ممكن أسال على حاجه عادي اذا منعني من الجامعه والخروج من البيت الا وياه ومنعني من الرسم وحتى اني أروح بيت أبوي واذا طلعت برع لازم اتغشى بس زوجته الثانيه عادي تطلع وتسافر مع صديقاتها وخواته وما تتغشى بس أنا لا وهي عادي حتى انا ممنوع استخدم تليفون والنت بس هذا المنتدى والماسنجر لا صح شكرا له عشان وافق أني ادخل النت بس أنا أريد أكون أسوي كل حاجه على كيفي ما أريد احد يتحكم فيني
مع أنه هو كان يوعدني اذا حملت بيوديني عند أمي وبيسجلني بالجامعه ولحين يقول لا
هو مسافر البحرين وزوجته مسافره ويا ربيعاتها وأنا منعني أروح عند خالتي
أنا ما سويت له حاجه تزوج ثانيه ولحين سكنت بيتي وأنا عطيته كل حاجه وسجلتها باسمه
هو طيب ويحبني بس أنا أريد أكون غير

هلا لجين

اناا كتبت لك رد بذاك الموضوع

أنتي لازم تعرفين واجبات زوجك عليك وحقوقك عليه

علشان وقت تطالبين فيها تطالبين بثقه وقوة



واجباتك اتجاهه

تحترمينه فلا ترفعين صوتك عليه
أو تحقرينه وماتردين عليه اذ كلمك

ممكن اذا مو حابة تتناقشين قوليله لما اهدى نتناقش


واجباتك تفعلين ماتستطعين لاسعاده ولكن ليس على حساب نفسك

ماتطلعين من البيت الا باذنه الا في الحالات الضرورية

ماتمنعينه من حقه اذا ماكان في ضرر عليك أو على الجنين

وعادي اجبري نفسك لين تعتادين الأمر




حقوقك الي المفروض ماتتنازلين عنها الا برضاك

الدراسة صديقاتك هواياتك لاتتخلين عنهم
ظلي ناقشي خالد لين يوافق

شفتي كيف لما كنتي قوية وماتنازلتي عن حقك في الجوال والنت

خالد بالنهاية وافق

فكوني دائما كذا


لاتسمحين لأي أحد يفرض عليك عقوبات
مو معقولة وتحسسك بالغبن والقهر


مثل انك تتركين بيتك لشريكتك
أو انك تتركين ورثك لخالد

يحق لك تعترضين
على موضوع الدراسة والهوايات والجوال والنت وصديقاتك وبيتك
وورثك ومساحة الحرية

لكن اعترضي بهدوء واكثري من النقاش لين تتوصلون لحل يرضيكم
أنتو الاثنين

هو ما يسمع او يعصب بسرعه
شكرا

لجين حبيبتي
الله يسهل امورك ان شاء الله
حبيبتي زوجك
يحب انك تغطي وجهك لانك جميله حبيبتي هو يغار عليك
ليش انتِ رافضه هالنقطه
هو غيور ويحبك
وما يحب حد يشوف وجهك ولا حتى عيونك

فكري فيها بس ان الخمار ارضاء لزوجك
وارضاء لربك

واذا على زوجته انه ما يغطيها لان ما يحبها ولا عنده اي مشاعر تجاهها
لكن انتِ لما ينظرلك اي رجل حتى من بعيد
خالد ينغرس بقلبه سهم
ويحس مثل الطعنه
بس لان شخص غيره شافك
وشاف جمالك


ممكن بعد ما تتغطي يوافق على دراستك
وممكن مش موافق لانك حامل ويحسها تعب
بس انتِ حاولي وقوليله
ان الدراسة تشغل تفكيرك وتلهيك

بس حبيبتي عشان الزوج يتنازل
لازم حتى نحن نتنازل اشوي
يعني وافقي عالخمار
وشوفي والله ما يزيدك الا عزة
وثقة لانك عملتي بما امر الله به
وقدوتك امهاتنا
عائشةرضي الله عنها
وزوجات الرسول
وبانته

لا تخلي الشيطان يوسوسلك ان زوجك يكبت حريتك بالخمار
لا انتِ اجعليه امر يقربك من ربي
وقولي يارب انا قررت نغطي وجهي وزينتي كلها
عن الناس واطلب بذلك رضاك

الله ييسر امرك حبيبتي

ونفسيتك ازم تكون مرتاحه حبيبتي لان كل ما كنتي مرتاحه كل ما جا الطفل هادي وريحك بعد الولادة
فحاولي تكوني هادية


والله يهدي خالد ويصلحه لك ان شاء الله

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

هلا وغلا لجين كيفك مع الحمل فرحت لك مرة عسى ربي ييسر لك أمرك .. لجين شوفي أنا أشوف معاك حق اللي عنده مبدأ ثابت مفروض مايتجزأ يعني غريبة بصراحة إنه ماخلا زوجته الثانية تتغطى لكن والله يالجين إني أرحم زوجته الثانية يعني واضح إنه منحاز بمشاعره كلها لك .. أستغرب لجين إنك ماتشوفي عشق خالد لك والله إننا نشوفه من بين الأسطر فشيء طبيعي إن العاشق يموت الف مرة لو أحد شاف حبيبته أو حتى لمحها أنا مدري ليه مصرة على عدم الغطا احتسبيها اولا طاعة لله وثانية طاعة لزوجك يعني لو أخّذت النقاب هذا اللي يبين العيون بس ماأظنك راح تتعبي فيه أو يضايقك وثاني حاجة اتوقع الآن مع حملك صعب الدراسة عليك ...وأهم شيء الله يرضى عليك حاولي تتنازلي وتعطينه حقوقه عشان هو كمان يتنازل ويسمح لك باللي تبغي ... مايسير يالجين ناخذ دايما وفي المقابل مانعطي أو حتى يكون عطاؤنا شحيح .. الله يسر أمرك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

كيف اعطيك نصائحي القيمه والمفيده و

زوجك راح يقرا اللي بكتبه لذلك لن ينفع ابدا ان اقول لك ماذا تفعلين بالضبط


بيدك انتي كل شي
تستطعين ان تتحكمين في خالد


وتكونين حررره تفعلين ما تشائين وبرضاه.

لم اجرؤ الكتابة هنا ولكن ساخبركم أمرا على خجل
أحبتي عل بعضنا يراعي رقة شفافية وبراءة لجين فلا نقول مانوقن انه يزلزلها فقط لأننا نعني زوجها ليقرأ
هي تلتمس فينا أبا وأما
أحبكم في الله

__________________
الحمد لله..اللهم صل على محمد و ال محمد

التفريغ المنهجي

نعم هنا المشكله وجود الطرف الاخر فالمنتدئ

لا حبيبتي مو عادي .. من حقك يكون عادل بمعاملته لكن مثل ما قالوا لك الغيره دليل المحبة

والصراحة تأخرت بالرد لأن ما عرفت كيف أرد على نقطة وعده لك .. الوعد دين على الواحد

حاولي باللين حبيبتي ولا تيأسي .. لو ما وافق من أول مرة ارجعي بعد فترة أطلبي كمان مرة .

حاولي تريحيه وتهتمي فيه من ناحية أكله وأغراضه الشخصية ووقت نومه وأكيد وقتها لما يشوف أنك تحاولين تكونين قايمة بواجباتك كزوجة (( على الأقل الأشياء اللي تقدرين عليها )) أكيد بيكون لين معاك ويسمح لك .

الله يوفق ما بينكم ويهدي النفوس

__________________