السلام عليكم اخوتي
سعدت بتفاعلكم مع المواضيع وارائكم النابعه من الاخلاص للسائل
فشجعتموني على التسجيل في المنتدى وطرح مشكلتي عليكم
وارجو منكم ان لاتحرموني من ارائكم
مشكلتي ..
اولا انا وزوجي ساكنين بشقه لوحدنا وبمدينه بعيده عن اهل زوجي واهلي
لنا تقريبا سنه وشوي و ماعندنا اطفال
المشكله ان ام زوجي اتصلت عليه وطلبة منه انه ياخذ اخوه يسكن عندنا
اخوه الحين بثالث متوسط وتبيه يكمل الثانوي حتى عندنا
عشان اخوه ينتبه له لانها خايفه انه يدشر عندهم او يفسد
زوجي دوامه 10 ساعات وغير هذا نظام شفتات يعني كل اسبوع وقت
انا رافضه انه يجي
اولا لان وجوده بيضايقني بشقتي وماراح اخذ حريتي لا انا ولا زوجي
ثاني اني بصير مسؤله عنه لان زوجي اغلب وقته بالدوام ولا نايم
ثالثا لانه بياخد من وقت وجود زوجي معي اذا جاء انا الحين وبالياله اقعد معه لان اليوم يضيع مابين
دوام ونوم كلها كم ساعه اللي نقعدها سوا
غير اني مااعرف احد بالمدينه اللي انا فيها يعني زوجي الوحيد اللي بسولف معه واقعد معه
زوجي مو عاجبه انه يجي ومقتنع بكلامي بس
المشكله انه مايبي يقول ل امه لا ومستعد يضغط على نفسه عشان امه
خايف ياثم
بس انا ماني مستعد اضغط على نفسي واضحي براحتي وسعادتي
لو انها اختبارات بس ماعندي مشكله بس هذي سنين 3 سنوات ثانوي غير المتوسط غير ان بغى يكمل عندنا يعني مو سالفة شهر شهرين
افيدوني كيف اتخلص من هالمشكله مع العلم ان والد ووالدة زوجي على قيد الحياه
وعنده اخوان اكبر منه 2 متزوجين وقريبين من عندهم
وفيه بعد 2 غير اللي بيجينا