السلام عليكم ورحمة الله وبركاته

امممم أكيد العنوان ينرفز كل الأزواج لذلك أنصحكم بالخروج من الموضوع لأنه نسائي بحت

وطبعا وأولهم زوجي اللي هو عضو في المنتدى لو سمحت الموضوع مو لك

نجي للعضوات

يوم من الأيام كانو عندي صديقاتي وصراحة يابنات من جد من جد اكتشفت جانب حلو في حياة الزوجية :14:

من كثر دخولي في النت وقراءتي للحياة الزوجية وجدت أغلب الزوجات ويمكن ثلاث أرباعهم حاطين
أزواجهم نصب عيونهم وشغلهم الشاغل

الموظفات تلاث ارباع رواتبهم هدايا لهذا الزوج وربات البيوت سلفات عشان تسوي ليالي حمرا لزوجها ليلة الفراولة وليلة ماأعرف شوو

ومن يوم نصحى من نومنا لحد ماننام واحنا اهتمام بهذا الزوج نعطي نعطي اليين ننهار

تصدقو كنت اتوقع ان هذا هو الصح من كثر ما أقرأ كذا
ويوم أجتمعت مع صديقاتي لقيت العكس إن هذا هو الغلط

والزوج هو شريك حياتي وليس كل حياتي

الله أجمل عبارة فعلا الزوج شريك حياتي يعني اهتم فيه أي نعم لكن كل شيئ يزيد عن حده ينقلب لضده

لقيت جزء كبير من الزوجات عايشة حياتها وتمارس هواياتها ويمكن هواياتها في الأولوية قبل زوجها

القراءة الرياضة الصحبة الترفيه الحياة عموما

ومن ضمن اهتماماتها زوجها

والغريب ان ازواجهم يحبوهم ويموتو فيهم أكثر من لو كانت الزوجة متفرغة تفرغ كلي لزوجها

صح كذا يا أزواج ?

طبعا سؤالي للأعضاء اللي بيقرأو الموضوع بالرغم من تحذيري لهم وبيحسبو إني مو شايفتهم

حبيت أطرح الموضوع هنا في المنتدى للنقاش

وأعذروني على الأسلوب البسيط كتبته من القلب للمنتدى على طول

واتمنى الكل يشارك أعضاء وعضوات وبعدين معاكي


تحياتي *

ماحسيت انو لازم اعيش حياتي
إلا لما صرتي عند أهلي
واتخاصمت معه
انا الان تعبانة لاني زعلانة ومافكر يراضيني
بعد اللي سويته عشان عيونه
والله كنت شبيك لبيك لعيونه
وفي النهاية زعلانة ليه 3 أسابيع
ماسال والله

انا معاكي انو الزوج شريك للحياه وليس الحياه كلها
بس انا برايي الكلام دا بالبدايه الزوجه تكون متفرغه لزوجها لكن بعد كدا يجوا الاولاد والمسئوليات تكبر ويالله يالله يقعدوا مع بعض
تقبلي مروري

فعلا الزوج جزء من الحياة وليس الحياة كلها..

توني كاتبة لاخت روح الطير موقفي طويل عريض..

وكان له عدة اهداف :
وكان هدفي لها الزوج وماتعودينه عليه..

لكن الان هدفي هو لما كنت اتفانى له لحاله .. وكنت متفرغتله..
كان مو حاس فيني..

بالعكس يمكن حسباله هذا واجب من واجباتي..
وكان شبعان مني ووده يغير جو ببعده عني
وكنت اتظايق من بعده..

بعد ما بعدت عنه ..صح صرت أعطي اكثر من اول.. لكن بحدود..
يعني عندي اولويات غيره..

صار يووووووه لو أعطيه بوسه على الطاير يفرح فيها..
وصار لها طعم عنده.. مو مثل أول لما أعطي على الداخل والطالع ..

لا وبعد صار يغار اللي عمري ماحسيت بغيرته تجاهي ..

دائما هاااااارب.. ووده بس يروح لاصحابه.. ليش لانه شبعان مني..

عارفة قبل يومين مدري وش كنا قاعدين نتكلم عنه..

المهم-
جبنا سيرة الموت والزواج وخرابيط فجأة قالي أسألك سؤال وتجاوبيني بسرعة ولا عاد نفتح الموضوع مرة ثانية

قلت له : طيب

قال : لو اموت تتزوجين؟!

((أستغربت سؤاله)) !!

بس جاوبته قلت له طبعا أنا ما أصبر اعيش بدون ما .......
((هو بقق عيونه .. انا فرحت لني حسيته غيران))..

فكملت جملتي :
انا ما اصبر اعيش بدون ما انكد على جنس الذكووووور.. ههههههههه.

قال لا والله من جد تتزوجين؟؟
وأنا كنت مبتسمة..

قلت: وش ودك اجاوب؟
قال ابيك تحلفين ما تتزوجين بعد ما أموت..
وانا احلف لك ما المس حرمة غيرك .

قلت له: خلاص أحلف أول انت بعدين انا احلف بعدك..
ههههههههه.

المشكلة أنه زوجي فوق الـ 36 سنة يعني مو توه مراهق..

فسبحان الله الحين يوم صار جوعان صار يفقدني.. ويشتاق لي.. ويدور علي.. ويغار علي..

النهاية..
خليه كل حياتك ينحاش.. خليه جزء منها يركض وراك..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

ههههه

موضوع جميل وظريف ويدعو للاهتمام اكثر بالازواج وليس العكس

هنيئا لنا

__________________
ما تخطه هنا ستجده هناك "فاحذر ان تكون هناك من النادمين

عندي قناعة أن :

الحياة ميسرة بأمر الله تعالى هو من يسخر شخص لآخر ..

مالها علاقة بتطنيش وغيره ابداً ولا بإسلوب تعامل ..!

__________________
إذَا هَاجَتْ أَمْوَاجُ الْفِتَنِ ، و تَمَزَّقَ شِرَاعُ الثَّبَاتِ ؛ فَتَأَرْجَحَ قَارِبُ الإيمَانِ مُؤْذِناً بِانْغِمَاسِ القَلْبِ فِي لُجَجِ الظُّلُمَاتِ
نَــاج ِ { لاَ إِلَهَ إِلاَّ أَنْتَ سُبْحَانَكَ إنّي كُنْتُ مْنَ الظَّلِمِينَ }

مع إحترامي لكل النساء في ....

كلام صحيح
يجب ان يكون الزوج شريك فقط ليس كل


اخي معدن الرجوله لماذا هذا الحكم القاسي
اعتقد والعلم عند رب العباد انك تتحدث بثقه ويبدو ان لديك احصائيات و ددت لو تشاركنا تلك الاحصائيات والدراسات لعلنا نستفيد نحن معشر النساء ايضا اتمنى تكون من مصدر موثوق
ننتظر الدراسات وشكرا

((رد الاخ معدن الرجوله فيه كثير من الظلم ياريت ماتعمم ))
انا اشوف كثرة السؤال والاهتمام الزايد في الطالع والنازل
ينفر الزوج لانه مايصير هناك شئ يركض وراه اصلا
حلو تكون الامور وسط
عشان الزوجه ماتتعب والزوج مايمل

__________________
اللهم صلي على نبينا محمد وعلى اله وصحبه اجمعين

ماني فاهمه ليه النساء في منتهى السطحيه ممكن التوضيح معدن رجوله
وبالنسبه للموضوع انا معاك ميه بالميه
فعلا الرجل جزء من حياتي وليس كل حياتي ولاتنتهي حياتي اذا زعل ولا يكون هو السبب الرئيسي في سعادتي
لك مني اجمل تحيه