قاعده تصير لي مشكلة ما مرت علي من قبل مع بناتي
الكبيرة عمرها 5 سنوات والصغيرة عمرها سنتين
الحين بسبب الإجازة يضلون قاعدين معانا لي آخر الليل يعني انا وزوجي ننام على ال 12 لأن عندنا الصبح دوام وبناتي يكونون للحين بنشاطهم مع اني ما انومهم فترة الظهر
صار روتين يومي بنتي الصغيرة تنام على 11 بالليل وبنتي الكبيرة تنام بيني وبين زوجي على ال12 او اكثر الى ان تنام بعدين نوديها فراشها ويوميا على الفير تقوم بنتي الصغيرة وتيي تنام بيني وبين زوجي ( حضراتهم الاخوات يتناوبون تروح الكبيرة تيي بعدها الصغيرة ) واذا منعنا وحده منهم من هذا الشي يقلبونها مناحة وبجي واحنا ورانا دوام يعني والله وصلت لمرحلة اقول لزوجي ما اذكر متى اخر مرة حظنتني فيها بالفراش والسبب بناتي اللي دايما نامين بالنص معانا

المشكلة الثانية
اذا زوجي قام يلمني او حتى يبوسني لو على الخد في اي وقت اذا شافتنا بنتي الكبيرة تقعد تركض وتضحك وتنحرج وتغطي ويها وتستحي وايد ( هل هذا عادي ؟؟ )
اما بنتي الصغيرة اذا شافت ابوها قرب مني تقعد تطقه بهستيريا وتقرصه وتوخره عني وتبجي بعدين تلمني حيل

ما ادري شنو اتصرف معاهم حتى زوجي متضايق ما قامت تصير عندنا حتى فرصة نقعد او نتكلم فيها مع بعض

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

بصراحة ... الله يعينك
بقولها وانا بضحك
هيك بدو يصير فيي بس تكبر حلا واجيب غيرها
عادي حبيبتي... خليكم تشتاقو لبعض

لا لا ... بمزح
بصراحة لسا ما مريت بهالتجربة
بتمنى من خواتي اللي عندهم اطفال كبار يفيدوكي
دخلت بس ادعمك نفسيا

تقبلي تحياتي

__________________

وريهم العين الحمراء - نظام يعني نظام
انا اقول لهم لما يصير اربعاء تعالوا كلنا نسهر بفراشي وبس !
غير الاربعء سلامتكم
اول الايام اعصاب وصراخ وبجي وتعالي شوفي الحين -

كله يعتمد عليك شلون تعاملك معاهم يعني تزفين او عادي

__________________

ام عبدالله
لا تضحكين . . . يايج الدور


الغافلة
بس ليش يوم الاربعا تخلينهم عندج ؟؟ بالعكس السهر احلى ششي الأربعا لان من باجر اجازة ةتسهرين مع زوجج على راحتكم

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

الله يعينكـــ..




فتـــرره وتعدي *_*





صصصــــــــرراحه رغم إني مربيـــه أخوويه الصغيـــررر لكن ماا صاار معاايه هالمووقف




يعني كاان الهززاب علي والدلع عنده أمــــه هههههههههههههاااي






تحيااتي لج خيتووو واذاا عررفتي تتصررفين معااهم بشششرريناا




وان شالله يفيدوونــج بااقي الأعضااء الي عندهم خبــــررة ^_^




أختج الصغيـــــــررةةة



جوووولي

__________________
-------------------------------------------------------------------------------------

أحسن حل ينامون في غرفة مستقلة وترى الأمر خطير ويأثر في البنت على المدى البعيد

{يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ مِن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاء ثَلَاثُ عَوْرَاتٍ لَّكُمْ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ طَوَّافُونَ عَلَيْكُم بَعْضُكُمْ عَلَى بَعْضٍ كَذَلِكَ يُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ }النور58
يا أيها الذين صدَّقوا الله ورسوله وعملوا بشرعه مُروا عبيدكم وإماءكم, والأطفال الأحرار دون سن الاحتلام أن يستأذنوا عند الدخول عليكم في أوقات عوراتكم الثلاثة: من قبل صلاة الفجر؛ لأنه وقت الخروج من ثياب النوم ولبس ثياب اليقظة, ووقت خلع الثياب للقيلولة في الظهيرة، ومن بعد صلاة العشاء؛ لأنه وقت للنوم، وهذه الأوقات الثلاثة عورات لكم، يقل فيها التستر، أما فيما سواها فلا حرج إذا دخلوا بغير إذن؛ لحاجتهم في الدخول عليكم, طوافون عليكم للخدمة، وكما بيَّن الله لكم أحكام الاستئذان يبيِّن لكم آياته وأحكامه وحججه وشرائع دينه. والله عليم بما يصلح خلقه، حكيم في تدبيره أمورهم.

خوفيهم قولي لهم اللي ينام بين امه وابوه

الله يوديه النار لانه مايسمع كلام الماما

وفهميهم بطريقه محببه لهم

ان هذا الشئ خطأ

وعطيهم العين الحمراااا

واكبر غلط

انك تعودين ابناءك على هذا التصرف

الله يعينك اختي ويعيني معاك وأنا كمان تعبت منهم (من بناتي وحدة عمرها 4 سنوات والثانية سنتين


الاولى كمان اي حركة اعملها مثلا حطيت يدي على ابوها تراقب يدي وين حطيتها وتضحك .واذا كلمني او قالي كلام حبيبتي مثلا تقول يحب مرته اووه ...

والصغيرة ممنوع يضمني لازم تجي وتفرق بيني وبينة وترقد في الوسط .مللوني في كل شي بصراحة دايما بكاء في بكاء الحين قمت اصرخ عليهم واضربهم بشدة وبعدين اندم


اللي عند حل لاختي يسعفني بحل معاها

حياك الله أختي الغالية ..
الله يخليلك بناتك ويحفظهم ..

شوفي ياحبيبة خلك حازمة معهم ولينة بنفس الوقت، وبعطيك نقاط طبقيها عليهم وان شاء الله تنفعك:

أولا: جيبي لهم جبسات وحلويات واقعدي معهم، وإذا أكلتوا وانبسطتوا قولي لهم بناتي حبيباتي لما بابا شرى لنا البيت سوا غرفة لي أنا وياه وغرفة لكم، ومو مشكلة نزوركم بغرفتكم وتزورونا بغرفتنا بس وقت النوم كل واحد له سرير، واللي ينام بسريره ولايزعجني أعطيه هديه إذا صحي ..
طبعا لأنهم بيكونون رايقين بيوافقون بسرعة ..

ثانيا: زيني لهم غرفتهم واشتري لهم مفارش حلوة للسرير خليهم هم اللي يختارونها وحطي لهم تحف وألعاب وأبجورات، يعني باختصار خليهم يحبون غرفتهم ..

ثالثا: صحيهم بدري الصباح وأهلكيهم باللعب والساعة 9روشيهم ثم عشيهم إذا صارت الساعة10 طالعي الساعة ثم ناظري زوجك وقولي يالله يافلان وقت النوم احنا نروح سريرنا و.... و.... "بناتك" بيروحون سريرهم، وامسكي يدينهم قولي يالله بوسوا بابا قبل النوم، يمكن يعارضون شوي بس خلك حازمة معهم وامسكي يدينهم لما السرير، ولاتلتفتين أبدا لصياحهم، ثم روحي لغرفتك واقفليها ومهما صاحوا عند الباب لاتطلعين لهم، وإذا حسيتي إنهم طولوها اطلعي وامسكي يدهم بدون لاتتكلمين ورجعيهم للسرير وذكريهم بالهدية ..

يمكن تتعبين أول الأيام، وأتذكر أمي لما استخدمت هالأسلوب مع أخوي الصغير كان يصيح وينام عند الباب ويصير شكله يكسر الخاطر بس ماكانت تلفتله، بس تشيله وترجعه للسرير وكل يوم على هالحالة لين تعدل ..

لازم تخلين زوجك يتعاون معك، مثلا إذا رجع من الدوام يجيب لهم حلويات ويقولهم، هذا لأنكم أمس نمتوا بسريركم ..

هدديهم إنك بتعطين أسرتهم للجيران إذا ماناموا فيها !! لأن الطفل بهالعمر يحب التملك فبيخافون على أشيائهم وبيتمسكون فيها ..

امدحيهم عند أهلك ولاأهلهم وقولي بناتي عندهم غرفة حلوة وينامون فيها كل يوم ويسمعون كلام ماما وبابا، ترى الطفل يموووووت بالمدح عند الناس ...

اقفلي غرفتك بس بأول الليل وإذا ناموا افتحيها، ولو جت وحدة منهم باليل عندكم، لاتقولين شي بس امسكي يدها لين سريرها، وماعليك من صياحها ..

لو طبقتِ معهم هالخطوات بيعرفون إن الصياح ماراح يجيب نتيجة وإنهم بيستفيدون من الحلويات والهدايا لو ناموا بغرفتهم، ومع الأيام بيتعلقون بغرفتهم وبيريحونكم ان شاء الله ..

وبالنسبة لبنتك الكبيرة، إذا سوت كذا خلي زوجك يروح يحضنها ويبوسها ويقول أنا أحضنكم كلكم وأبوسكم لأنكم أسرتي وأنا أحبكم ...
ولو مابطلت هالحركات أنصحكم لاتسوون شي قدامها عشان ماتكبر وتبدأ تتخيل وماراح يصير هالشي بصالحها ...
والصغيرة يحليلها تغااااااار
بس عادي كلها فترة وتعدي، وأنا مريت بهالفترة وأنا صغيرة وبابا وماما ماحاولوا يعدلون هالمشكلة فيني لأنهم كانوا يتسلون علي بس فترة وعدت وماضرتني شي الحمدلله ..


ان شاء الله أكون أفدتك، والله يخلي لك بناتك وأبوهم ويحفظهم لك ..

تحياتي ....