السلام عليكم ورحمة الله وبركاته


انا عندي مشكله مع خطيبي مدري وش اسوي معه
ماعمري اخطيت بحقه ولا عمري رفعت صوتي
دايم اقول له سم ولبيه وحاظر اضغط على نفسي عشانه
يخطي بحقي واقوله اسفه
يهضم حقوقي واسامحه
احبه ايه وربي احبه واغليه
بس مدري ليه هو يعاملني بجفا وقسوه
دايم ابديه على كل الي حولي
دايم احط اناس بكف وهو لحاله بكف
حرمني من اني ازور خالتي اخت امي بحجت ان ولدها كان خاطبني وروحتي تزعله وقلت لبيه وسم وحاظر مااروح لهم هم يجون ايه انا اروح لا
قالي تسكنين مع اهلي بسوي لك جناح متكامل عشان وضعي المادي لايسمح نطلع برى قلت له ياقلبي مو مشكله اهم شي ماتضغط على نفسك ولا تبداء حياتنا بالديون
وبعدها قالي غرفه وحمام وبس وقلت له ابشر مايهم دام وضعك مايسمح مابي اضغط عليك يابعد روحي
وصار كل ماطق عود بعود قالي المهر والمهر تنازلي عنه او خلي ابوك ينزل منه
مع ان مهري 40
حاولت ارضيه ولا فايده
كل يوم يطلعلي سالفه
حتى يوم يتصل على يقولي انتي خسرتيني مكالمات ؟؟
ويوم يجي عندي ويزورني مايكلف نفسه يجيب معه هديه زي ازواج صديقاتي
ولا يوم يجي يسبب لي مشاكل مع اهلى
مره احسه كريم ومره احسه بخيل ومره احسه يضغط على بالأوامر
ومره مدري وش يبي
تعبت معه وتعبت من اسلوبه معي وللحين صابره وساكته
وله اسبوع مقاطعني لايرد ولا يرسل لي
اتصل يعطيني مشغول ولا يقفل الجوال

مدري وش اسوي
صغر سني خلاني احبه
وصح ان سني صغير بس ماعمري حسيت اني بنت صغيره معه
عقلي اكبر من عقله
اوزن امور كثيره هو مايوزنها
هو متهور وانا لا
انا اصبر على الضيمه وهو اي كلمه مني يسببلي هوشه تجلس ايام واسابيع

انصحوني وش اسوي معه
هو زوجي ولا ابي اضلمه
ولا ابي اسبب له اي مشاكل واحراج له

وربي اني ساكته ولا علمت اهلي ولا علمت احد ابد عن افعاله معي وهذي تصرفاته معي وحنا بفترة خطوبه

ولا لو يدري الوالد يطلقني منه

بس ساكته عشانه زوجي وانا اتبع احاديث الرسول صلى الله عليه وسلم

انصحوني وارشدوني

الله يجزاكم خير يارب

أدعو لي بالزوجة الصالحة ,, اللهم أرزقني الزوجة الصالحة