رد : علاقتي مع ابوي جدا سئية ارجوكم ساعدوني
والدك ما عنده شهادة جامعية مثلك ... وانت كبرت وصرت معتمد على نفسك ومستقل عنه وما عدت تحتاج له
ولهذا هو خايف ... يخاف تشوف نفسك عليه أو تطلع عن مجال سيطرته فيبدأ بالتحبيط والنقد ... ولهذا ما ينقد شباب عيلتك لأنه ما عنده هذا الخوف منهم . يعني الرجال بالأصل نفسه طيبة ويحبك بدليل أنه يتغير لما يسافر ولو فهمت دوافعه وتقبلته وتعاملت معاه على أساسها بيتغير بإذن الله .
امدحه وشاوره وتقبل نقده بصدر رحب وعلى أساس أنه خوف عليك مو أكثر .
لو انتقد التدخين مثلا وبالغ بتصوير الريحة أو الوضع بالبيت وممكن يشتم ... أنت استقبل كل هذا على أساس وكأنه يقول لك خايف على صحتك يا ولدي ورد على هذي الجملة ... قول له أدري تخاف عليي وان شاء الله وبدعواتك راح أبطله .. حتى لو كان جوابه لك جاف شوي لكن الموضوع بينتهي بسرعة ... مو زي لو ناقشته وكلمة منك بكلمة منه بيتصاعد الموضوع وتعصبوا انتو الاثنين .
أنا تعلمت هذا الأسلوب جديد من ابني ..لأن أبوهم شخصيته مستفزة وبنفس طريقة والدك .. داخله يحبهم لكن كل اللي يظهر لهم النقد والاحتقار .
مرة كان ينتقد بأنه اللي ما يصلي الفجر ما يتوفق بامتحاناته وفلان صار معاه كذا وكذا ... ومن طريقة الكلام والصوت ونظرات العيون كان واضح جدا أنه يقصد ابنه ...
ومع أنه الولد صلى الفجر ونقد أبوه كان مجرد فشة خلق واستفزاز ....
ومع أنه كان الرد الطبيعي والمتوقع انه يدافع عن نفسه ويناقش وينفتح باب مزيد من الاتهامات من الأب ومزيد من القهر والاحباط من الولد بسبب الاتهامات اللي بغير محلها ويتكهرب الجو .
لكنه جاوبه على أساس فلان اللي تكلم عنه الأب وتجاهل تماما أنه كان هو المقصود وبمجرد تجاهله للاستفزاز هديت نبرة صوت زوجي بطريقة ملحوظة وهدي الوضع .
__________________
التعديل الأخير تم بواسطة خاله بيتا ; 30-12-2013 الساعة 12:07 AM
السبب: اضافة جملة