السلام عليكم ورحمة الله وبركاته،،

مشكلتي قد تكون بسيطه ولكنها فعلا صارت تضايقني وهي باختصار تخص والدتي حفظها الله .. بعد زواجي انتقلت

الى مدينة بعيده عن مدينة اهلي فبالتالي الزيارات صارت قليله لكن المكالمات التلفونيه اكثر..

المشكله لما ادق على امي اكون ودي اسال عنهم واسمع عن اخبار البيت واخبار اخواني والسواليف وكذا لكن بسرعه

امي تغير الموضوع وتخليه كلام يخص زوجي واهله..دايما احسها تحاول تلقى ثغره على زوجي او اهله وانا اعرف انه

هذا من حرصها وقلقها عليا فبالتالي هي حابه تعرف كل شي يحصل عندنا في البيت او مع اهله.. انا عادة اقول انه كل

شي تمام ومافي شي جديد والحمدلله كلنا بصحه وعافيه واذا حصل شيء طيب اذكره لها (بس طبعا يكون موضوع عام

مو سر من اسرار البيت) حتى اطمنها واحببها اكثر بزوجي واهله.. لكن امي هداها الله باستمراار تقوّمني او تعبي راسي

على زوجي واهله بطريقه غير مباشره يعني مثلا

لما اقولها زوجي راح يتغدى عند اهله تسالني تقولي امه (حماتك) ما ارسلتلك غدا معاه؟؟

لما اقولها زوجي رايح انتداب مع العمل للدوله الفلانيه لمدة 5 ايام،، تقولي انتبهي لا يكون رايح يلعب وانتي نايمه في

العسل ما تدري..

اذا رجع زوجي من سفرة عمل تسالني ((ها عسى جابلك هدايا تسوى؟؟))

اذا جا العيد تسالني ابو زوجك ما اعطاكي عيديه؟؟

مرات تسالني زوجي كويس في علاقته الجنسيه معايا او لا..

تسالني كم يعطيني فلوس..(مع انه زوجي مره مو مقصر عليا بالذات في موضوع الفلوس يالله لك الحمد وامي عارفه هذا الشي لكن برضه تسالني وتقول رايها اذا قليل او اكثير..

ومرات تقولي لا تكوني خيخه مع زوجك( يعني لا تصيري اي شي يقولك عليه تقولي طيب وتطاوعيه) خلي شخصيتك

قويه وافرضي رايك..

ودايما تسيء الظن بزوجي وتقول انه زوج البنت المفروض نعتبره عدونا مع اني ما اشوفها تعمل كذا مع زوج اختي

رغم انه زوجي واهله يحبو امي حب موب طبيعي وابدا ما يقصروا معاها ،

مرات زوجي يقولي انا احب امك مره كثير وارتاحلها جدا ،،ويقعد يمدح فيها مدح كثير وانا

احزن عليه اقول في نفسي ما تدري امي ايش تقول من وراك..

لكن الحمدلله انه امي قدام زوجي تعامله احسن معامله والصراحه ابدا ما تقصر جزاها الله خير وخلاها لنا..


امي مسكينه انسانه جدا بسيطه بس اخذت من الناس مقالب كثير حتى من اقرب اقرب اقرب الناس لها فبالتالي صار

عندها خوف او عقده ودائما سيئة الظن بالناس..

انا ماني عارفه كيف اتصرف معاها حاولت اخلي المكالمات التلفونيه سريعه عشان ما يمدي بس ما ضبطت لانه حسيت

انها مره تشتاقلي وانا ما ودي اقصر ابدا معاهاوبصراحه ماني عارف كيف اتصرف ..ارجوكم ساعدوني قد يكون

الموضوع بسيط لكن على المدى البعيد له اثار سيئه خصوصا عليأ.. انتظر ردودكم

تم التعديل على العنوان ليُناسب المحتوى إن شاء الله
المراقب / النور والحنان

__________________

Crestalla .... خليكي طبيعية جدا معاها وقوليلها الكلام اللي هيا تبغى تسمعه باين عليها طيبة ومستحيل تسوي مشاكل بينكم ... والحمد لله امك ماتبين شئ لزوجك ..
الله يحفظكم ربي .. بالتوفيق

كريستال خليكي ذكيه
خذي من امك خبرتها
يعني لا تكوني غافله يا ماما
انتبهي على حالك موتكوني نكديه
كوني فرفوشه مع زوجك وما تخليه يفل منك مو بالقوه والنكد
لكن بحبه ليكي وبالتالي يكون رهن اشارتك

تحياتي

ينقل الموضوع إلى عالم الثقافة والتوجيهات الزوجية ... مكانه الأنسب

تحياتي ؛؛؛

__________________
... ( بالحب نعيش أجمل حياة ) ...

ماشاءالله عليها الوالده الله يحفظهاشكلها متابعه افلام ماري منيب عدل
سمعي اللي تبين تسمعينه والكلام اللي ما يعجبج سمعيه باذن وطلعيه من الثانيه وانتي ابتدي بالسوالف مع امج عن زوجج وذكريه بالخير لمن تسولفين معها هو واهله وامج ما تسالج هالاسئله الا انها تبي تطمن نفسها عليج

__________________

امي عكس امك
ماتخليني افضفض لها بشي
كل ما اتكلم كلمه تخلي الغلط علي انا وزوجي ما فيه اي عيب

نصيحه
لاتخبرينها باي شي بينكم
وخبريها انه يحبها ويمدحها دايما

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

إذا استمريتي على هذا الحال مع أمك ( انتظري الطلاق )



فأحذري أختي الغاليه على بر أمك وطاعت زوجك ولا تلتفتي لما تقوله أمك .


وحاولي تنصحين امك بلطف ولين وتوضيح لها أنك مبسوطه معه وما فيه داعي للكلام هذا كله .


لأن معظم أسباب الطلاق تكون من سماع الزوجه لأمها أو أخواتها . فأحذري من إخراج أي سر يخص الرجل

وخاصه سر الفراش من جماع وغيره ولا يجوز لأمك أن تسأل مثل هذه الأسئله أسال الله لها الهدايه والسداد .

__________________

غلط الأهل انهم باهتمام الزائد يظنون خيرا ولايعلمون أنهم يهدمون بيوت أبنائهم

انقلي لامك ولزوجك الشي الحلو اللي يقولونه في بعض

واياك ثم ايااااااااااااااااااااااك

تقولي لامك شي عن شي مو زين ،، تراها بتعلم وحده من صديقاتها وينتقل الى اهل زوجك ويكرهونك

اصحي ثم اصحي تقولي شي غلط على زوجك لامك او لامك على زوجك

اعرف والله وضعك حرج وامك تزيدك احراج

استعيني بالله والصبر والكتمان

أختي ان لم تغلقي هذا الباب , فستندمين أشد الندم , لأن الأمر يتسع بسكوتك على زوجك ..

وأنت المتضرر الأول ..