السلام عليكم
اخواني اخواتي الكرام لكم كل الاحترام والتقدير
ادخل في الموضوع --المشكلة هي حماتي ما بتحبني ---يمكن تقولوا هدا مجرد احساس ،بس اقلكم لا .
وانا ححكيلكم بعض المواقف اللي صارت معي( فيوم الخطبة واحنا جالسين يعني انا وحماتي وعائلتها جالسين بناكل واجت ديقت حماتي وقالتلي انت لما تجي عندك حماتك اطبخيلها الطبخة الفلانية سهله ، رديت عليها وقلتلها ان شاء الله بس ما توقعت رد حماتي قالتلي جربي واطبخهالي لرميهالك في وجهك والله انصدمت من هالكلام . والثانية واحنا لساتنا بناكل انا مهتمه بها وبحطلها الاكل وقلتلها تفضلي حماتي كلي شافت وكانها معصبة وقالتي انا باكل مو محتاجة تعزميني ويوم اكون في بيتك اعزيميني او متعزمنيش ...والله كلامها بيجرها واقسم بالله ما برد عليها ولا كلمة عشان هي ام خطيبي وبحترمها ................... وكمان مره عايرتني لانه شعري قصير ولاني نحيلة وخاصة في هالموضوع كل يوم تعيرني لاني نحيلة وتقلي لازم تسمني انتي مافيكي شي غير العظم وبتقلها بطريقة مو مزح والله ورغم انه خطيبة متقبلني زي ما انا .وفيوم قالتلي لازم تسمني انا ابني البنات بيموتو فيه بس البنات السمينات الشقراوات ..وانا يوم اخدك لعند اهلي شو رح يقولو عليكي ( والحمد لله ما اشكر نفسي بس يعني ما فيني شي يتعيب جمال واخلاق الحمد لله بس هي مصر تحسسني اني ولا شي وانها مستخسر ابنها فيا........................ويوم قالتلي وانا وسط اهلي شوفي انا حماتي كانت مو كويسه معي عشان هيك انا حكون وحشة معاكي انا رتجفت من الخوف ورديت عليها وقلتلها بالحرف الواحد خالتي انا من ايدك هي لايدك هي زي القطة الوديعة اعملي فيني اللي بدك ياه . والله لو حاولت اني اعدلكم اللي قالتهولي لوحدي وقدام اهلي مارح اقدر اعد بس انا انسانة مسالمة وما احب المشاكل وخايفه منها موت لانها انسانة قوية وزوجها المسكين مسكاه في ايدها زي المكنسه وهو انسان طيب ماشاء الله عيه . ...واليوم اخواني وانا جالسه معاها وماما وجارتنا معانا مر كلب صغير حلو كتير من جنبي ولمسته بظهر ايدي وانا بتكلم معاهم ما اخدت بالي وحطيت ايدي عليها اتصورو شو كان ردها .صرخت علي بصوت عالي وهي معصبة وضربتلي ايدي وقالتلي شيلي ايدك عني والله العظيم قهرتني وحسيت انها بتحتقرني
وكل هالشي اللي بتعمله معي ما قدرت احكيه لخطيبي يعز علي اني اقله هالكلام عن امه رغم اني ما رح اقله الا الصدق هي امه ولازم احترمها بس هي ولا بتعبرني واخاف اني يوم احكيله يزعل منها وانا ما احب ازعلهم مع بعض
المشكلة اخاف ما تخليني اتهنى في حياتي وخاصة انه خطيبي ابنها البكر وبتموت فيه وبتحبو اكتر من كل اولادها وقالتهالي ،بتحسسني اني وحده مجرمة سرقتلها ابنها . انا بحاول اعمل كل جهدي معاها عشان احسسها اني احبها اي كلام بتقلهولي اقلها حاضر خلتي الللي تبيه انت الكل .................. بس رغم كل دا ما جاب نتائج وانا انخطبت بابنها من 4 اشهر والمشكلة انها متسانسه مع اهلي كتير
اخواني واخواتي الكرام شو رايكم هالشي اللي بعمله معاها صح ولا غلط يعني انا بتركها بتعملني بهالطريقة وبصبر عليها او اني احاول اوقفها عند حدها وهيدا شي صعب .او اني احكي لخطيبي
شو رايكم الله يرحم والديكم لو تقدرو تنصحوني او تفيدوني باي شي انا بستناكم ومارح انسى جميلكم
واسفه على الاطاله

حزنت عليك كثيرا أخيتي الغالية ..
واضح أنك انسانة طيبة وصاحبة أخلاق عالية ..
الغريب في الأمر أنها تتعامل معك هكذا على العلن ..
أمام أهلها وأمام والدتك أيضا ..
ممكن سؤال : ماهو رأي والدتك في تصر حماتك .؟؟
وهل تصرفت معك هكذا أمام إبنها قط ..؟؟

حبيبتي بحرينية ولاكن ، اشكر مرورك الكريم واجابتي على السؤال هو - ماما والله مقهوره منها بس بتقلي اصبري عليها مهما كان هي ام خطيبك ،بس ولا يوم تصرفت معي هالتصرف امام خطيبي عايرتي وقالتله قلها تسمن انا مابحب النحيلات ، ومن اصله انا ما بحكيلو ولا شي عشان هي هو بيظن انها بتمزح معي

حبيبة قلبي انت

ولاتزعلي حبيبتي

هذي امور بسيطه يمكن هي حابه توريك العين الحمراء


وخاصة انه خطيبي ابنها البكر وبتموت فيه وبتحبو اكتر من كل اولادها


لاتلوميها حبيبتي غصب عنها انت حطي نفسك مكانها


على فكره انت اللي تعمليه معاها تمام خليك طيبه واكسبيها من صفك وشوي شوي بتتغير

وانتبهي لاتقولي لخطيبك عن هذي الأمور


هي بتتغير اكيد لما تشوفك مهتمه فيها وولدها


وعليك بصلاة الإستخاره

والإستغفار

والدعاااااااااااااااااااااااااااااااااااااء على طول لها ولك ولخطيبك

وادعيلها ان ربي يحنن قلبها عليك ويألف بين قلوبكم



وربي يسعدك حبيبتي ويفرج همك وينولك مرادك ويريح بالك

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

السياسة؟؟؟

ما يوقف الحماة غير العين الحمرة

عامليها باسلوب جدا جاف

عشان اوقفها عند حدها

لان انتي اساسا اعطيتيها المجال بان تتمادى

و مراح تتغير بهالاسلوب اذكرك

ان اسلوبها ما راح يتغير

لكن من تستسلمي و تعرفي انها مراح تتغر بسلاسة

فحاولي تكوني جافة معاها

يعني لا تكونين لطفية و على نياتك

لانها راح تتمادى

و اسالي مجرب ولا تسالي حكيم

__________________

اشكر مرورك اختي الكرية (روح الغالي) والله خففتي عني وريحتي قلبي واشكرك مره تانية يا حنونه انتي

شكرا لك اختي الكريمة (ام اليمان) نصائحك على عيني وعلى راسي من فوق ان شاء الله ربي يقدرني واكون لها مثل بنتها وترضى هي عني

اشكر مرورك اختي الكريمة (احلام مزيفة) بس اختي لو تعرفي انا ما اقدر اكون قاسية مع اي واحد عشان انا بتعدب حتى لو ما كنت انا المخطئة بس انا ححاول معاها لين ما ترضى عني واشكرك مره ثانية

هذه مشكلتنى انا الاخرى