السلام عليكم

عمر بنتي 26 يوم وللاسف تحكمت في طريقة ووقت نومها
يعني كل النهار نايمه وفي الليل كل شويه بتفيق من النوم ومره رضعه ومره حفاضه ومره ما بدها تنام

في طريقه بقدر من خلالها اني اعيد تنظيم وقت نومها انها تنام في الليل وتفيق في النهار


يا ريت تفيدوني وتساعدوني
تحياتي

حبيبتي لسه بكير على التنظيم

الطفل في هذا العمر لا يدرك تعاقب الليل والنهار

وسوف ينتظم نومه لاحقا لما يكبر شوي

وعليكي انت محاولة تعليمة تقوس لمعرفة الليل:

مثلا حمميه حمام دافئ

شربيه اعشاب دافئة

اخلقي الانوار واخلقي جوا من الهدوء

على العكس في الصباح حاولي دائما اذا نام ان يكون في صوت وضوء علشان يعرف يفرق بين الليل والنهار

__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله

حبيبتي لسه بكير على التنظيم

الطفل في هذا العمر لا يدرك تعاقب الليل والنهار

وسوف ينتظم نومه لاحقا لما يكبر شوي

وعليكي انت محاولة تعليمة تقوس لمعرفة الليل:

مثلا حمميه حمام دافئ

شربيه اعشاب دافئة

اطفي الانوار واخلقي جوا من الهدوء

على العكس في الصباح حاولي دائما اذا نام ان يكون في صوت وضوء علشان يعرف يفرق بين الليل والنهار

__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله

لا تخليها تضل نايمه طول النهار لازم تفيقيها من وقت للتاني
ولا تخليها بالنهار تنام في الظلام خليها في ضوء النهار
وممكن قبل موعد نومك بساعتين تفيقيها وتصحصحيها وتضل صحيه
هالساعتين على قد ما تقدري وبعدين تاخد حمام دافئ وترضع وتنام
على الاقل هتنام بعد هالعمله من 3 الى4 ساعاتقبل ماتفيق لترضع مرة تانيه
الله معك ..
هذه طريقه مجربه ان شاء الله لو طبقتيها بتنامي شوي بالليل..
ودمت بخير

__________________

لسة بدري يا دانا عالحكي هادا
اصلا عالشهرين لحالو النوم ببدا ينتظم
هيك بحكولي متفائلة انا
وانا ابني عالمزاج هوة كمان
بس بقول بهمش خاصة كمان اني طول الوقت بغرفة النوم عشان لسة تعبانة وفاتحة التلفزيون
بس لقدام لما ارتاح
حصير عادي بالنهار اقعد فيها او اخدو لمكان التلفزيون التاني في الصالون
وخلص وقت الساعة 9 مثلا او 10 اوديه عالغرفة واشغل قران واطفي الضو
وهوة مفروض من هلأ اعمل هيك بس مش قادرة لاني تعبانة وبحب اتمدد اغلب الوقت
الله يسهل يارب

__________________

شكرا على ردودكم واهتمامكم انا مطوله بالي بالعكس ما الي شغل الا بنوتي حبيبتي ماما بتحكيلي ما حد خلف الا غيرك معجوئه فيها ربنا يخليهم يا رب بس ئلت اسالكم واستفسر بلاش اكون بعمل شي غلط اني بتركها كل الوئت نايمه
وعلى فكره كل اليوم هيها نايمه من الساعه 2 الظهر يمكن وهلئ الساعه 11 في الليل وهي نايمه غير بتاخد رضعه وغيرت حفاضتها وانايمه مش عارفه صح وله غلط لازم افيئها وله عادي ....

لا دانا بقلك الطفل طالما نايم معناته مرتاح
مستحيل تكون حفاضها وسخ او جعانة وتضل نايمة
اول متجوع بتصحا لحالها
والنوم في هالوقت للاطفال يعني قصدي بعد الولادة بكون صحة وكويس
وبساعد على النمو
فاتركيها براحتها نايمة ونامي انت كمان استغلي الفرصة
احسن من الي عندي بالليل بطب الجوع عليه ماشاءالله كل ساعة بصحا يرضع
ماحد عاجبو اشي
الي نايمة طول النهار مش عاجبة
والي بصحا مش عاجب هههههههههه

__________________

اااااااااااااااه...



انا الحين بنتي عمرها 8 شهور والى الحين ماانتظم نومهاااااااااا...





مع اني حاولت بجمييييييع الطرق...

__________________

ماشالله عليك الله يخليلك اياها يارب

في اطفال كده المهم الفتره الي بتنامها طويله كتير بترضع وقتهاولالا لانه لازم ترضع كل من 2-4 ساعات اوقات بيكونوا مرهقين وبناموا ممكن 6ساعات

__________________
اللهم لا اله الا انت سبحانك اني كنت من الظالمين

حبيتي أنا بنتي عمرها 10 شهور وللحين ما أنتظم نومها يعني بالنهار بتلاقيا بتلعب وبتاكل وبتنام أما في الليل أحاول أنيمها وما في فايدة بالغصب حتى تنام لا وكل ساعتين ثلاث تصحى
لكن في وحدة نصحتني أنو بس تنام نامي معاها والله وأنا إذا ما عندي شي على طول أول ماتنام أنام معاها
معلش رح تتعذبي وكلنا نتعذب بس الحمد للله على صحتهم وعافيتهم

__________________