السلام عليكم ورحمة الله
كتبت موضوع قبل كذا ان زوجي مستغلني ماديا وانو جاب لي عياله اربيهم رغم شرطي ايام الخطبه انو مالي شغل بتربيتهم
الجديد اني مريت قبل اسبوع بظرف قوي ممممرا وتوقعته يوقف جنبي بسس للاسف خيب ظني بشكل مستحيل كنت اتوقعه وقص وجهي قدام اهلي
انا بعد اللي صار قررت اشيل يدي من مصرف البيت كله يادوب ادفع له قرضه وبس الين الله يفرجها عليه
وقررت بعد ارفض اربي عياله يوديهم ﻻمهم او ﻻمه براحته خصوصا ان البنت صارت ﻻ تطاق وانا احاول امسك نفسي خايفه يجي يوم واتهور واكسب ذنبها
قرار مصاريف البيت قلت له وقال اللي يريحك باقي قرار عياله للحين ماناقشته وياه
انا الحين عند اهلي وبجلس شهرين ﻻنو بدوره واخر محادثه بيننا كانت ع الواتس قبل اربع ايام قلت له فيها خليناا نوقف تواصل عن بعض فتره عشان تهدى نفسيتي قال براحتك ..

كيف افتح معاه موضوع عياله بحيث اني ما اخسره انا احبه وما اتخيل اعيش من غيرهه وبنفس الوقت لو رفض راح اطلب اﻻنفصال لان العيشه مع عياله اكثر من كذا ممممرا ﻻ تطاق تعبت اضغط على اعصابي واجامل بس من جد الوضع صار مرا اوفر واذا ماتداركت نفسي الحين راح اعيش طول عمري كذا ..
سؤالي للرجال لو كنت مكان زوجي يعني زوجتك قالت مابي عيالك وديهم ﻻمهم او طلقني وطلقني هذي مو تهديد انا فعلا لو رفض راح اتطلق
كيف بتكون ردة فعلك خصوصا لو كنت تحب زوجتك ومرتاح معاها
وطبعا مالي غنى عن رأي الصبايا ياليت كل اللي عنده تصور ولو بسيط يفيدني .. انا خلاص قررت اعيش سعيده وابعد عن حياتي كل اﻻشيا اللي تضايقني ..بس مادري هل بيتقبل هوا هذا الوضع وﻻ لا

ممكن توصل للطلاق انتي اخذتي لبشخص وعارفه عياله عنده
الامور الماديه من حقك ترفعين ايدك بس عياله صعبه اختي

تربية ابناءه من زوجة اخرى ليست من حقوقه عليك ولا دخل لكي بهم الا اذا تم الاتفاق على هذا الامر من البدايه .

ربما رأى منك الطيية والتساهل معه وبعض الرجال للأسف ان لم يكن اغلبهم ماينعطى وجه .


كان الله في عونك .

لو كان شرطك من البدايه واضح ووافق عليه انك مالك دخل بتربية عياله
ليش أخلف بعهده معاك وجابهم لك
وليش قبلتي؟؟
كان من أول ماجابهم ذكرتيه بشرطك اللي وافق عليه
شيء آخر
هالشي انتي تعرفينه اكثر زوجك لو يحبك ماراح يخليك عشان ذكرتيه بشرط هو كان موافق عليه
ذكريه وشوفي ايش يقولك وان شاء الله مايصي لك اﻻ كل خير معاه

انتي هلأ عند اهلك و اطفالو معك !!

شو الي خلاكي تتاكدي من حبو الك !!

اختي الحبيبة ، دام الموضوع كان شرط من البداية فمن حقك تتكلمي فيه..

اذا كان وجود البنت عند امها ممكن يسبب لها اذى نفسي جسدي فأنا اقولك لوجهه الله تخلينها عندم لان اسمها بنت وممكن عندها زوج ام ( مادري بالوضع ) ولكن انا عندي وضع البنت غير فاذا بالاساس الام قادرة على تربيتهم و غير متزوجة مثلا والاب يتواصل معاهم وينفق عليهم اذن ليش لا ؟! والدتهم أحق بتربيتهم وغير ان قلب الام اكيد مايقدر على فراق اولادها ..

بالنسبة لطريقة مناقشتك لزوجك بهالموضوع ،، اتركي مجال لنفسك تهدأين حاليا كم يوم وبعدها انتي نفسك فكري بالاسلوب اللي يتناسب مع زوجك لانك اكيد عارفه الطريقة والاسلوب المناسب له ،، بنفس الوقت خلي الكلام يكون وجها لوجه يعني مو من خلال التلفون لحتى تشوفي رد الفعل ولا تجيبين سيرة الطلاق!! لان بالنهاية راح يعتبره تهديد وابعاد لاطفاله عنه! يعني ابدا لاتخيريه بينك وبين الاطفاب صعبة اختي ومهما يكون اولاده ومالهم ذنب بطلاق والديهم مثل ما انتي مالك ذنب ..

تعالي له بالتدريج ،، فمثلا تقترحين عليه يبقون عند امهم وببعض الايام المعينة تخلينهم عندك او اذا مو حابة فتخلين والدهم ياخذهم كم يوم وانتي ببيت اهلك ؟ ،، او تاخذونهم بأوقات اللي تتنزهون فيها منها يفرحون ويغيرون جوو وانتي بعد ومنها يشوفهم ابوهم ... فهميه ان مو بنيتك ابعاد الاطفال عنه او انك تكرهينهم ولكن هذا كان الشرط بينكم وهو وافق ...

ويا حبيبتي ،، قد ماتقدرين قربي اولاده له وانتي بعد اخذي بهم ثواب لانهم ضايعين بين الاثنين وحركات البنت ممكن تكون كرد فعل على هالشي .. اذا كان هو مافيه خير كوني انتي افضل ..

اللي يجتمع على أمر من أمور الدنيا " أحبه ولا أبغى أخسره"
مصيره يزول ... الشي اللي ماتطيقه النفس من البداية
الواحد يكون واضح.. من البداية أفضل .. مايجي بعد وقت
والزوج تعود لان الانسحاب الان اصعب..
وبعض الازواج يوافق عالشرط وبعدين
ينحد ويصير ظرف ويجيبهم .. مهما كان هذول عياله
ولازم يفتح لهم بيت وهو المسؤول عنهم.. يعني بالعقل
معقوله الى الابد بيقعدون عند امهم او جدتهم؟؟
واللي بتتزوج رجل معه عيال تجهز نفسها لهالموضوع
عياله قطعه منه .. يتركهم فتره لين يكبرون ومصير الطيور
تعود لأعشاشها.. هو ولي أمرهم والمسؤول عنهم..

انا شرطت من البدايه انو مالي شغل فيهم ووافق .. بعدها جابهم ع اساس فتره ويرجعهم بس مارجعهم نقل ملف البنت والولد اخذو لدوامي ﻻنو صغير ..
باللنسبه وين يعيشون ام زوجي توها بالاربعينات ومصره انها تاخذهم يسلونها خصوصا البنت لكنه رافض يقول ابيهم تحت عيني بس انا الحين عندي ولدين وحامل بالثالث احس مني قادره اربيهم كلهم خصوصا ان البنت تقارن بينها هي واخوها وبين عيالي حتى لو اودي واحد فيهم للمستوصف قالت اذا اخواني تعبو تودونهم وانا واخوي ﻻ ..
مع اني والله العلي العظيم ما اقصر معاهم خصوصا هي لكن مهما اسوي ابدن مابين غلاويه بشكل فظيع وتنتبه لتفاصيل صغيره اغلبها مي مقصوده او سقطت سهوا لكنها تعلق بذاكرتها وتجلس تعلق وترمي كلام ..
وانا اجلس ادافع وابرر بس خلاص احس اني مراقبه ببيتي مب مرتاحه حتى لو احط روج علقت وسألت
من ناحية يحبني ايه احس يحبني وهو يقول كذا بس الحب مواقف مو كلام وانا للحين ما اختبرت حبه ..
الحين انا عند اهلي وعياله عند اهله ..

كنت مثلج

والحمدلله ربي فرج لي وطلعت منهم


انتي مو مسؤولة عنهم وفوق كل هذا شرطتي ان مالج شغل فيهم


خلاص خلج عند شرطج وهو يتصرف

انتي مو ملزومة فيهم

__________________
لا اله الا انت سبحانك اني كنت من الظالمين

وكيف حسيتي بتأنيب ضمير وﻻ عادي ؟
هو طيب تحسيه متأثر ومشتاق لعياله وﻻ لهى مع الوقت ؟