السلام عليكم و رحمة الله

فيه سوْال ببالي

زوجة الابن تعطي فلوس - عيدية -لام زوجها و ابوه !؟

يعني مثلا 250 ريال لامه و 250 لأبوه ..
حتى لو الفلوس من زوجها بس تتقدم لهم باسمها !؟

هل صحيح الشي هذا !؟

و هل هذه من العادات !؟

و ايش المفترض !؟

تناقشنا في الموضوع هذا .. و اختلفنا فيه الصراحة انا و زوجي
و قالي اسالي المنتدى حقتك

انا ارى والرأي لكي

انك تشتري بالمبلغ هديه عينيه وليس نقديه

العيدية (الفلوس) للأطفال فقط

والله اعلم

يعني اشتري لوالده (بخور - سبحة فاخرة - عطر - كبك - قلم )

واشتري لوالدته (قميص - اكسسوار - روج - مكياج - )

واذا ماعرفتي ايش تشتري لهم

اشتري فلاش ميموري

وحملّي فيه

المسلسل اللي مثلت فيه زوجة ابنهم دور المعلمة الصارمة

هذا المسلسل هو

مسلسل "سالي"

مستعجلة معليه ..

السؤال الأساسي عن عيدية - فلوس - ..
صح و لا غلط !؟

راجعة بالرد المفصل لك اخوي بدون اسم

العيدية (الفلوس) للأطفال فقط

العيدية الفلوس للاكفال فقط .. الام والاب وممكن الاخوة والاخوات والزوج وام الزوج وابو لزوج ينعطون هدايا.

ايضا احب اضيف . جدي والد والدي الله يطول بعمره لما يوزع عيادينا كان يعطي امي الله يرحمها والكنات (زوجات اعمامي) عيادي وقيمتها اكثر من عيادينا .. يعطي احفاده 100 ريال والكنات على 300 واحيان اكثر ..
يعني ابو الزوج هو اللي يعطي زوجة ولده ولكن العكس؟؟ عمرها ما صارت زوجة الابن تعطي فلوس لا في عيد ولا غيره.

جزئية انها تكون من الزوج وتتقدم باسم الزوجة .. لا مالها داعي اساسا لان زوجة الولد ماتعطي عيدية .. لو هو حاب يعطي امه وابوه تكون العيدية باسمه افضل.

مش حلوة يا روح
وماتقبلها النفس ... الهدايا أفضل

__________________
الحمدلله الذي بنعمته تتم الصالحات

للتوضيح ..

عشان اجهز الافطار و باقي شوي عالاذان ..

.
.

كنت ( كان فعل ماضي ) .. كنت أفكر اجيب هدية لامه و ابوه ..
قلت لزوجي ..

قالي اعطيك 250 و حطيه في ظرف و أعطيه لامي عيدية ..
و 250 و حطيه في ظرف عيدية لأبوي ..

يعني ( هدية اعطيهم و فلوس كمان )

طبعا ماهم محتاجين و هو راح يعطيهم عيدية ..
بس انا فاهمته .. يبغى يشبع عيونهم ..

لانه عينهم على راتبي و انا بسبب المواقف السابقة منهم ..
ما اطلع نص ريال .. عشان لا افتح باب على نفسي .. بعد ما تقفل و صار الاحترام بيني و بينهم ..

و كمان دحين الصراحة ..
شلت فكرة الهدية من بالي ..

لانهم ما عمرهم جابوا لي هدية لا على ولادتي و لا زواجي و لا اي مناسبة من المناسبات الي تخصني ..
و ما كنت زمان اقصر معاهم بالهدايا .. و لا مع أقاربهم ..

لكن دحين .. لا فلوس و لا هدية ..
لا يحلموا ..

.
.


الفكرة اني استغربت من كلام زوجي ..
و رفضت طبعا و حتى لو كانت من جيبه ..
و قالي كل الناس كذا ( طبعا كلام .. و من راْسه )
.

هنا نقطة الخلاف ..

قالي روحي المنتدى حقتك و اسأليهم و شوفي ايش يقولوا لك ..

زوجي ما يعمل كذا عشان ربنا او عشان ماعرف ايش ..
يهمه كلام الناس ..

يبغى يكون مميز وسط اهله .. و يقولوا كلهم ( وااااااو .. مرة فلان أعطت فلوس لأمنا و ابونا )
يعرف انه الفلوس هي الي تسكتهم و تفرحهم .. و لانهم بخلاء جدا و ماديين جدا جدا جدا ..

فلوسي أولى بها أولادي و نفسي و أقاربي ..
و انا جربت بداية الزواج و أعطيت للكل و ما قصرت الحمدلله ..

و جاني الي جاء منهم .. و حاليا ماشية بما يرضي الله و رسوله معاهم ..
و رسميات و تبادل احترام و كفاية كذا ..

و الي يعزني بصراحة عشان فلوسي ..
ماني بحاجة له و انا في غنى عنه .. هذا مبدأي ..

انا كذا ..
عجبهم او ما عجبهم ..