السلام عليكم ورحمه الله وربكاته
انا اليوم دخلت المحفوظات بجهاز زوجي لقيت كاتب بقوقل انا مليت من زوجتي
بصراحه يوم شفته انصدمت ماتوقعت ان يقول مثل هالكلام
يعني انا موفره له راحته وكل اللي يبيه مع اني مو راعيه مشاكل ولاشي وكل ماطلب مني شي قلت له حاظر
ماادري وش سبب ملله يمكن لان ماعنده اصدقا وانه بيتوتي علشان كذا مل مني
او ممكن شي ثاني
ابي نصائحكم وان تدعولي ان الله يصخره لي يارب

الملل أمر ماله علاقة بتوفير الاحتياجات .. الملل يجي من الرتابة ومن تكرار نفس النظام كل يوم .. يجي من تكرار نفس الشكل ونفس الكلام .
الانسان يحتاج بين فترة وفترة للتغيير ..
حتى وسائل الترفيه لازم تتنوع بين قراءة . برامج تلفزيونية . خرجات للطبيعة . مشاوير عائلية . اجتماعية . مشاوير خيرية .
والتغيير ممكن يكون بالأثاث وبالأكل وباللبس وبالشعرمن تغيير باللون أو القصة وبالكلام ما بين كلام حلو وكلام نكد ...
يعني سوي لزوجك طوشة وخناقة وبعدها صالحيه يمكن يروح الملل هههههه << أمزح

__________________

شكرا على المرور

وش حقه تفتحي المحفوظات
(( لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ ))
ويمكن لأنك مو راعية مشاكل ..
أخلقيها و أكسري الملل يابنت ..

__________________
ي رب رضاك و الجنة

ههههههه اعوذ بالله من نصايح الحريم

بالنسبه للبحث ما اتوقع انه يعني اي شي
انا وقت الملل اروح قوقل و اسوي بحث عن اشياء ما تخطر ببال احد و اقعد اقرا

يمكن جره الفضول يبحث عن قصص الناس اللي مالين من زوجاتهم من النعيم اللي هو عايش فيه
او يكون فراااااااغ لا اكثر ولا اقل .... اجل أنا وش مسوي ببحثي بقوقل مطلع الشيب برموشه لدرجة اني احيان ابحث ويطلع لي النتائج صفر ... لا يوجد ما تبحث عنه
لا تدققي و بالعكس استفيدي من الشي هذا بشكل ايجابي دققي بنفسك و صلحي أخطائك ان وجدت و إن شاء الله المره الجاية اذا فتشتي بتلاقي كاتب أنا متعلق بزوجتي ..... بس مو تطيري بالعجه تأكدي لا يكون فيه تكملة ( بسبب أطفالي ) هههههههههه
واذا كان ما لقيتي ملاحظات على نفسك شيلي اللاب توب وصكيه على راسه قولي الناس تعاني وانت تسدح و تبطح في قوقل تدور مشاكل خلق الله قم حط راسك ونم .

في النفس البشريه تتوارد الكثير من الخواطر التي لانود ان يعلم بها اقرب الاقربين لانها ببساطه قد تكون وقتية قد تكون ناتجه عن ضغط نفسي او قد تكون وسوسة ابليسيه نتعوذ منها بعد حين واحيانا تكون غير مبررة وتنتهي بلا مبرر ايظا

راجعي خواطرك عن زوجك قد تجدين بعض الكلام الذي لو قرأه زوجك سيثير الحزن والتساؤل بقلبه

وطبعا ضعي كل احتمالات الاخوة من قبلي في الحسبان فقد تكون مجرد بحث في غوغل لايسمن ولايغني من جوع

واجعليها لصالحك واستغلي الفرصة لعمل بعض التجديد

رأيي من رأي الاخوان تراها مجرد بحث من غير معنى ويمكن وده فعلا يغير من الوضع الحالي بينكم نوع من التجديد فقط لاغير توكلي على الله وبادري انتي بالتجديد دوري على عائلة محترمة وتعرفي على الزوجة ومن ثم هويتعرف على الزوج بس يبي لها وقت وتكتك حتى لاتوهقين بناس الله يعلم وشهم غير التغييرات الثانية اللي ما تخفى على الحريم وربي يوفقك...ترى الشيطان حريص وشياطين الانس احرص لاتستسلمين لهم انت ادرى بحياتك وعلاقتك مع زوجك

عليج بالدعاء
اللهم قرب بيني وبين زوجتي واجعل حبي في قلبها وحبها في قلبي واصلح ذات بيننا وأبعد شر الجن والإنس عنا

مرحبا اختي
الملل موجود بالحياه كلها لما يكوووووون فيه روتين
حاولي تجددين من حالك ومن اعمالك اليوميه معاه
يعني اذا اليووم فيه سهره حلوه وحطيتب فيها الورد على الطاوله غيري وحطي شموع
اذا شعرك فاكته لميه وهكذا جددي دايم
على فكره حتى حنا النساء نمل من رجالنا لما يكون طول اسبوعه على نمط معين.
لاتزعلين حبيبتي بلعكس هو مايبي يجرحك دور على حلول.

تقبلي مروري.