السلام عليكم ورحمة الله وبركآته
مآحب المقدمآت الطويله ببدآ.. بسم الله
سبق وخبرتكم عن نفسي أني مطلقه مرتين وكآنت كلها بطلبي أنا
فـ الأول مجبره عليه .. والثآني متزوج من زوجتين وغير عآدل ..
المهم أنا الآن تقدم لي شخص مآيقرب لي أنا من قبيله وهو من قبيله
الشخص هذآ تقدملي قبل كذا أيام طلآقي من طليقي الأول ورفضته
وقتهآ كان شاب لم يسبق له الزوآج والآن تزوج وطلق يعني أنا مطلقه مرتين وهو مطلق مره وحده
وأهله أول معرفوا أني مطلقه من زوجي الثآني خطبوني وآخته تلح علي >(تكفييين آبغاك لآخوي)..؟
أنا محتآره مانعرفهم كثير هم يطلعون جيرآن أهل طليقي الأول..
مآيهموني آهله أبدآ لآني رآح أطلب سكن مستقل خآرج بيتهم وإستحآله أسكن معهم
إللي يهمني بالموضوع هو ولدهم لآنه هو شريكي بحيآتي مو أهله..
وبالنسبه لعدم سكني مع أهله لآن له إخوآن وأنا مآحب أجلس 24 سآعه بشرشف صلآة ونقاب
غير كذآ أهله من النوع إللي كل عصر قهوة حريم ومسآيير وذي مآدآنيها أبد
أنا طبعي بيتوتيه مآحب عزآيم الحريم آبد
أنا تعبت من التفكييير مآ آخفيكم (ودي أتزوج وآستقر) ودي يكون لي شريك محترم
بس كأني حسيت من إخت طليقي الأول إن ولد جيرآنهم إللي هو خآطبني عنده نوع من الهستره +دشآره
وأنا عمري الآن 28 يعني كبيييره ودي أجيب أطفآل ..
شرآيكم أنا قلت لآخته حاليآ أعصآبي تعبآنه من الطلآق ولآ أفكر أتزوج
قااالت لي آجل بخليك ست شهور وبكلمك لآني أبغاك لآخوي أنا وأمي..
أنا خفت لآني ماعرف الولد زين وقلت هالكلآم خفت منه وتذكرت كلآم البنت عنّه.؟
بالله شرآيكم وش أسوي كيف أعرف كل شي عن هالولد..؟
أسآل إخته ..؟ آخاف تقول ميته ع الزوآج أول ماقلت لهآ جلست تسأل عن أخوي
ولآ أرفض وآجلس لين متى مآيجيني نصيبي مع إن إحنا بديره مآيقرب لنا فيهآ آحد بس بيت جدتي
كل قرآيبنا بالرياض بعيدين بس مره خطبني وآحد من عيال عم أبوي
عمره 35 ومعلم ولم يسبق له الزوآج بس رفضته
لآنه الله يهديه رآعي بنات وسفريآت..!
وآخاف مآعاد آنخطب وي خسسسآإرة شبابي سآعتها ..!!
وش تشورون علي أسأل البنت عن أخوها ولآ أرفضه وأنهي الموووضوع نهآئيا"؟ ووش أقول لو سألتها..؟
علمآ هي متزوجه وعمرها 40 وأم لعيال وبنات كبار يعني فآهمه ..
بإنتظآر ردودكم ..

__________________
يَ رب إرزقني من حيثُ لآ أحتسب..~

شوفي سالفة انك تسالين اخته او وحده تقرب له مره
عمته خالته مدري مين
ابدا شيلي هالفكره من راسك لان لو فيه عيوب الدنيا ما بتقول لك
غير كذا الزوجه غير الاخت ممكن هي تشوف اشياء
في نظرها يمكن التغاضي عنها وفي نظرك لا استحاله
لكن خلي احد من اخوانك يسال عنه بالمسجد بدوامه
والجيران وكذا يعني
بس اهله ابدا لا تسالين
واستخيري وشوفي اذا انتي مرتاحه او لا
وكلام البنت عنه يبي لك تتاكدين منه عن طريق السؤال

والله يوفقك ويسعدك

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

والله مدري وش اقولك
بس الي اقدر اقوله لك اسال الله ان يعطيك الى ان ترضي
الله يوفقك يارب

وعليكم السلام ورحمة الله وبركاته

اسأل الله العظيم بمنه وكرمه أن يكتب لك الصالح في أمرك ، طبعاً أنتي تفهمين أنكِ مطلقه مرتين والرجل المتقدم مواصفاته جيده من ناحية العمر والوظيفه وهذا ممتاز ومتكافئين لأن كل منكما من معشر المطلقين والمطلقات ، لكن بالنسبه لكلام اخت طليقك الأول عنه هذا لايغني عن السؤال عن الرجل ربما يكون وصلها معلومات غير صحيحه والإحتمالات كثيره ، اخت الخاطب أعطتك فرصه 6 شهور وهي كافيه جداً للسؤال عنه اعتمدي بعد الله على والدك أو إخوانك للسؤال عنه في مكان عمله في مسجدهم يسألون الجيران وإمام المسجد وبناءً على ذالك يكون القرار لكِ

وفقكِ الله

__________________
استغفر الله الذي لا إله إلا هو الحي القيوم وأتوب إليه

أختي استعيني بالله وشمري وابحثي في عالم هذا الرجل
إسألوا عنه في مقر عمله.. إسألوا إن كان لكم أحد من الأصدقاء ويعمل معه سيأتيكم بالخبر اليقين عنه
في الحي الجيران والمسجد.. ويبدو أن لا مشكلة لديه في الإنتظار حتى توافقي

أخبرينا أختي لما طلق وما هو سبب الطلاق؟؟
حاولي سؤال من يعرفون طليقته عن حالها معه ولكن إياكم والإفصاح بأنه تقدم لك ..

وأرجوك السؤال عن صلاته وخلقه من أهم الركائز التي يجب أن تعتمدي عليها في القبول به بعد الإستخارة طبعاً
ولا تخشي شيئاً حتى لو لم تستطيعوا معرفة الكثير عنه فالإستخارة وسؤال الله سيغينكِ صدقيني ..

حطمؤؤك يااقلبي
بنت السعدي
غريب2010
العـ/الفريد/ـقد
مشكورين على الرد الله يجزآكم خير ويوفقكم لمآ يحبه ويرضآه.

__________________
يَ رب إرزقني من حيثُ لآ أحتسب..~

انا اقول قولي لاخته: يتقدم رسمي لأبوك
وبعدها اسالو عنه
موفقه

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

نصيــــــــــــــــــــــــــــــحه من قلب مكلوم ومتعب من الهموم انا متزوجه للمره 2 وعلى وشك الطلاق وعمري مثلك اخذته والله سالت عنه عند اهل طليقته وذمو فيه انه مو حق حياه زوجيه وكذبت كلامهم وصدقت زوجي وآخرتها وقع الراس في الفاس برغم اني كنت استخير وتطلع لي عنه معلومات ولاكن كنت اكمل قلت خلاص 4 سنوات طلاق تكفي ابغا انستر وهذي النتيجه

أسألي عنه حلفي اهله خذي مكالمه لازززززززززززم بعد الشوفه الرسميه بأذن اهلك ولو شوي لجل تعرفين كلامه ومنطقه اعملي بالاسباب لاتقولين بتزوج وبسال في دوامه وبس ألحي بالسؤال من اخته حلفيها تقول الصدق واكثري من الاستخاره


الحمدلله على كل حال والله يااختي زواجه 2 انحسبت عليه كذا راح عمري معها واعصابي ووقتي ولاكن يارب العوض

والله ماأيأسك ولاكن انبهك نحن المطلقات نضعف ونسلم لريحه امل لحياه جديده ونفكر نجبر كسرنا بدون ماندرس الوضع من كل الجوانب نتغاضى لجل نقول في انفسنا مطلقات مين بيقبل

أسأل الله لك الخيره والحياه الهانئه ولايوريك ضيم ياحق

لا لاترفضينه كذا عشان كلام وحدة
أهلك يسألون عنه سؤال دقيق مع الاستخارة والدعاء وحينها تقدرين تتخذين قرارك

وبالتوفيق

__________________

.
من الشجاعة أنْ لاتهاب الرجوع

الأعضاء ماقصروا ...والله يكتب لك اللي فيه الخير ياإرب ..