السلام عليكم ورحمة الله وبركاته :-
اتمنى اني القى حل عندكم ..
تعرفون الشغالات شر لابد منه ، ولاني موظفة جبت شغاله حبشيه مؤقتة لاني اجي بعد بنتي
لكن الشغاله ذي مدمنة مسلسلات تركيه وكم مره اقولها شوفي المسلسل اذا بنتي نايمه عمرهه 4 سنين وماعودتها على المسلسلات ، ومااقدر اجيب غيرها لأسباب اولها ان راتبها قليل 1600مقارنه برواتب الحبشيات الحين ماببين 1800-2000 وشكلها رضت بعرضي للراتب لانها مالقت احد تحمل جلوسها على التلفزيون. والسبب الثاني ان بنتي تحبها ومرتاحه لها وهي حبوبه معها .
وبسبب ظروف حملي اخذت اجازه من الدوام ، وقلت لها انا باقي على ولادتي 3 شهور روحي الحين اشتغلي في بيت ثاني واذا دخلت التاسع تجين ، وراحت ونظمت وقتي وحوّلت دراسة بنتي العصر اريح لي ، لكن بعد شهر اتصلت علي وقالت بجي ولا مااقدر اجيك اذا دخلتي التاسع الا اذا تزيدين راتبي ، طبعا رفضت ازيد الراتب لانها تلعب علي تحسبني مضطره وبرضى وانا فعلا مضطره اجيبها بالنفاس، وبعدها اتصلت علي بعد يومين قالت انا احب بنتك ومااقدر اروح بيت ثاني عشانها خلاص بجي بنفس الراتب ، انا ادري انها تبيني لان الشغل بالبيت قليل ولانها تحب التلفزيون مو بنتي .. هي جتني صارلها اسبوع قايمه بشغلها بالبيت وماعندي مانع تقعد على التلفزيون اذا ماعندها شغل ، لكن مشكلتي اذا بنتي تابعت معها ، احيانا اسهر مع بنتي وانا تعبانه وتصحى الشغاله الساعه 2 تقولي نامي وانا بقعد معها ، انا اروح انام بس ماارتاح كل شوي قايمه وافتح الباب عليهم الا هي تشوف مسلسل وبنتي معها ، كذا مره اكلمها بالموضوع ماتفهم ، وتكذب وتقول توي حطيته واذا سألت بنتي تقول ان الشغاله تقولها انا بشوف التلفزيون وانتي الايبود ولا بزعل عليك وماالعب معك وتسكت بنتي عشان تلعب معها ، انا مستحيل اخلي بنتي عندها الا احيانا انام لان عندي اضطرابات بالنوم هالفتره ومع ذلك ماارتاح بنومي بسببها كل شوي صاحيه.
انا ابي طريقه اذا اقدر اثبت التلفزيون على قناة وحده ماتتغير ، او اي طريقه غير الرقم السري لاني بعطيها الرقم اذا طلعت مشوار حرام تقعد لاشغل ولا تلفزيون وغير كذا ماابيها تروح لاني فعلا ذقت طعم الراحه وخاصه اني الحين بالثامن ولا راح القى شغاله ارخص .
واسفه على الاطاله*

__________________
قمة الألم ..
أن يكون الزوج آلة صراف
والزوجة آلة تفريغ رغبة..!!

موضوعك بسيطوالحل
عدلي نوم بنتك
بمعنى خليها تنام تسع بالكثير الساعه عشر
عشان تصحى الصبح الساعه تسع
ولاتخلينها تنام الظهر
ربحذي ترتاحين انتي والخدامه

__________________
اللهم احفظ لي زوجي وسخره لي واحفظ لي اولادي

انتبهي منهم ترا الحبشيات يخوفون ولله انتبببببببهي منهم والله يستر عليكم يارب ويحفظ بنتك يارب

ياسلام
ووش اسوي لك طيب
انتي مخليه بنتك بيد وحده غريبه
بجد ناس مستهتره
بروووووووووووووووووووب

موضوعك بسيط شيلي القنوات وابدليها بالقنوات المحافظة كالفلك والمجد

__________________
يارب ابدل حزني فرحا وسرورا وابدل مرضي صحة وعافيه ياكريم

الله يعينج بس بجكارتج استغلاليه وجافت بيتج مافيه لاشغل ولاكرف قالت هذا المطلوووب عزيزتي وانتي غلطتي يوم رديتها الخدامات مايننعطن ويه لو تكرمينهن وتحترمينهن وترحمينهم يركب فوق راسج ويستغفلنج

الله يعينج عزيزتي وان شالله تلقين حل للموضوع

كل شوي، قولي لها افتحي قناة الأطفال للبنت ..

اول شيء مبروك على الوظيفه
مو انتي الي سبق اشتكيتي من الفراغ >>> لا بد من الهذر

المهم انتي على وجه ولادة
وبنتك صغيره
لا تزعلينها مشي الموضوع لين تطلعين من الاربعين
ما احد نافعك غير شغالتك >> يصلح شعار
وإذا قمتي بالسلامه
غيريها لو بزيادة فلوس.. والله يكون بالعون

الله يعينكم اختي الكريمة

لكن نصيحة جيبي خادمة بكفالتكم رجاءً


زميلي بالعمل مازالت ابنته الى الآن بالمستشفى وأسأل الله لها السلامة ان شاء الله

بسبب خادمة حبشية ليست بكفالته

جاء بها بأقل من هذا المبلغ الذي تدفعينه وكانت لا يعلى عليها وامتدحها امامنا على الفطور وكم هي رائعة

اتصلت زوجته تبكي وتنوح وذهب مسرعاً للمنزل

ليجد ان ابنته الصغيره بعمر 5 سنوات معتدى عليها بضرب مبرح وتم ربطها وادخال غطاء الوسادة برأسها حتى لا ترى شيئاً نهبوا كل ما في المنزل وهربت هي ومن معها تم التبليغ عنها لكن العتب عليهم كان اكبر من العتب على ما فعلته الخادمة

فكيف تستأمن بيتها على خادمة هاربة وهو كيف قبل بذلك

يا اختي الكريمة انتي محتاجة الى خادمة جيبيها على كفالتك وتحت رعايتك

كثير من الناس لاحل أمامه الا ان يأتي بخادمة ويكون سخي معها ويعلم ابناءه حبها واحترامها خوفاً عليهم من ان تبطش بهم من جهه ولرغبته ان تبادلهم الخادمة نفس المشاعر فتحبهم

بيت اهلي قريب من عمل زوجتي بل لا يجب الا ان اتوقف ل5 دقائق لتذهب زوجتي للعمل واطفالي بأمان عند والدتي

وليس كثير من الناس محظوظين مثلي

فأرجوا الإنتباه لأن هذه العمالة التي تتنقل من منزل الى منزل تشاهد وترا وتنقل للرجال الهاربين من سائقين وعمال اخبار البيت

فيحصل اغتصاب وتحصل جرائم والله تقشعر منها الأبدان ولو سلطت الأضواء عليها لمنع الإستقدام نهائياً

عاشق الجواهر ، الله يستر منهم ، وش يخليني اسهر واتعب نفسي وعجزت اعدل نوم بنتي الا هالموضوع
والله يشفي بنت زميلك ويطمن قلوبهم عليها . والاستقدام غالي الحين ، والله يعين
واشكرك
---
ذكريات لاتغيب هههههه ياألله موضوعي قديم جدا . عموما يبارك بعمرك وبسبب الفراغ رضيت بوظيفه 8 ساعات وبراتب 1500، راتب شغالتي اكثر مني خخخخخ
وهذا انا اداري شغالتي يقولك اثنين صعب ارضاؤهم ( الزوج والشغاله )
الله يعين واشكرك
-- روح الطير شكرا على المرور . تبيني اقولها هالجمله وانا نايمه ؟
-------
روضة مشكورة اختي والله يعين الجميع
------
الدانه . اشكرك اختي هذا الحل اذا فيه تلفزيونين لكن عندي تلفزيون واحد والدش مطلوب عند زوجي
------
عاشق فوفتي .. الله يستر ، اشكرك
-----
ناني ياليت بالي طويل انا بشهري الثامن وثقل وتعب خليها على ربك ، وبنتي عوبا بشكل ماتتخيلنه وعنيده لذلك صايره اطنشها ومااصدع راسي ، اخليها تلعب الين تنام هي من نفسها
---
بالنسبه لاكس زد
اما انك بنت ماجربتي تعب الحمل وغثاه وبسببه تهملين البيت احيانا ،، او انك رجل ماتقدّر تعب المرأه
وبكل الحالتين الله يعينك على نفسك

مشكورين جميعا ...
*

__________________
قمة الألم ..
أن يكون الزوج آلة صراف
والزوجة آلة تفريغ رغبة..!!