أهل زوجى يفرقون بينى وبين سلفتي في المعاملة
هى من نفس عائلة أم زوجى وانا من عائلة أخرى ( صرت أتضايق كثير لما أروح لهم فى جمعتهم...سلفتى تتواصل معهم بشكل أسبوعي ودايم تسافر مع أخت زوجى ) انا علاقتى مختلفة أروح لهم بين فترة واخرى ...لكن ما اقطع فيهم ابد واحترمهم لما أزورهم ما يتكلمون معاي إلا قليل وعلى قد الموضوع زي المجاملة لي والصمت والهدوء فى الجلسة لكن مجرد ماتدخل سلفتى الثانية يبدأ الكلام والإزعاج والضجيج والترحيب فيهاااا وحتى لو كانو معها وفتحووو مواضيع ادخل انا اشارك بالكلام معهم مايعطونى وجه يسترسلون معها هى بالحديث عن نفس الموضوع زي اللى يحسونى إحنا مع بعض وانتى غريبة ليش أنا مو كرسي ولاطاولة ولا بدر منى شى غلط حتى بنتى لاحظت هالشى فى زيارتنا لهم تقول ماما محد يكلمك أرحمك إنتى مسكينة تحاولين اتدخلين نفسك فيهم حتى سلفتى نفسهااااا ماتكلمنى ابد إلا إذا تحدثت معها فقط ماعمرها بادرت بسوالف ودايم لما أجى فى جمعتهم أخت زوجى وسلفتى طول الوقت أحاديث جانبية مع بعضهن بعض حتى لو كنا احنا 3 فقط واعرف الحديث مو عنى لكن عيب مو أخلاقيات المسلم هذي انا اكره الأحاديث الجانبية وأحيانااا تكون سلفتى جنبي واخت زوجى جنبي اكون انا بالوسط بينهم وكل الحديث موجه طبعا لسلفتى الأخرى وأحيانا أخت زوجى تحط يدها على خدها تريد ان تقول لها شى من بعيد بالسر مثل حركات الابتدائي والأطفال مثلا المزحة بينهم او شى من هالقبيل
مع العلم إني مرحة وكلامى حلوووو واكلم خواته بأسلوب جميل جدا
ومرة أخت زوجى الكبرى ( كنت أرسل لها مسجات على الواتس ..ابارك للعيد او أي شى او برودكاست عادي استغربت منها تقول لى من معاي ؟ الرقم طلع عندي بدون إسم ؟ كيف رقمي بدون اسم؟؟ حتى لو كانت مغيرة مثلا جوالهااما اهتمت توضح لي السبب ليش رقمى مو عندهااا أصبحت مع الجميع رسمية جدا ولا أبادر بأي كلام ولاشى وطلبت من زوجى أسلم على امه وابوه فقط وقت الصباح اوالظهر

طيب مرة شي حلو ...

اهل الزوج كل ما كنتي رسمية معهم كل ما كانت حياتك اهدا لك و لهم

انتي بنعمة احمدي ربنا

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ياهلاا ام خالد شاكرة مرورك ...بالعكس انا احب اللمة والسوالف بس هم بطريقتهم خلونى رسمية جدا ...وان شاء الله استمر على كذا

انتي قلتي هي تمون عليهم اكثر وانتي رسميه معاهم وعلاقتك معهم شكلها مختلف شلون تبينهم يعاملونك زي الثانيه
السلفه الثانيه داخله معاهم كثير وتمون بزياده وانتي رسميه وكل وحده لها معامله
ولا اتتي غلط ولا السلفه الثانيه غلط كلن يحطوراسه على الجنب الي يريحه
وهم ماغلطو معاك ولا حشو راس زوحك عليك ولا طلبو منك تطبخي ولاقللو ادب
ليه تكبري الموضوغ
بالنسبه للوتس انا دايم الارقاموتنمسح ودايم اسال مين ومحد يزغل

ما كبرت الموضوع وانا ماصرت رسمية الاا بعد ماشفت هالااشياء ..ماكنت زمان رسمية معهم )وانتى شطحتنى واجد .وعلى فكرة ما احب كلمة مكبرة الموضوع او حساسة او من هالقبيل ؟؟ادخلى قولى نصيحة او خليك على الحياد ماجربتى الموقف )بالنسبة للواتس انا عن نفسي يستحيل اقول لشخص من معاى الاا اعطية تبرير للموقف ؟اوك اقول مين معاى عادى ؟؟للكن اقولة ليش رقمك مو عندى واحط عذر ؟؟اقول مثلاا جوالى تفرمت غيرت جهازى ؟؟ يستحيل اسكت )

وعليكم السلام ورحمة الله وبركاته ..
مرحباً بكِ أختي الكريمة ..
للأسف ماشاء الله على بعض النساء إلا من رحم الله يكثرن من هذا الأمر ويسمى النجوى ( النجوى من الشيطان)
الله سبحانه قد نهى عن النجوى وبين السبب ..
قال الله تعالى:
{ إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا
بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ }
الرسول صلى الله عليه وسلم قال :
"لا يتناجى اثنان دون الثالث فإن ذلك يؤذي المؤمن والله يكره أذى
المؤمن"
أغلب مجالس النساء هكذا تجلس إمرأتين أو ووو وتترك واحدة ..وهذا ليس من إحترام المجالس أبداً ..
أُقدر مشاعركِ تماماً ..
مافعلتيه هو الصواب اذهبي لزيارة أمه في أوقات تشعركِ براحة نفسية بعيداً عن هذا الأمر الذي يكدرك ..
لكن نصيحة مني لاتنقطعي نهائياً مرة في الشهر احضري الجمعات هذه !
وجبر الله قلبكِ بكل ماتُحبين ..

مساءك سكر سر الحياة ) الله يكتب الخير (اسعدنى مرورك)

عرفت مشكلتك لانها تشبه مشكلتي مع بعض الاصدقاء بالمجلس

لا تظنين انهم ضدك وبسبب غيره وان هذيك اقرب منك لهم
ابدًا لا يدور في بالك هالشي
اعتبريهم صديقات بالعمل

مشكلتك يا اختي انهم مو متقبلينك لله في الله يعني مو حاقدين عليك بس ما يستمتعون معاك

راح تقولين لي انا مرحه وسوالفي حلوه
وانا مصدقك ماله داعي تؤكدين لي هالشي بس هم مو مستمتعين معاك
قد يكونون سخيفين بس هم مستمتعين مع بعض وانت مالك ذنب

واصليهم وقللي زياراتك لهم تقهوي وامشي

وعلى فكره قد يتغير شي وتصيرين انت المرغوبه واللي دمها خفيف الدنيا غريييبه

اهلاا اخوي بدوى ( الحكاية مو بالرفض او القبول ما اجبر احد على مطلقااا ... ولو كانت لهم علااقات مع بعض جميلة ويرتتاحون لبعض عليهم بالعافية ممكن يستمرو على تواصلهم ولاا يزعجنى ابد هالشي ؟؟للكن اللى يزعل فقط الااحاديث الجانبية اللى مالها لزمة ... يعنى مثلاا اذا بينهم سوالف خاصة مكن يحكوها لبعض بالجوال ..او فى وقت ثانى ...وليس فى وجودى انااااا )...ههههه وحتى لو تغير الوضع وصرت انا المرغوبة ؟؟ لاايهمنى هذا الشى ابد لاانى رسمت خط لنفسي دون رجعة لهم )لى معارفى وصديقاتى وزوجة اخوى كفاية ))ثانكيوووووووو على المرورررررررر (منور)

مرحباً اختي الحبيبة ...
اعجبني رد بدوي حساس منطقي كثير ...
وماألومك إذا تضايقتي من الأحاديث الجانبية أنا تصيرلي وفعلاً مو من الذوق ولا الأخلاق
يتناجى اثنان دون الثالث ....
شوفي فية ناس مايعرفون يجاملون ابد يعني يبين الفرق في معاملتهم لـ ناس عن ناس ...
انتي حطي هالشي في بالك انة مو منك ، منهم وهذا مودهم وسلفتك ماشية مع مودهم ..
اذا صار فية احاديث جانبية وخاصة اذا انتي بينهم قومي غيري مكانك ، وإذا بعيدين لهي نفسك
بأي شي كأنك مو مهتمة لو تدقين على احد وتسولفين والا في الواتس اب ....
آخر نصيحة لا تغيرين طبيعتك عشان احد وهالكلام اقولة لنفسي قبل ما أقولة لك ...
اللي بيحبنا يحبنا على طبيعتنا ماراح نتغير عشان احد ...!
ودايم وانتي عندهم فكري في اللي يحبونك ويحبون مجالستك وهذا كافي مو كل الناس
بعقلية وحدة ويستحيل نرضي كل الناس اهم شي احنا نكون راضين عن انفسنا ...
الله يسعدك ويبعد عنك كل مكروة .

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة