السلام عليكم ورحمة الله وبركاته

والله ماارف شون ابدي قصتي بس انا متزوجة صار لي اقل من شهر بعد خطبة دامت سنة ونص يعني اخذت من الوقت الكفاية للتعرف على زوجي

بس عندي مشكلة بسيطة وابي مساعدتكم ومشورتكم في شلون اتصرف مع زوجي لحل هالمشكلة


المشكلة الاولى هي ربعه.. يحب طلعات الربع وايد لدرجة اتصل فيه صديقه وقبل لا يرد عليه قلت له لا تتطلع اليوم بروحي ابيك معاي علشان لا احرجه معاه
فرد علي بكل سهولة ان اذا الاتصال فيه طلعة راح يطلع معاه... اعرف ان طلعاته شريفة ومايروح مكان مشكوك فيه وربعه اوكي بس ماابي احس انه يفضل طلعات مع ربعه اكثر من القعدة معاي
اهو ما يطلع وايد بس اذا بغى يطلع تصير المشاكل اذا قلت ابيه يقعد معاي او ابي اروح مشوار



اما المشكلة الثانية راح اخبركم فيها وقت ثاني
وجزاكم الله خيرا



الإشراف : تم تعديل العنوان ليتناسب مع المضمون ..

من رأى لا تنكدى على نفسك لان دى احلى ليالى العمر
تزينى وادلعى وقومى بأثارته ولا تجعليه ينزل من نفسه دون ان تتطلبى انت ذلك
هذا مجرد رأى بسيط واترك الباقى لاهل الخبره الاخوه الاعضاء
وعلى فكره يوجد موضوع مشابه لموضوعك ربما يفيدك
وفقك الله لما يحبه ويرضاااه

__________________
سبحان الله وبحمده سبحان الله العظيم

اللهم بارك فاطمه واحفظها من كل سوء

والله هى بنوته واحده ولكن بسبعه ما شاء الله
= = = = = = =

يا حبيبتي الحال من بعضه
بس بقولج شي علشن توفرين على نفسج الوقت والجهد
الزعل التبوزيم الصراخ البجي
كل هذا ما ينفع
الريال هذي عادته
نصحوني خواتي بالحل التالي
والله اني متردده اقوله علشان ما يستغلونه الرجاجيل ويعرفون شفرتنا
المهم
الحل هو انج اتطنشين
وتبينين لزوجج انه عااااااااااااااادي وانج كوووووووووووول
لا وانه انتي وايدد مشغوله ومو مهتمه وايد لسهره
وحاولي تقضين وقتج بشي مفيد
قيام قران نت كتب
بس مو تنامين عنه
ترى اذا رجع ولقاج نايمه بيقول جان زين طولت ويا الربع اكثر !!!!!!!!!

ام لسبعة اطفال مشكورة على الرد بس سبب طلعته موب تقصيري معاه بس اهو يحب طلعات الربع يقول يحس نفسه محبوس معاي وخصوصا ان صار له شهر اجازة من ردتنا من السفر للحين مع بعض

مشكورة عذوب على المشورة الحلوة والله انه هالفكرة كانت في بالي وقلتها له بلحظة عصبية قلت له اني ماراح افتكر فيك وطلعت والا رديت مابتكلم علشان لا نختلق المشاكل بس الطريقة اللي جت هالفكرة فيها كانت غلط لان بلحظة عصبية فقلتها بغير وقتها

بس ان شاء الله راح احاول اتجاهل طلعاته واشغل نفسي بشي بس لفترة قصيرة بختبر ردة فعله لاني ماابيه يتعود على الطلعة ويصير عنده شي عادي كوني متقبلة طلعاته بنظره

بانتظار اراء اخواني واخواتي بالمنتدى
تحياتي

كل الرجال يطلعون
شي طبيعي يعني

مو معقول انه بينحبس طول وقته بالبيت

وانتي استغلي طلعته بترتيب بيتك وممارسه هواياتك

او اطلبي منه يوديك عند اهلك او صديقاتك

وترجعون البيت مع بعض

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي