عايزة انقلكم مشكلة زوجة وارجو من ذوى الخبرة والحكمة رايهم ..

بتقول ...


من بداية زواجنا من عشر سنوات تقريبا وهو بيهزر عن الزواج التاني ...... كتير ... وكنت لا أظهر رد فعل حتي لا يكبر الموضوع بداخله ...

كل ما يخرج اساله رايح فين يقول اشوف عروسه بهزار .. انت فين بشوف عروسه بهزار ..


في الشهر التاسع من حملي اكتر من مرة .. كل مرة يكون نفسه جدا يتزوج .. في مرة بعتلي صور بنات وقال تختاريلي مين فيهم .. بيهزر .. وانا في الشهر التاسع .. طبعا كانت نفسيتي بتكون تعبانه جدا جداا وابكي كتيييير لكن مش بكبر الموضوع لكي لا يكبر بداخله ...

من فترة طوييييله وهو ينزل بوستات هزار عن الزواج التاني ..

كتير جدا ... واحيانا نكد الزوجه ...

استحملت شويه كتير وبعد ما فاض بيا الكيل .... .... أصبحت ازعل منه ..... وفترات نكد تكون بيننا كتير بسبب منشوراته


ممكن نكون كويسين جدا ... والاقيه منزل منشور عن الزواج التاني دمي يتحرق وازعل ويكون نكد بيننا

اصبح بعض قرايبي يعلقولي علي منشوراته .... بتصعب عليا نفسي جداااااا وببكي كتييييير ... وبزعل منه جدااا .... انا من النوع اللي مش بحكي لاي شخص عن حياتي اي شيء اصلاااا .....

وانا كويسه معاه ... وهو بيحبني ... وعايز يتزوج من باب لما يكون عنده حاجه حلوة ليه ميكونش اتنين .... مش عشان تقصير مني ... وحسيت بحبه جدااااا لما هو حس اني ممكن اسيبه ..


هو يتمني جدا جدااا اني ارضي بزواجه .. ويعملي اللي انا عايزاه ..



سبب مشاكل بيننا كتيييييييير منشورات الفيس .... وهو بيصر عليها ... دخلت شيخ مرة وكلمه ووعدني انه مش هينزل منشورات تاني .... بعد فترة وفي خلاف بيننا قعد ينزل منشورات كتير تاني ...


حصل حوالي مرتين تلاته لما انا بقدر اتكلم معاه عن الموضوع ده ويجيلي نفس وما اكونش مكتومه ... ويوعدني انه خلاص مش هيعمل كده تاني ... فترة وينزل


اخر مرة منزلش بعدها ... ووعدني انه ينزل منشورات شكر فيل تعويض عن ان الناس افتكرت اني مش كويسه معاه وعنده علي الفيس كتي من رجال عائلتي .. نزل مرتين وخلاص .. تلاقيه مش عارف يقول ايه .. وهو كا بيقول ملكيش دعوة احل الموضوع ازاي .. حتي لو فضلت سنين انزل منشورات تعويض ..

لكن الاقي مرة واحده قريبتي تعلق دانا قلت انك تعباه وزوجك بيتكلم عن الحريم كتير ... اتنكد ..

مرة قريبي يقولي خللي بالك من زوجك .. اتنكد

لانه ظلم وانا كويسه معاه .. فهم الناس اني مش كويسه ظلم




بتصعب عليا نفسي جدا جدا


هو مش بيشتغل بقاله حوالي اكتر من سنه وقبلها كان شغله من البيت .. وده سبب اصلا انه فاضي .. ويفكر كتير بالزواج التاني ...

24 ساعه فاضي وانا مشغوله بالبيت والاولاد فترة كبيرة .... لكن بنيم الاولاد بلليل بدري واكون فاضيه له .. لكن هو كتير ملوش نظام في النون والاصحيان .. ينام بالنهار ويصحي بلليل وهكذا

وده طبعا سبب مشكله كبيييرة ... بتخيل لو كان بيروح شغل بمواعيد ثابته ويرجع يلاقيني مجهزة البيت وجاهزة كانت الحياه تبقي جميله وميبقاش كل المشاكل دي موجوده

مكنش عايز يشتغل لكن كلمته كتيييير وان الحياه تبقي حلوة وجميله ومنظمه وهكذا و بعد فترة طويله... بقي يدور علي شغل لكن لس مالاقاش

مكنتش بضايقه بكلامي رغم اني كنت مضغوطه جدا جدا جداا من قعدته لكن كنت بحافظ علي الفاظي جدا ....
وكل فترة طوييييله لما كنت اتكلم معاه وبختار الفاظي
مش بجرحه نهائي ان شاء الله



فاكيد لان هو فاضي عايزني اكون جاهزة له فاي وقت ... بس ده صعب جدا لالتزامات الاطفال ومواعيد مدارسهم وشغل البيت .. لكن بلليل عندي استعداد اكون جاهزة .. لكن هو ممكن يخرج او يكون نايم او احيانا موجود ..


الزواج التاني من حق الزوج ... ماشي

لكن ان الزوج يجعل زوجته علي اعصابها طووول فترة حياتهم وتبكي وتنهار كتييييير وعلي اعصابها كتيييييير علشان خايفه طول الوقت انه يتزوج عليها ... ده ظلم


هو كان بيعمل كده بيحسب انه بيأهبني نفسيا للزواج التاني ... مكنش عارف ان الموضوع هيقلب معايا بطريقه بشعه كده ... لكن النيه الصالحه لا تصلح العمل الفاسد ...

مرة خرج الصبح سالته رايح فين مرضاش يقولي .. شفت مامته بعدها خارجه معاه .. وانا كنت هنام ... لما شفتهم وتخيلت انه ممكن يكونو رايحين يخطبوا عروسه له .. مع ان مفيش حد بيروح الصبح ... لكن ,,, قعدت ابكي كتييييييييير جداااااااااا وانهرررررت واتخيل انه داخل بواحده وحاجات كتير ... صعبت عليا نفسي وبكيت وبكيت

ومراااات تانيه كده اقعد اتخيل وابكي


في كلام كنت حاسه اني عايزة اقوله له بس اخر يوم لنا مع بعض ... وفاتي وفاته طلاقنا اي حاجه


لكن من كتر الضغط مرة قلته ليه .. وهو ان من رحمة ربنا اننا منعرفش معاد وفاتنا ... ولو كنا نعرف معادها كان زمانا موتنا مرات قبل المعاد
وان مينفعش تدبح شاه امام شاه ... ده رحمه بالبهائم .. فما بالك بالانسان ... ليه افضل منتظرة كل تفاصيل زواجه عليا سنين بالشكل ده


لا احرم الزواج التاني ... لكن افض سنين علي اعصابي ويستفز مشاعري بالطريقه دي هو ده الظلم


يهزر هو وانا اتجرح هو ده الظلم


كنت عايزة اقوله .... بس مقدرش اقول ... ان لو اتجوز كان ارحم من العذاب ده كل السنين دي ... ساعتها ممكن اتعذب يوم او فترة لكن مش سنين حرقة اعصاب ... ومقدرش اقول عشان غيرتي انه يعمل كده فطرة



اخر موقف حصل بيننا انه كاتب دعاء عادي في منشور .. لكن صديقه علق عنده ويرزقك زوجه صالحه


رحت له قلتله مش كفايه وجع قلب بقي ... وحصلت مشكله بيننا ...

حاول يصالحني بس مكنتش طايقاه .. وتصرفه بدل ما يرد علي صاحبه يشكر في زوجته اللي هي انا زي مانا كنت عايزة تعويض يحسن سمعتي اللي سائت بسببه... عملي بلوك

وبيحاول يصالحني لكن مش طايقاه بجد

فالاخر كلمته لكن في قلبي جرح كبير

كان نفسي اسيبله البيت .. لكن افكر انه حرام الخروج بدون اذنه

كان نفسي ادخل اهلي ... وعمرها ما حصلت ابدا طول حياتي معاه ولا مره .. لكن خفت ..


كان نفسي اخد رد فعل كبير لكن معرفتش


كان نفسي اقول لاعلي عايزة حقي منه .. عذابي طول السنين دي وهو مقتنع انه غلط في حقي لكن معرفش يصلح

بعتله رسايل لو مدير ضرب موظف بالقلم امام الشركه كلها .. وجه ناداه في مكتبه واعتذرله .. حتي لو الموظف كلمه واتحرج .. لكن هيرضي ويحبه ؟


قلتله لو انت جعان وانا فضلت قاعده وبهزر معاك واقولك نفسي اقوم اعمل وعماله اصالحك ومقمتش فالاخر عملت حاجه ... وانت فضلت جعا .. هترضي؟



حاليا انا نفسيتي تعبانه منه جدا


نفسي اخد حقي منه

نفسي تحصل اي حاجه تهدي نفسيتي من ناحيته


مش عايزة الموضوع يعدي يومين نكد زي كل مرة وخلاص وهو بيعمل اللي هو عايزة فالاخر وكمان عملي بلوك عشان يكون براحته من غير صداع


رغم اني انا الي كنت كتير بزعل واعمله بلوك من منشوراته

مش بنزل حاجه عنه زي ماهو بيعمل ابدا

مش بتكلم عنه وحش لحد ابدا


نفسي نفسيتي تهدا منه


بفكر هو لو استسلمت وسكت وانتظرت حقي من عند ربنا بدون ما اخد اي اسباب هل كدا صح

الاستسلام وفقط

انا واثقه ان ربنا هيجبلي حقي باذنه .. لكن هل الاستسلام ومعملش اي حاجه خالص ده صح


هو جديا عايز يتزوج ... بفكر طيب اذا مثلا وافقت وقلتله ب تكتبلي الشقه باسمي تعويض بدل ما كده كده عايز يتزوج وفالاخر ميكونش في اي تعويض بالنسبالي

ميجيليش قلب ابدا اقوله موافقه رغم انه كده كده عايز يتزوج .. بعد كل اللاذي اللي اتسبب لي فيه ده


واصلا طيب لو مرضيش ايه البديل...


نفسي فحاجه كبيرة تحصل مش عارفه ايه هي

بس فعلا نفسيتي تعبانه منه جدا


هل لو سكت ومعملتش اي حاجه ودعيت ربنا ..

هل الاستسلام بدون اخذ باي اسباب ده صح؟؟؟؟؟


مرة من المرات وبقوله مش حاسه بامان معاك ...

__________________
الله معى .. الله ناظرى .. الله شاهد على ..

الله يصبرك ويجبر قلبك انتي مجروحة كثير وخايفه من المستقبل ، فكري ف يومك ماحد يعرف وش يصير ف المستقبل ...
اغلب الرجال يفكرون ف الزواج الثاني هذا اذا مو كلهم بس ماينفذون هالشي لاسباب تهمهم ..
زوجك يحبك ومايبغى يخسرك واذا تكلم ومزح معاك بخصوص الزواج طنشي وكأنت مايهمك وقولي له لاتتكلم بذا الموضوع .. اذا خطبت عطني خبر ..
انا زوجي كان يقول راح اتزوج مزح جد اخر شي قلت تبغى تتزوج الله معاك انا مو مانعتك والله بس لاتكثر بربره ف موضوع مايهمني وافكار ف راسك اذا خطبت وقررت عطني خبر وبس !!
وماصار يجيب طاري الموضوع لاني ماابين انه شي مستفز..

توكلي على الله حق التوكل

خليه يتكلم من هنا لمليون سنه
ويكتب الف بوست عن الزواج الثاني
وقولي داخلك: طز

انتي حساسه
زوجك لا تزوج ولا حاجة
وعايشه جو حزن سنين عالفاضي
والناس اللي يتكلموا سكتيهم
اضحكي على هبلهم وتعليقاتهم


حالة الرعب والخوف اللي عايشتها
بتدفع زوجك فعلا للزواج
انتهي مخاوفك حتكون واقع وحقيقة
انا عند ظن عبدي بي
اطلعي من جو النكد والخوف
ولاتراقبي حساباته
ولا تدققي بتصرفاته

والله يا اختي وانا اقرا شعرت بالاختناق الله يكون معك

لا تقولي له روح تزوج ولا تجي منك
لكن تكلمي معه جديا وانه دمر لك اعصابك وما تحبي تسمعي هذه السيرة نهاءيا
وان كررها لا ترضيدن مهما حاول
حتى يعدك ويحلفلك
لو تزوج ارحم من الموت البطيء هذا

قلتي غير موظف ؟؟ مين يصرفك عليكم؟؟
ما بيصير الا اللي كتبه ربك اعرف وحده كانت
تحس مثلك اخر مات قبل لا يتزوج 😂 الله يرحمه

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

هزئيه وامسكيه من ايد اللي توجعه مهو عاطل عن عمل
كيف يتجرا يفكر كذا ؟؟

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

اذا فتح سيرة الزواج
قولي له روح دور لك وظيفة اول
احسن من سخافاتك وتضييع وقتك بالفيسبوك

وقولي له
احمد ربك صابره ومتحمله زوج عاطل لا شغل ولا مشغله


اتوقع بعدها مستحيل يجيب هالسيرة

قاعد يحلم احلام اليقظة و انتي رحتي فيها
كيف يقدر يفتح بيتين و هو عاطل
خليك حازمة معه بشان مزحه السامج
و انتي لا تحطي كلامه بحمل الجد يمكن شايفك قلقانة قعد يلعب على حبل الزواج الثاني
تقولي ما تبيني بس مرات الوجه و لغة الجسد ابلغ من اي كلام
طنشيييييييييي و عيشي حياتك

كان الله في عونك ..أشعر معك تماما..وأنصحك بأن لا تقبلي بزواجه ولا يصدر شي منك يدل على الرضا..على العكس ارفضيه ..الزواج الثاني ابتلاء كبير على المرأة..فالانسان لا يطلب البلاء لكن اذا وقع فعليه الصبر والرضا والاحتساب عند رب العالمين....وكلي امرك الى الله واكثري من الاستغفار..واحرصي على اذكار الصباح والمساء ففيها اللهم اني اعوذ بك من الهم والحزن...اعانك الله

__________________
《 فلولا أنه كان من المسبحين * للبث في بطنه إلى يوم يبعثون》