السلام عليكم.و كأني كنت في غيبوبة و صحيت. قبل اتضايق و اتوتر لأني على الاغلب ما اعرف احلل الوضع صح.الحمد لله وايد اشياء قاعدة توضح لي مع الايام.
الزبدة من هالمقدمة اني خلاص فهمت اني سجينة و لازم اتحرر.ارجوو من الي يدش موضوعي يساهم و لو بالقليل و بالدعاء الكثير.
صار لي سنوات متزوجة،زوجي حارمني من اشياء واااايد!للحين مو صايدة التكنيك المفيد للتعامل وياه في هذي البند تحديدا! كل يوم اقعد الصبح اعرف انه يوم بايخ! روتين و يوم طويل لا انيس و لا ونيس! انا وحيييدةبكل ما للكلمة من معنى ! زوجي مشغوووول طول اليوم،ونهاية اليوم يجي يحط راسه وينام.
_اهلي بعيدين و باقي الاقارب علاقتنا فيهم رسمية منذ الصغر او مقطوعة بسبب المشاكل! لذلك خيار الزيارة غير متوفر الا حسب فضاوة زوجي.و زوجي مو فاضي لي !
_زوجي و الزمن علي!مانعني من سواقة السيارة.هذا يعني ان ماكو طلعات الا وياه و للأسف هو ما يطلعني😊 شيء اسمه ترفيه كشتات طلعات سفرات مستحيل محدووفة من قاموس علاقتنا!* تصدقون صارو خواتي يحزنهم وضعي و ساعات يخبون طاري طلعاتهم و حتى سفراتهم خوفا على مشاعري!مع اني دائما اظهر قوية قدامهم و مو مبينة لهم ان هذا الشيء ماثر فيني.بس هم شايفين و فاهمين! اولادي صارو يتحسرون على اماكن الالعاب !
_و علاوة على ذلك مانعني اشتغل او ادخل دورات !

اتوقع وضحت الصورة.أنا_يمكن بعيد_ بين اربع طوف..
الزواج بالنسبة لي خنقة و حبسة و ملل و تقييد و شخص يهندس لك كل شيء وإن رفضت يا ويلك يا سواد ليلك ! حااااااولت وايد أتأقلم مع وضعي السيء والله ما قدرت! صاير الشيء اووفر علي،حتى اهتمامي بعيالي صاير مو ذاك الزود قاعد يفتر وااايد.
والله حاولت اتكيف مووو قادرة!و إذا رجع شافني حزينة ومتضايقة يزعل علي.اقوله انت السبب مو مقتنع! ما ابغى احسد و لا احقد على احد،بس انا ودي اصير مثل كل خلق الله مثل ما احب أنا و أتمنى و أستاهل!
و كأني في عقاب أبدي !

المطلوب:
_رحم الله والديكم دعواتكم طبعا،و ثانيا علموني اشلون اقنع هالرجال يغير من نفسه و افكاره.و كأني متزوجة واحد شايب علما بانه يا دوبه في بداية الثلاثين.يا ناس ابغى اطلع و اروح و اجي و استانس و اتطور و اعيش

الله يكون بعونك
هو عارف انك متضايقه من وضعكم ؟؟
جربتي مره تكلمية و وضحتي له اللي تريديه ؟؟؟

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

عيالك مايحنون عليه طلعنا

الله يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

زوجي حسب تحليلي شخص اناني و ديكتاتوري و عباله فاهم كل شي و الناس ما تفهم شي! الناس تهتم للتفاهات و الشكليات و هو الي يهتم بالاساسيات و المهم. يضغطني وايد عشان بس لا يظهر قدام اهله و الناس انه غير فكرته او ان احد قدر عليه لذلك كبريائه عالي و مؤذي! عايش عزوبي ما يبي يتغير عليه و لا شي! ما يبي احد يغيره و لا احد يطالبه بشيء دايما يكرر اذا بسوي شي بسويه من نفسي! انسان ضد الحوار و النقاش.انسان مع الروتين و التشبث بأفكاره و صوته الداخلي. عزوبي و ما يبي يحس انه متزوج،يقضي يومه كااامل لنفسه. و طبعا كبرياءه ما يسمح له يتودد لزوجة بطلعة او سفرة.شخصيته جاااافة حاااد و انتقادي و جبان أيضا يخاف التغيرات و ما فيه شدة مغامرة و لا تغيير!
غيور و غيرته متعبة بالنسبة لي!


يدري اني متضايقة،و المضحك يقول اذا كنتي متضايقة لا تضايقينا وياج! احساس ماكو!.
فاهم الزواج غلط،ماكو متعة في علاقتنا على جميع الاصعدة.
يدري اني متضايقة بس هو اهم شي في ايده مفتاح البيت و سويج السيارة يروح وين ما يبي و يرجع وقت ما يبي!

جربت مرات وايد اتكلم وياه،و اقول له شنو الي راح يخليني مرتاحة و سعيدة و ع الاقل مستقرة نفسيا! اذا اقول له متضايقة نفسيا يستهزىء يقول خلاص تبين اوديج الطب النفسي؟ و ساعات يقول هذا كله من المعاصي و الذنوب!! و الله ماتعبت نفسيا هالكثر الا يوم تزوجته ! انسان متعب من جد! يضخم السلبيات و ما يتقبل مني اي شي و كأنه في معركة وده ينتصر!!

انا محتاجة تكنيك كامل حتى صياغة الكلام وفقا لشخصيته ابمذكورة اعلاه! لأن و الله مو جاي ع بالي شيء ينفع وياه

عيالي اعمارهم اقل من ٥ سنوات.اذا حنوا عليه بطلعة وداهم لجدتهم او كلش كلش وداهم البقالة😊دااايما يقول لي لا تعودينهم على عالسوالف!!
تخلف وي الكل

حاولي تقنعيه تتوظفي استعيني باهلك يكلموه

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

انتظري يكبر اولادك وتنفك ازمتك
كلهم يشدو كثير في البداية بعدين يفكون ولما تروحي مكان وترجعي حسسيه بالفرق في نفسيتك الحلوة ومزاجك العالي
يصير يخرجك اكثر
الله يصلح حالك

أسأل الله أن يشرح صدرك و ييسر أمرك

هل إمكانياته المادية جيدة ؟

ماهي إهتماماته و هواياته ؟

هل مبادئة متخذها من جانب إجتماعي أو شرعي أم ماذا ؟

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

حاولت اقنعه و ما فاد اكثر شي يتحجج ان راح يقل عطائي لعيالي.ركزي قال عيالي ما قال اهو.يعني ساعات وفقا لكلامه احس وجودي في البيت مربية😊
لذلك كتبت الموضوع لعل احدهم يتقذني كيف اقنعه و اقوله انا مليت من نمط هذي الحياة!"
نقطة اني استعين بأهلي يقنعوه نووو وي!علاقة زوجي بأهلي رسمية و ما يعجبونه كثير عشان يصيرون مقنعين بالنسبة له،و اضافة الى ذلك هو ما يحب احد يتدخل بينا موووولية.
يعني لازم انا اكون بطلة القصة و انقذ نفسي بنفسي 💪