السلام عليكم للجميع

سؤال لجميع المتزوجين
أنا صار لي أكثر م سنه متزوجه
واكتشفت إن زوجي يخوني مؤخرا
كيف أتعامل معه ومع خيانته إذا هاذي أولها
فكرت بالمكاشفه وإني أتخذ منه موقف
وبعد ما هديت أعصابي ...قلت أنا ما أخترته إلا م بعد ما استخرت ربي ولو انه ما به خير لي ما كان ربي يسر لي الزواج منه
أبيه يترك اﻷمور اللي ما هي بزينه
أبيه يرجعلي زي أول
تقولون وشلون عرفت بخيانته
عرفت م جواله قبل ما كان يرفض يعطيني اياه
وأول ما طلبت اتصل م عنده وقف جنبي وهذا اﻷي خلاني اشك كنه مخبي شي
وصار يسويله باسورد وبالليل يقفله ع غير العاده
ويوم م اﻷيام شاء ربي إني الاقيه مفتوح وافتحه واشوف اللي ما توقعت إنه يصير موزع رقمه والبن حقه
ومتعرف ع بنات ومسوي روحه يبحث عن الحب والعاطفه


أنا ما ابي اذكر تفاصيل علاقتنا.... بس ما كان ف اي سبب يخليه يسوي هالشي
حتى ف سهراته ولا طلعاته ولا عمري شكيت م ذا الشي
كله أحاول أكون متفهمه لعمله ولظروفه ولنفسيته
وإني ما أكون نكديه
هل كل الرجال كذا؟؟؟!!!! ﻷني انصدمت فعلا فيه
ﻷنه اخر شخص ممكن اتوقعه منه
والله قهر توه ما كملنا سنه زين ويصير كذا..أجل لو عجزنا وش بيصير بعد أكثر*


أنا اليوم الي عرفت ما قدرت اطالع فيه...
وبعدها صرت أتناسى وأحاول أتقرب بطريقه ثانيه غير المعتاده

أتمنى أشوف نصايحكم ولكم الشكر

أختي الكريمة فرج الله همك و أصلح زوجك و رده لك مردا جميلا
جميل جداً تصرفك فالمواجهة في هذه الأمور لا تجدي على الأغلب
أرى أن تستعيدي توازنك و تغيري من أسلوبك معه وتجديد نمط حياتك معه سواء مظهرك الخارجي ومنزلك و أسلوبك في العطاء ،،، و أيضاً تقدمي له النصح الغير مباشر لرفع الوازع الديني عنده ولتعزيز مخافة الله في نفسه عن طريق محاضرات أو ايميلات أو رسائل الجوال أو ذكر بعض القصص للعظة والعبرة
وبداية التغيير بالدعااااء و اللجوء لله و الاستغفار فهو مفتاح التغيير للأفضل
استعيني بالله و لن يخيب الله من دعاه واستعان به و التجاء به
وفقك الله لما يحب ويرضا

__________________
[img]http://im33.***********/edShu.gif[/img]

اختي وضعك مطمن
وتصرفك سليم وقادره تضبطين نفسك

نجي لمشكلة زوجك ما اعتبرها خيانه بدرجه كبيره زوجك يستمتع ببرامج التواصل الاجتماعي وعايش جو وهمي
وهالجو اللي عايشه فيه متعه عند الكثيرين منا للاسف لان يعيش حب واوهام وعالم خيالي ويقول اشياء ما يقدر يقوله بحايته الزوجيه

ورفضه لاعطائك جهازه امر مشروع حتى لو ما كان عنده خرابيط

في سوالف خاصه بينه وبين اصدقاءه او مخزن معلومات سريه وهذا من حقه

زوجك مبتلي بهذي البرامج التافهه لا اقل ولا اكثر
يعني مو عاشق وحده من الاخر كثر ماهو لعب وحب استكشاف الله يهدينا وياه

تقدرين تصارحينه وتطلبين منه يلغي هالبرامج وينتهي الموضوع
بس قبلها سمعيه قصص ومحاضرات دينيه عن الخيانه واللعب في بنات الناس
بعدها راح يستحي ويمسح هالبرامج عالاقل علشان خاطرك

جزاكم اله خير ع كلامكم الطيب
أخواني بديع المعاني وبدوي حساس
إن شاء الله بغير م اﻷشياء اﻷي كنت أسويها
وأكسر الروتين
مع إني دائما أحب أكون متجدده
بس ليش شخص يختار يعيش وهم وعنده واقع كله عاطفه وألفه وكل ما يتمنى
اللي قاهرني إنه هو اﻷي دايما يشيد بتعاملي معاه
ويعتذر م تقصيره
وأنا أولى بالكلام اللي يقوله لغيري..
أنا مهما عبرت ولا سويت ما أسمع إلا "فديتك" لا أكثر
كنه بفلوس يقوله
ومع غيري يقوله ويتفنن فيه

أنا خايفه لا يجي يوم وما أقدر اضبط نفسي..

ﻷن صورة الشخص المثالي تحطمت عندي
ما كنت اشوف له عيب...حتى قلة كلامه الرومنسي اعذره فيها واقول يمكن ما تعود ع العاطفه

شخص عمره 30سنه ما هو صغير عشان تغره هالبرامج
بس استغرب
أخاف اكلمه ما اعرف ليش...كني خايفه م مجهول او اني اتفاجأ بشي ثاني
وعلى فكره اﻷي متعرف عليها هي اللي تلعب ع الرجال جريئه ف طرحها لحدود غير اخلاقيه
لا وبعد ترسل رسائل دينيه!!!!
أخوي بدوي حساس..رفضه يعطيني جواله حق مشروع...معك حق
ولكني أوضح إني شكيت ﻷن الطريقه اختلفت

اشهد انه مصلي واخلاقه زينه ومستحيل اني كنت اشك ولو لحظه فيه
بس الشي اﻷي استجد...صرت حايره شخصيه هو اﻷي اعرفه واتعامل معه مدة سنه وكذا شهر
ولا اللي مراسلات البلاك بيري؟؟!!!!!

تعرفين ليش يمدح ويتغزل بغيرش لانها غريبه عنه والكلام معها ببلاش من غيرحسبه موب حب يعني حاله تفريغ عاطفه حتى لو ما يعرفها لانه للاسف الرجال قاموا يتمنعون عن حريمهم بالغزل يخافون تشوف حالها اوتتغير فيعوض ويكذب برع والمسكينه تصدق

إن شاء الله
شكرا لنصيحتك أختي هبه سالم

جزاك الله كل خير يارب