السلام عليكم
اخباركم ايش جديدكم
انااااا مخنوووقه وجيت افضفضلكم مالي غيركم اخوات واخوان
انا ممتلكه صار لي قرب سنه ومقررين الزواج بشهر اغسطس ف اجازة زوجي
هوه يشتغل ف العسكريه وظروفه بالدوام صعبه كان بدوره خارج المنطقه ومقررين بعد الدوره نعرس ولكن بالدوام كله متشددين فيه حتى الاجازات بالارقام العسكريه
وبشهر يونيو ابوي انتقل الى رحمة الله
الله يرحمه ويغفر له ويجعل مثواه الجنه
وكنسلنا الصاله وكل شي بس دوام زوجي ما رضوا يغيروله الاجازه ولا ياجلونها
وامي بعدها فالعده واقترحنا انا وزوجي اني انتقل لبيته بدون ربشه وناس بس اهلي واهوه يجي ياخذني ونمشي وبس واهوه اكثر من الاجازه يفكر فيني لاني انا نفسيتي تعبانه من وفاة المرحوم لاني دلوعته واخر العنقود صعبه علي اكون بالبيت وانا كنت يومي كله اقضيه جنبه واداريه واوديه واجيبه واشيله واحطه الاعتماد الكلي علي وخواتي ما يمرون صوبه ولا يراعوه كثري والحين لم قلت لاهلي امي وافقت وقالت هذا زوجك ووقت ما يبي ياخذك ياخذك اما خواتي وازواجهم سوو علينا سالفه وطلعوا زوجي كذاب واتصلوا ب ابو زوجي وجا بيتنا ورفعوا صوتهم عليه ولا احترموه وقالولهم اذا اخذتوها بنشتكي عليكم واهوه زوجي شرعا وقانونا وعقد الزواج موجود وانا م ابي الا رضاهم ورضى زوجي ما اقدر اعصي امره ومو حلو فترة الملكه تكون طويله الحين بنكمل سنه واهوه له حق علي وانا لي حق عليه اشيروا علي شسوي معهم شلون افهمهم شلووووووون ابيهم يحسوا فيني انا تعبااااانه ف كل زاويه احط فيها عيني اشوف ابوي قدامي بكل مكان اسمع صدى ضحكته واذكر وانا اضحك معه واسولف له
ارجووووكم اشيروا علي محد يحس فيني ولا اقدر اقول لحد اللي فيني لانهم ما بيحسوا باللي احس فيه ما يعرفو معاناتي اللي اعانيها مع ذكرياتي
خبروني ايش اسوي كيف ارضيهم وكيف ارضي زوجي زوجي يبيني وانا ابيه ارجوكم ساعدوني
اسمحولي عالاطاله بس من الضيق اللي بداخلي

اختي الزواج ليس هروب
وليحدد زوجك موعد ويعمل عشا رجال
واستني امك تطلع من العده
وربي يجيب الخير
هم بس متضايقين من الطريقه
كيف كذا يجي ياخذك كانك هربانه معاه
وهو فعلا زوجك شرعا لكن صبرتي كثير
اصبري بعد شويه

أزواج خواتج يتدخلون ويتكلمون بأي صفة؟!!

مثل هالأمور المفروض تبت فيها الوالدة .. أو أخ أو عم أو خال.

__________________


اللهم طِيبَ الأثر .. وحُسْنَ الرحيل.

الله يرحم أبوك وأمواتنا وأموات المسلمين .
أزواج خواتك لا يتدخلون !!! هم يمكن تدخلوا بسبب أخواتك .
الباب ذا إذا انفتح مشكلة .
العتب على الزوج بصراحة هو اللي يقرر في النهاية مو يجي يشاور على حلاله . يمكن الجانب المرعي في هذا هو عدة الوالدة بس ومادام هي وافقت ، فكلهم على الهامش .
قولي لزوجك ما عليك منهم كلهم وأولهم خواتك ، وإذا رفعوا أصواتهم خليه يرفع صوته ، ولو شكوه طبت ع روسهم . لأنك زوجته بالعقد وكلمة الله مو بالحفل ، الحفلة و و . هذي كلها عشاء وملي بطون وهز .... .
توكلي على الله وروحي مع زوجك .
أنت خليك ذكية وقولي لخواتك بنبرة زعل وعتب ليش زوجك رفع صوته على زوجي ( مزحة برزحة ) . مثل اللي يقول وش دخلكم راح ياصلهم الخبر وينكتمون .

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .

@مبتعثة متفائلة
مو المشكله الانتظار او الصبر المشكله ظروف زوجي بالشغل واجازته اذا نزلوله اجازته الحين ما يصير ياخذ غيرها الا بعد سنه وهالشي لا يرضي الله ولا رسوله يحرموا زوجي مني بيكون سنتين من امتلكت

الله يرحم ابوك و يجعل مثواه الجنه
بعاداتنا اذا فيه حاله كحالتك فنحن نعدي الاربعين يوم و نعمل عرس هادئ.
اما خواتك بصراحة لان كل منهم زوجها عندها و ما رح يحسوا فيك.
طالما ما فيه الا موعد واحد بس لتتزوجوا فخلي امك تجمع خواتك و تفهمن انه زوجك و حقه عليك تعيشوا ببيت واحد و انها تعمل كذا حتى تسترك
حبوا او كرهوا العرس رح يصير
عجبي من بعض الخوات كيف تفكيرهن اناني

@مهره
لان ما عندي اخ ولا سند بهالحياه ف مستغلين اني الحين يتيمه يبوا يمشوا كلامهم علينا بس انا لي رجل وزوج اهوه ولي امري والحمدلله

@ولد الشايب1
المشكله يأثروا ع الوالده وانا اخافهم يزعلون علي مهما كان خواتي لكن انا افكر فيهم وهم ما يفكرون فيني والله كريم يكتب اللي فيه الخير ان شاءالله الله يتمم لي على خير

أنا ما عندي خلفية عن العسكرية ولا عن أنظمة قطاعاتهم ولا طبيعة إجازاتهم ..

لكن اللي مستغربته إن أبوك متوفي في يونيو يعني الشهر اللي فات شلون لك خاطر ماشاءالله علييك تتزوجين الشهر الجاي حتى لو بدون عرس ! عارفة شنو يعني بداية حياة جديدة يعني مطلوب منك تتشيكي وتدلعي وتتمكيجي وتضحكي وووووو الخ والقائمة تطول !! هذا وإنتي تقولي إنك أخر العنقود يعني غالبا مافيه حد مع أمك في البيت إذا أعرستي وإذا إنتي مو طايقة البيت مرة فهي بعد مو طايقة البيت ألف مـرة اصبري شوي جلسي معاها واسيها وخليك حولها لما تتجاوز هالفترة !!

الأفضل تنتظري لما العدة حقت أمك تخلص وبعدها تتزوجي لا تعملي عرس كبير لا شوفولكم صالة صغيرة واقتصروا المعازيم ع المقربين .. خلي أمـك تفرح فيك وتزفك .. هي محتاجة شيء بعد العدة ينعشها ويطلعها من الجو اللي كانت عايشة فيه .. ترى مو حلوة بحقك تطلعي من بيت أبوك وإنتي بنت وهاذي أول فرحة لك كذا .. وأزواج أخواتك صحيح مالهم دخل ... لكن هم نصبوا أنفسهم يدافعون عن حقك يمكن بحسن نيـة ولا وش مصلحتهم يوقفون في طريقك ! بحكم إنك تقولي ماعندي سند ف ما يبغوا حد يلعب عليك .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

مادام كذا
من حقك وحقه تتزوجي في اجازته
طيب وين عمك خالك
ازواج اخواتك مالهم صفه رسميه