|
مسويات فيها الولود الودود واخر شي يرمينهم عندنا
سبحان الله حتى الاباء ما تحملو عيالهم زمان والدي كان غير عن ازواج خواتي انسان عنده طوله بال ويتحمل اطفال بشكل كبير رغم انه ع مشاريف الستين الا انه عنده سعه صدر ويتحملهم الاحفاد كلهم بنات الا واحد ولد واذا اجتمعو كلهم يدخلو عنده في مجلس وياخذن الريموت ويشغلين قنواتهن ويجلسن عنده اللي تمسكه من شعر واللي تصرخ عليه واللي تشغل اناشيد اخر صوت واللي يلعب بالاضواء تقولي دي جي واذا رحت افزع له يقول لي خليهن مو اول اشوف اطفال نحن قد ربينا كثير ^^ لما شفته كذا متكيف رحت وخليهم اسمعه يقول لهن عادي العبو وصرخن باعلى صوتكن عادي وهن يعني ماصدقين .. مشكله اذا فكرتي تحلي المشكله بطريقتك الوالدين يقفو في وجهك وهما اللي معطين تصريح لعيالهم يسببو فوضى اذا قلتي ارتحنا كم ساعه ولا يوم واحد يتصلو عليهم ليش ماجيتو؟؟؟؟ |
تعالي يختي تعالي بالاحضان ماحدش حيفهمك غيري
والله قبل يومين نمت وحسيت اني اول مره انام بشكل كافي ورحت سالتهم ايش صار اول مره اشبع نوم ؟؟حسبت وضع مو طبيعي في شي غلط؟؟ طلعو حد راح نزهه وحد راح سوق افتقدنا الخصوصيه حتى كوب شاي ما تقدري تحطيه اي مكان لا امسكيه في ايدش حتى تخلصيه ولا بتحصليهم صبغو لك البيت بالشاي مو متعودين يكونو معانا اطفال والحين فجاءه صار معانا عيال خوات تطردي اختك من نزهه ولا تتحمليها وتاخذيها معم وتقضي يومك كله تربي وتبدلي وتاكلي ومطاليب وتتنازلي عشان الاطفال لايمرضو والله صارت بعض تفاصيل الحياه مملة منهن اففف كدرتي لي مزاجي انا كان نسيت مشوار امس الملي بالازعاج لا وياريت بعد الازعاج والروتين اللي قضيناه سمحو لنا ننام مثل الخلق والله صرت اشحتهم مكان عشان ننام بس وماشي يفقد عصابي وخلا كل اطفال العائله وحده يدخلو غرف وشخبطو ع كتب وشطرو دفاتر !!! لا والامهات ولا عبالهن يجابين لي اوراق ممزقه هاذا لك؟؟ لا سلامات مو لي لجيران كله كوم واسلوبهن معهم وقت الاكل ينرفزز عادي يفسد الاكل اهم هز ياكل ويمد ايده ع اللي يريده وهم يسو اللعاب الناريه وانتي بعدين نظفي معهم ب ختصر للك السالفه حريم اليوم مو حق تربيه وعيال ف مفروض يطبق عليهن قانون الصين انه كل وحده تجيب طفل ولا اثنين اما الي مسويه نفسها الولود الودود وترمي عيالها عند الناس تتقصر |
الله يكون بعونك , اذكر صديق لي عنده خوات خمس متزوجات واخوانه اربعه متزوجين ويتجمعون كل خميس عند بيت ابوهم الشايب الكبير وطبعاً كل وحده جايبه 3 اولاد اقل تقدير والبيت بيت حكومي مايتجاوز 300 متر مربع وازعاج ولجه ويتهاوشون مع بعض وصراخ والثلاجه اذا جو فاضيه ، بسبب الوراعين ، المهم ابوهم الكبير الشايب جمعهم وقال كل وحده احدد لها يوم تجي زيارتنا موكلكم تزورونا بالخميس وحدد لهم الوقت الساعه 10 مساء الكل مغادر لبيته والي ماينفذ كلامي قسماً بالله العصايه الي بإيدي لكسرها على ظهوركم نعنبوكم شايب عمري بالتسعين زوجتكم ابي منفعتكم وماهي حاصله الا المضره والازعاج بعدها اصبح البيت هدوء ونظام وموكلهم يجون بيوم واحد ...
لكم الحق تنزعجون لان الصغار الله يصلحهم طاقات وحيويه ومايقعدون من مكان لمكان وهذا جزء من نموهم هم ماينلامون يحتاجون بديل اما استراحه يطلعون فيها او ملعب او صالة ترفيه اما اذا قعدوا بالبيت ابشروا بالازعاج وخاصه وقت الاجازه والصيف... |
عيال الولد اللي ساكنين في بيت ابوهم
لهم حصانة عند الام😅 الله يعين خوات المتزوجين و المتزوجات معذورات والله الحل يا أقحوان. انك تحطي قوانين وتكوني الرئيسة عليهم بما ان امك حفظها الله مداريتهم و تاركتهم يأخذون راحتهم. وأمهم. مطنشة مالك الا تحطي قوانين و عقوبات انا ما اعرف كيف لعبهم او هل هم صبيان ام بنات. بس حددي لهم مكان معين يجلسون فيه عقاب للي يرمي شي على الارض. ينظف المكان كامل او اي عقاب يتناسب معك وفيه فائدة للمنزل و الهدوء. |
😂 قتلتيني وانتي تقولين سباق هجن
طبعا اهنيج يا اقحوان ويا اسعد فتاة على طولت بالكم 😂 يبيلكم درع بعنوان ( زرع المجانين يحفظه رب العالمين ) هم فعلاً بعض الامهات چذي يفكرون تولد من هني وتقطهم من هني .. وعبالها عيالها الظراف اللطاف جدا المؤدبين جداً .. اللي وين ما تخليهم ما يتحركون عبالها تُحف .. عندي صديقة واختها صديقتي عندها ولد واختها بنت تخيلي وقت الوجبة شنو يسوون .. يخلون لعيالهم في صحون كل واحد بصحن ويخلونهم ياكلون بروحهم ويمسحون العيش والروب والذي منو في السيراميك وعلى الطوف وهم يصورونهم سناب ويضحكون انه انقهر وانه ما لي خص! أو يجون بيت ابوي كل اسبوع ، يتركون عيالهم يعيثون في الارض فساد هم من الاهل فيعتبرون الامر ميانة يدخلون المطبخ .. يكسرون البيض و يصيون الماي وسط المطبخ وياكلون فوق سرير اختي وامهاتهم يضحكون ويصورون سناب.. 😂😂😂 طبعاً ما املك طولة بالكم من يطلعون اليهال بره الغرفة عطيتهم نداء مُزلزل تعالووووووو اهنيه .. وعلى قولتج يبدأ سباق الهجن .. هم تقريبا 5 بنات بعيالهم بس وحدة منهم ما تخلي بنتها تقوم من مكانها ما تحب هالحركات ومن اشوفهم بياكلون فوق سرير اختي عطيتهم النظرة اللي يقولون ( اصلا ما نبي ناكل فوق السرير ) ولما صرت اشوفهم ياكلون ويمسحون يدهم بالطوف .. قعدتهم جنبي قلت لهم شفتوا اياديكم الصغيرة الوسخة قالوا ايييي قلت لهم حاليا فيها جراثيم واااايد اذا ما انغسلت بالماي الجراثيم بتاكل اياديكم وبتظلون بدون ايادي 😂😂😂😂 وصار البكاء الجماعي والغسيل الجماعي وصاروا تقريبا تقريبا ماشيين عالعجين اقول حبيبتي استفردي فيهم يوم واحد بدون وجود الوالدة واعطيهم قوانين صارمة اللي يتجاوزها بيحصل شغله أو كلمي الودود الولود بهدوء عل وعسى تتفهم |
لازم يخافون من احد مو معقولة
احنا نروح بيت اهلي ونلتقي ب ـ13حفيد الهم ببارك لكن يموتون من ابي واخواني لما ترتفع اصواتهم او عملو فوضى واحد من الشباب يتوعد بس خلاص لكن رغم ذلك متعبين الموجودين البارحة كانو 8 لو شفتيهم نزلهم ابي للبحر لما طلعو الرمل في كل مكان يتضاربون من يستحم الاول امي من الصبح وهي تطبخ ما كفتهم ولما ما احب ارسلهم رحمة بهم يغضب ابي ويقول ايش دخلك من اشتكالك هم كذا الاجداد على قلوبهم مثل العسل تحسينهم يتحملون اولادنا اكثر منا لكن بما انك مو جدتهم مش مطلوب منك ان تتحمليهم لذلك لو منك اكلمها مباشرة منك لها انكم محتاجين راحة ولا ترسلهم في كل الاوقات باسلوب جميل ومن غير ما تسمع امك |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|