من الهذرة ..

تقدر تهديها كتاب مشوق او قصة .. واطلب منها تقرأه وتقول لك رأيها في الكتاب .. على الاقل كلامها راح يكون فيه معنى ، وتسلي وقتها بدل ما تقضية في الهذرة معاك ..

وكل ما تنهي كتاب .. إهديها كتاب آخر .. راح تصير دكتورة عليك

ليش ؟!

أنت ماتحبها ؟؟!

مشكور يا أخي صاحب الظل الطويل على هذا الرابط وتأكد اني سوف اقرأه بتمعن

اخي المتهندم اشكرك على المشاركة، والمتعارف عليه ان الزوجات حسب ما اسمع كثيرات الكلام وتبي زوج يسمعها ويردلها لكن اذا كانت مواضيعها تافهه حسب وجهة نظري ومختلفة عن اهتماماتي فصعب ان تجاريها دائما

sa33 الشكر موصولا لك ومعرفك لا يدل على انك زوج او زوجه لكن يبدوا لي من اجابتك انك غير متزوج (او متزوجه) وترى هذر الحريم كثير واغلبه غيبة

مشكور ه يا اختي دمعات الروح على المشاركة واظن زوجك كسر القاعدة هو يحب الكلام وانتي قليلة الكلام يبدوا ان هذي سنة الحياة اللي ما يحب البربرة يطيح في وحدة مهذرة والعكس صحيح ، اصبري ت}جري ان شاء الله

اخي (اختي) فجر شكرا على المشاركة ورأي سديد لكن اذا كانت الزوجه لا تميل الى حب القراءة او قدراتها محدودة في استخدام الحاسب (لا تقل لي علمها لاني حاولت بشتى الطرق ولم انجح في تعليمها يمكن البلا فيا) لكن احيانا اجلس قدام التلفاز واذا كان فيه فلم اجنبي ومترجم اطلب منها تقرأ لي الترجمة وانا اتمتع واركز على المشاهد وهي هات يترجمه لكن دوام الحال من المحال مدري من قال لها زوجك يلعب عليكي حسبي الله عليه

جنة الدنيا يبدوا انك لمست الجرح ولا اخفيك اني احيانا احاول ابتعد عنها (في الشهور الاخيرة)ما ادري ليش واحياناً تراودني مشاعر كره تجاهها واذا غضبت منها وامرتها بتنفيذ امر ما اخيرها بالطاعة او اللي ما يمشي على كلامي يطلع من بيتي لان السفينة لها ربان واحد فقط
لكن المودة وحسن المعشر موجودة بيننا الى حد ما والظاهر ان اغلب الازوج مثلي

نفسي انا وزوجي انا احب افضفض له وهو ع الصامت مايتكلم ولايرد علي وانقهر منه وازعل عليه ..
وللمعلومية هذا شيء طبيعي لان المرآة ثرثارة وتعتبر اثبات الحب التقرب من الرجل عن طريق الكلام ..
والرجل العكس يعتبره باافعاله فقط ..
والرجال يحتاج لساعات من الصمت والعزلة لمراجعة حساباته وايام عزوبيته بس مع ذلك مااقدر لزوجي ..

__________________
وإني لأرجو الله حتى كأنني ... أرى بجميل الظن ما الله صانعُ .