[SIZE="5"][SIZE="6"][CENTER]السلام عليكم..
بصراحه انا من المعجبين .. بهذا المنتدى .. الرائع .. وهذا اللي خلاني اتشجع واكتب مشكلتي..مع اني قد طرحتها .. قبل سنه .. هنا .. واستفدت كثييير من ارئكم ونصائحكم..

وهي نفس المشكله..ماتغير شي .. ولكن الظروف والا ايام هي اللي تغيرت ..



انا مخطووبه تقريبآ من سنتين لولد عمي وايضآ يصير ولد خالتي عمري 21وهو ..عمره 19
خطووبتي مجرررد كلام .. تكلم عمي ..وابوي اعطاه ..اتوقع من يومنا صغاااار ..بس انا مادريت الا لما تقدم لي واحد من برااا ..تفاجاته ان آبوي كلم عمي ..وبعدهاااا رفض الخطاب . ..وقال البنت لولد عمها ..

انا هينااااا بصرااااحه انصدمت .. ابدآ ماكانت اتوووقع ان بيوم من الايام .. بيقولون انك بتآخذين فلاااان ..لاني اخر واحد اتوقعه ..ع وجه الارض..

ولد عمي هذاااا .. علاقتي معه مثل الاخوان واكثرررر .. عايشين مع بعض.. وميانا مع بعض لانه دائمآ متواجد عندنا .. وانا عادي اقعد معه واسولف معه ..كا اي واحد من اخواني ..ولكن طبعآ اكون لابسه حجابي بالكامل ..

لانا متعودين ع بعض من يومنا ..صغار..


طبعآ انا يوم جاني الخبررر رفضت وقلت مستحيييييل آخذه ..ولكن اهلي اصلآ عندهم الموضوع منتهي،.. بيوضحون لي .. ان رائي ماراح يغير شي ..

هذا كان قبل سنتين ...

استخرررت .. وسكت .. وخليت الامور تمشي مثل ماهي .. لان اصلآ ماهمهم رائييي .. اقول ..ولا مااقوول ..

وبعدها كل ماتقدم لي واحد .. يكون جاوبهم الرفض .. انه البنت لولد عمها ..وطبعآ انا اخر من يعلم ..


ليييين شاع عند الناس .. اني خلاص لفلان ..

وكل هذا وانا راااافضه .. ومازلت ع رائي ..

ليين جاآاء باخر خطوووبه لي .. ورفضوا وقالوا البنت لولد عمها ..وجاني الخبررر من اختي .. بعد ماخلصت السالفه ..

عاد انا هينا ..قفلت معي.. قلت لمتى وانا ساكته ..

جيت عند امي .. قلت صحيح اللي سمعت .. وامي تسوي نفسها برئيه ..ايش سمعتي ..

عاد انا هينا .. انفجرت .. قلت يمممه لمتى ..كفاااااايه انا خلاااص مليييت .. اقولكم ماابييه ..وترجعون علي بنفس السالفه ... يممه الله يخليك ..اذا ماتبوني اتزوووج ..مو مشكله ..ارفضوا ..اللي تبون ... ولا تقولون اني لفلان وتربطون مصيري فيييه ..

فلان ع عيني وراسي .. بالعكس انا اعزه واغليييه .. بس ماخذه .. توووه صغيييير ..ولحد الحين حتى الثانوي ماخلصها ..(( وانا هاذي اخر سنه لي بالجامعه))
والزواج حتى مايفكر فيييه ..ويمكن بعد مايبيني ..وانتم من الحين ربطتم مصيري فيه يمكن مآخذه ..

المهم ماخليت كلمه بقلبي الا قلتها ...

تفاجات ان امي ساكته .. قلت شكلي كسرت خاطرها ..لان دائمآ اذا انفتح الموضوع ..الا تجلس تقنعني فييه ..امي بصراحه تغلييه غلا مو طبيعي .. ومعتبرته ولدهاااا ..

وهي اكثررر وحده تتمنى اني آخذه ..

بعد اسبوووع من كلامي .. تفاجاته ان امي راحت تسآله ..قالت انت تبي فلانه ولا نزوووجها .. مايصير كذا ..كل من جآء احد رفضنها علشانك.. قال لا والله ابيها .. وماراح ارضى اذا زوجتوها ..قالت امي صدددق خلاص ابشررر باللي تبيه ..

مادريت الا امي تقوولي ..ماعندك عذر ..بتاخذينه ..يعني بتاخذينه ..

قلت .. هو الحين يقوول كذا .. بس بعدين بيغير رائيه .. ويقول ماابيها .. وانا يمديني بهذيك الساعه .. عنست ..وانا انتظررره ..لاتلوموني " بصرراحه من كثررر القصص اللي سمعتها.."

بصراحه انا لما اشووف لهفت امي وابوي وعمي ..بالزواج منه ..

اغير رائي .. اقوول بنفسي خلاص موافقه ..ولا اني اكسر بخاطرهم ..
واكسر فرحتهم ..


ولكن مشكلتي هنااا انه اصغر مني، ..و مشاعري له مشاعر اخوووه ..لاغير .. حاولت اغير نظرتي له .. بس للاسف ..ماحمل اتجاهي غير انه ولد عمي اللي تربيت معه..

وحتى بعد الخطوووبه .. ماغير في هذا شي .. يبقى هو مثل ماعرفته ..

بصراحه واللي ماعرفه .. مشاعره اتجاهي ?? هل هي نفس مشاعري .. اوتختلف ..

فكرت اني اقوله .. بس حسيت انها صعبه ..اخاف تصير مشاكل ولاشي واكون انا السبب ..ويمكن يحقد علي و يآخذ المساله عناد..

شاوركم علي.. طبعآ،ان من الخطوبه وانا ماتركت صلاه الاستخاره .. ولحد الحين رافضه .. مع ان كل الامور تصير ضدي .. اقوول بنفسي يمكن خييره ..وانا مآدري ..

لاتبخلووون علي بآرائكم ..

والله يسعدكم دنيا وآخررررره .

.

دامك استخرتي لاتخافين اللي فيه خير ربي باذن الله ييسره
مع اني ضد مقولة البنت لولد عمها احسها خلالالالالاص انقرضت

__________________
الحجاب عبــاده وليس عاده

السلام عليكم ورحمة الله
اختي "خ ـــجل" طبعا اهم شي انك تستمري على صلاة الاستخارة كل يوم مع كل ضيق وباذن الله الله بيخترلك الخير وبيرضيكي فيه
لكن بالنسبة لشعورك اتجاهه هو السبب انك تعودي عليه وكان كل فكرك انه بمثابة اخ وانك تموني عليه لانك اكبر منه
اتركي هذا التفكير جانبا وضعي الامور في موضعها فكري فيه كخاطب وزوج المستقبل هل انت راضية عن دينه عن اخلاقه عن تعامله ؟؟؟؟؟؟؟؟؟؟؟ وبعد ان تجيبي عن هذه الاسئلة اذا وجدت القبول به في نفسك اعطي لنفسك وله فرصة
وشوفيه بعين الخطيبة لخطيبها وكوني حريصة على التأكد من مشاعره تجاهك والخطبة ما وجدت الا ليكون هناك تفاهم وتآلف
فان وجدتي انك ارتحتي وشعرتي انو فعلا عنده مشاعر الخاطب المحب اتجاهك ووجدت من نفسك القبول توكلي على الله
وان لم تجدي ذلك منه فصارحيه وانتظري ان يحل الموضوع هو لانه من قال انه يريدك وبذلك لن تتحملي اي مسؤلية
ارجو ان اكون افدتك في اجابتي
الله يخترلك الخير وييسره لكي ويرضيكي بما اختاره لكي
بانتظار اخبارك
اختك في الله ينبوع العطاء

__________________
---

وعليكم السلام ورحمه الله وبركاته
سؤالي ليش التردد؟؟فقط بسبب فارق السن؟؟؟؟؟ام ماذا؟؟
انا لا اراها مشكله كبيره المشكله في الناس اختي الغاليه الناس والمجتمع اللي فرض علينا نفكر انه عيب او غلط اننا نأخذ انسان او انسانه اصغر مننا في العمر
حبيبتي الزواج لازم يكون مبين علي اشياء اخري غير فارق العمر الحب والمودة الذي يبنيان الحياه الاسريه القويه وفارق السن هذا لن يكون حائلاً وحاجزًا دون إقامة حياة زوجية سعيدة استخيري واللي الله كاتبه بيحصل والله يوفقك

طيب واذا ولد عمك

واذا قالو انها لولد عمها

واذا فيه فارق سن

انتي ليه معقده الامور

يمكن يطلع اطيب لك من مليون واحد

لاتلعب في راسك الأفكار

زواج الأقارب وما ادري ايش

بالعكس انا مع زواج الاقارب


الله يوفقك

ازفت شي بالحياة زواج الاقارب

مالك لهفة ولافرحة بقلوب الحموله

لانك تيتي مثل مارحتي مثل ماجيتي

واسألي مجرب

هالناس ماتحشم الا الاغراب وتتمظهر قدامها

وسواد الوجه يمسحوا به القريب ..

وعريسك عارفك وعارف اطباعك وماضيك

ولاراح يحسب لك حساب

بيقول لك انتي فلانه بعد وجايه تطلبين وتسوين

اما الغريبة لها حشمة ومقدار ويتجمل فيها الرجال

صح يارجال -_^

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

والله اختي انا اشوف مافيها شي فارق السن دامه يحترمك وتحترمينه الله يوفقكم

,,,,

بالنسبه لي الاخت(نوآرة)

كل كلامك خطا مع احترامي لك ,,,
ثاني شي اصابع يدك مو مثل بعض

__________________

نواره كلامك موو صح

اذا كان الرجل محترم واخلاق

وش المانع ؟

بالعكس ابن عمك يمكن يحبك اكثر من غيره

__________________
استغفر الله الذي لا إله إلا هو الحي القيوم وأتوب إليه

يعطيك العافيييه ع الرد .. ولا المقووله هاذي لسى باااقيه ..في مجتمعناااا

واناااا عارفه انها كلها عادات وتقالييد ..


يعطيك العافييه اختي ينبوع ... لا الحمدلله الاخلاق موجوده .. وهو طيب ومتفهم
..
ولكن المشكله هناااا ظرووفه .. بانه لسى يدرس وصغير .. بالعمررر
اخاف بكره مايكون فييه توافق .. من ناحيه التفكيرر .. لانه بصراحه احسه الى الان في مرحله المراهقه .. مع اني اناااا صدق عمري 21 بس عقليتي اكبر مني بكثيير ..وتفكيري اكبر من عمري ..


يعطيك العااافيه .. نعم فارق العمر .. والاشيآء التي ذكرتها لاختي ينبوع العطآء
كل هاذي بتخليني .. ارفض ..



والله مااااني عااارفه .. بس انا اقولك ع حسب الشخص نفسه ..
يعطيك العافييه ع الرد

كلامك جدا جدا منطقيً وصحيح
انا معك قلبا وقالبا

كمان حبيت اضيف زواج الاقارب اذا كانو بعيدين عنكم

زي خطيبي ولد خالتي لكن خالتي ما اشوفها الا بالسنواات
هو علمي فيه ايام الابتدائي
اهله قلييييل اشششوفهم لاننا عايشين برا السعوديه
ومانحضر مناسبات عائليه
فروضعي عندهم زي الغريبه حمولتي مايعرفوني ولا اعرفهم