بسم الله الرحمن الرحيم

اخوتي لقد كنت دائمة التصفح لمنتداكم الكريم والله يعلم اني استفدت كثيرا
لذلك قررت ان ابوح لكم بما تكنه نفسي وما ارهق فؤادي <<<<<اوخص يافوادي^ ^
انا بصراحه متزوجه منذ ثلاث سنوات ونص وعندي بنوتتين<<<<يارب تخليهم
تزوجت بالطريقه التقليديه بمعنى تزوجت واحد لااعرفه ولايعرفني بس من الجماعه
وكتب كتابه علي لمدة سنه خلال هالسنه ماتقابلنا ولاشفنا بعضنا الا مررره <<<ابوها شديد
المهك كنا نتحدث عنطرق الهاتف وصارت قصة حب قويه حبيته بقووووووووووووووووووه
مع اني كنت الاحظ بعض العيوب بس حبيته
المهم تزوجنا وكانت احلى ايام عمري سنه كامله وحنا كأنا دوبنا عرسان مع ان الكل يقول اول سنه هي المشاكل انا الحمد لله كانت جنان
وبيوم من الايام كنت بشهري الاخير وتعبانه بقوووه وكان عندي ضيوف وعاملين لهم عشاء المهم رحت اعمل الشاي والقهوه للحريم والرجال ورحت لمجلس الرجال وابي احط الشاي الا والباب مفتوح رجعت بظهري عشان مايشوفون الرجال وجهي المهم الا وسمعت ذاك الصوت الانثوي اوالا ابو الشباب يكلم بنت وحاطه سبيكر <<<<عادته مايحب يكلم الا سبيكر
وماكان عنده احد وربي اني احس اني دخت معقوووول بعد هالحب سكت وكتمت بصدري الين ماراحو الناس وانا وربي سكاكين بصدري <<<<<بالحيل مجروحه
المهم ناقشته باليل حاول ينكر قلتله ياليت احد قال فلان يغازل وربي مااصدق بس المشكله سمعتك وليتني ماسمعتك
دار حوار كبير راح الرجال كسر الجوال والشريحه ويقول اعملي اي شي بس لاتتركيني بعدها صرت مريضه بالشك وهو متحملني يقول انا جبته لنفسي
واللحين الحمد لله مااشك فييييييييييييييييييييييييييه ابد

رحمته ورحمت نفسي سكت وانطميت والله يشهد انه مو حق خرابيط بس ماادري وش جاه

ومن ذاك اليوم وانا مااحس اني احبه زي اول اقسم بالله ان عيني ماصارت تطيح الاعلى عيوبه تعبت نفسي احبه زي اول ماادري وش جاني احس انه يبني اكثر من اني احبه

وربي يااخواني المشكله فيني مو فيه نفسي احبه وربي نفسي احس اني اعزه كااخ واخاف عليه زي اخواني صارت مشاعري بليده بقوووووه حتى غيره مااغار
معقوله ذيك القصه هي السبب والا فعلا انا مااحبه

لا تهملونيييييييييييييييييييييييييييييييييييييييييييي يييييييييييي
من جد صار صراع داخلي واسئله كثيره

الله يفرج همك ويالف بين قلبك وقلب زوجك

هذي مشكله والله ان بعض الاحيان نحب بجنون وفي لحظه الحب ينكسر

حاولي يااختي تحستي الظن بالله عز وجل وفيه

وحاولي تنسي الماضي دام زوجك فيه خير ويحبك

انتي الان ام وعندك مسوليت بيتك وزوجك وبناتك

وبصراحه زوجك انسان طيب من كلامك بس في لحظه ضعف وانشاء الله انه رجع للطريق الصح

الله يفرجها عليكم يارب

__________________

ام السوسه الله يجزاك الجنه انك رديتي علي
بس ماادري نفسي احبه نفسي اشتاق له مثل اول والله والله مااناظر الا لعيوبه
ياقلبي انتي مشكوووووووووره انك مااهملتيني ^ ^

ربي يشششششششششيل همك

ترى الاجتماااااع مع الرجال يوووووولد التشجيع يمكن شجعوه

خلاص لاتكبري السالفه انسي حاووووووولي تنسين وضروري انك تنسيييين

عودي نفسك على انك تبدين صفحه جديده
اوعدي حالك بهالشي قولي بكرة بطلع معاه
بااخذ له هديه علشان احسسه اني نسيت السالفه

زي كذا

لأنك ضروري تنسين االسالفه

والله تضايقت لأني فعلاحسيت فيك
لكن هونيها ..


بالتوفيق ياغلا

يا اختي لاتخربي بيتك بيدك غلط سامحي وانسي او تناسي

افتحي صوركم ايام الملكه والزواج اذا عندكم رساليل اقريها

استرجعي اللحظات الحلوه بحياتكم

حاولي تغيري بحياتك قصي شعرك اصبغي جددي من نفسيتك ومظهرك

كل ماجاتك ضيقه اذكري الله (لا اله الا الله )

حاولي تتتقربي له بسهره حلوه وتحسسيه انك سامحتيه لاتنفريه منك

اللي صار صار وماراح يرجع ابدئي من جديد صح

افرضي انه قالك ايوه انا اكلم بنات واللي براسك سويه

واستمر كان وش ردت فعلك ؟؟؟؟

اذا الحمد لله انه طلع انسان يخاف الله

__________________

لا تكرهني بحبك... جزاك الله خير على الرد
المشكله السالفه صار لها سنتين وانا ماافكر فيها ابد وربي حتى غيره مااغار....
انا فيني صراع داخلي وكتبت لكم السالفه مكن تكون هي السبب......
معقول صدمه؟ او جرح؟ او ماكنت احبه من اول بس طيرة عرس
مااادري ماادري وش فيني ,,,,

اها المشكله هالشعور انه صار له وقت

ترى الشيطان يفرح لما يفرق بين قلبين

بقولك شي واحد

اجلسي ساعه مع نفسك

اكتبي عيوبه ومحاسنه

فكري لو جلستي على هالحال ايش راح يكون نتائجه اكيد سلبييييييه

وراح تدمر اكثر واكثر

بس لوووووفكرتي باايجابيه وقسم باالله راح انتي بنفسك بتجبرين نفسك على النسيان
عارفه انه جرح

بس عطيه فرصه وصاااااارحيه اجلسي معاه افتحي قلبك له

خذي وعطي معاه ليش تفكرين بالسالفه انتي لحالك بس لازم تصاريحنه وتحلين هالموقف من نفس الوووووووقت


اجلسي مع نفسك وتعوذي من الشيطان

وقولي الحمدلله على كل شي بجد والله اتكلم <<احس اني نسيت نفسي

حبيبتي والله.. تعرفين انا نفس حالتك بالضبط لكن ماسمعته وان شاء الله مايجي هاليوم بس شفت مسج وبعد

الكلام معه حلف لي انه بالغلط وبعدها بثلاث سنوات شكيت ان فيه حد وكان شكي بمحله وخلق لي قصه انسانيه

لهالحرمه اللي كلمته طبعا ماصدقت لكن مضطره امثل اني صدقت حتى مايحط في باله اني خلاص ماعدت اثق فيه

يعني عطيته فرصه المهم حاولت ارجع زي قبل ماقدرت حاولت احبه من جديد بعد ماقدرت اي نعم له معزه عندي

لانه ابو عيالي وانسان عايشه معاه على ظروف الحياه وبالعربي تعودت عليه بس من جد اهلكني هالشعورخاطري

ارجع زي قبل احبه مو عشانه عشاني انا لأني هالشكل بحرم نفسي من حياة الحب اللي كنت اعيشها واتمناها

فمالك حبيبتي الا الصبر والاستغفار والتغاضي عن عيوبه ودايم تكلمي بينك وبين نفسك ان هو احسن رجال بالدنيا

واغلى انسان وانك تحبينه وان شاءالله تقتنعين... وبالتوفيق حبابه.

أختي الكريمة

مشكلتك جدا بسيطه وما تستاهل كل هذا العناء

هذة نزغة شيطان وان شاء الله مايعودها

حاولي أن تتغلبي على شكوك بدعاء الله عزوجل تعرفين ايش معنى دعاء الله ( يعني أنو الحين تتوضي وتأخذي السجاده وحنا بالثلث الأخير من الليل وتدعين ربك أن يصلح زوجك ويجنبه نزغات الشيطان وأن تدعيه بأن يزيل هذة الشكوك عنك )

وأنصحك بان لاتقدمين على امر ما وتعضين على اصابع الندم على مافعلت وتحملي

و لذة الحياة في الصبر والتضحية

أتمنى من الله عزوجل أن يبارك لك في زوجك وذريتك

تحياتي العطرهـ

__________________


طلعتي للعين الحارهـ (( تقرير مصور ))

رماني زماني <<<<<<<<شكلي جبتها على الجرح
شاكره مرورك يالغاليه وربي يسهل امري وامرك بالفعل بعض الرجال مايعرفون وش يسون بحريمهم بعد مايجرحونهم الله يعين المشكله لمى الرجال بنفسه يعترف انه مو ناقصك شي ليش الجرح ياربي استغفر الله العظيم بس
اكليل الجبل شوكرن على المرور وربي يجزاك الجنه...........