السلام عليكم ورحمة الله وبركاته ...

أتمنى من جميع الأعضاء الغاليين مساعدتي وثقتي فيكم بعد رب العالمين ...

أنا سيدة عمري 25 سنة وزجي بنفس العمر ..صار لنا متزوجين 3 سنوات وعدة أشهر وعندي منه

طفلين ... وموظفة ومن عايلة معروفة وميسورة ...

زوجي تغير على بعد إنجابي لطفلي الثاني بعدة أشهر ...لاحظته من جفاه لي في العلاقة الزوجية اللي

ماتعودت عليه من قبل ....بعده بشهرين صارحته أني متألمه من تغير على وأحس أني بديت أفقد ثقتي

بأنوثتي ...قال لأني أهملته بعد ما جبت ولدي وانشغلت بالأطفال وكان هذا عقاب لي ... تمنيت يرجع مثل

الأول ..لكنه قال أنه ماراح يعتدل لأنه إذا صار طبيعي معاي راح أرجع مثل الأول أهتم فيه يومين ثلاثه وبعدين

أرجع أهمله...في نفس الفترة بالضبط زوجي تعرف على شخص عمره 45 سنه متزوج وعنده 4 أولاد...

ماعرفني عليهم من البداية ..بعد فتره عرفني على زوجة صاحبه ..كانت طيبة وحلوة وعمره 39

سنه ...حبتني وايد وكانت تلح علي كثير بزيارتها ..لاحظت أنها تاخذ رأي زوجي في في صبغ

بيتهاوديكوره ..قلت تتعامل معاه مثل أمه...بعها بأسبوع طلب زوجي أن نطلع معاهم للسوق علشان يوطد

العلاقة ...كان لبسها لبس بنات من سني وعلى الموضة وتحط مكياج تحت النقاب وتضحك بصوت عالي

قدام زوجي ومغري وزوجها عادي ما يخالف ...بعدين صار زوجي كل مايروح بيتهم تعطيه أكل ..تطبخ غداء

وتتصل على موبايله وتقول له تعال خذه ...مرة مرتين ثلاث ..مليت قلتله يارجال أغار عليك ماله داعي

هالأكل ...قال مثل أختي ...عموما..علاقتي بزوجي ما تحسنت من ذيك الناحية ..حاولت أبذل جهدي

حتل\ى أعتني فيه ..صار يتحجج على كل شي ويحسب لي كل شي في البيت ماقدرت أسويه اليوم مثلا

مانظفتي غرفة الأطفال اليوم ماطبخت عشاء ...وانا موظفة أيام 12 ساعة وأيام 9 ساعات وشفتات

بعد..وهودوامه قصير ..ولاصار يراعي ولايهتم بس يعيرني بتقصيري في البيت وأنا أدرس وإذا جلست على

الكمبيوتر مرة في الأسبوع قال هامله أولادك وجالسه على دروسك...مع إنه من قبل كان متفهم ومتعاون

وروعة...المهم هذي زوجة صاحبه بعد ماعرفني عليها جلست تحكي لي عن نفسها ..وتلمح أمام زوجي

بعد أنها تشاهد أفلام إباحية ..وتمارس العادة السرية ...وانصدمت فيها ..بهذا العمر وتسوي كذا ..قات لها

ما تخاف تموت وهي على هالحال...قالت أن زوجها مايريحها ...وأنها تعرف سحاقيات يبغونها وهي

ترفض ...بعد ما قلت لزوجي عنها ...كان واقف في صفها ...قال أن عادي تشاهد وهي ماتنزل لمستوى

السحاقيات ......قلت الله يهديك عادي ...بعدها زوجي صار يتعمد يقهرني وصارت بين مجادلة وضربني

ضرب مبرح وجاء اهلي واخذوني من البيت ولا احترم ابوي لا هو ولا أبوه ..لأن الضرب في شرع أبوه عادي

يقول أخته تنضرب ولا يدخلوا ...بععدها..كلمني بأسبوع علشان أرجع ورجعت علشان أحسن الوضع وأهتم

فيه أكثر ولا استسلم ..بعها بيوم نادتني أمه وقالت لي أن هذي المرأه سمعتها سيئة وجاذبه زوجي

لها ..زوجي حس أني متغيرة لما يجيب سيرتهم ..وعرف أن أمه قالتلي ...قالي المرأه مظلومة وأمه ظلمتها

لأن أبوه كان معجب فيه وكان يلاحقها وهي متزوجة ..وكانت عمتي على علاقة بهالمراة من سنين جيدة

ومافيها اشكال ....المهم زوجي جلس يقول عن امه انها ظالمة زماتخاف ربها وأنه شاف الخيانه بعيونه يوم

هو صغير وأن أمه تعالجت في الطب النفسي .....المهم رحت لطبيبة نفسية أشرح لها الحالة ..قالت لي

عنده مشكلة وصاير منجذب بالفعل لها ..وسأل أبوي ناس عن هالبيت وقالوا الرجال زين لكن المرأة تحب

الجنس ..كلام خطيرر ...قطعت العلاقة بالتدريج مع هالناس وكانت دايم تحصل مشاكل علشان أنا أرفض

أطلع معاهم للسوق أو أي مكان...زوجي صار يمدح فيها وايد ويقارن بين أكلي وأكلها ..ولا يحترم

شعوري ..وهي مشغلته زي الخدم إذا احتاجت شيء دقت عليه ..وهو عارف أن هذا يزعلني لكنه مستمر

مع هالناس كل يوم والثاني رايح بيتهم لا ..وزوجها يستقبله في المجلس مع زوجته وهي جالسه معاهم

طول الوقت ..وأقوله هذا غلط ..يعبس في وجهي ويعصب ويقول شايفتها كاشفة وجهها ..متسترة وعمري

ما شفت منها شيء...هالمرة من اسبوعين زوجي رجع يضربني ضرب مبرح ويحاول يخنقني على سبب

تافه ...وقلته ليش تسوي معاي كذا أذا ماتبيني أتركني قال أنه صابر على ومل مني ويبي مبلغ مادي

ضخم ويطلقني ..قلت له ما بترك البيت إلا لما تطلق قال أجل أطلعي بره ..كلمت أهلي وطلعت من البيت

على المستشفى وصابني نزيف من ضربه لي ...هو هالحين معاند ومتكبر ومعتبر نفسه مو غلطان طبعأ هو

ماكلمني ولا أعتذر وحاط رقمه على المشغول لما أتصل عليه ...طبعا يرد على هالمره ولا يرد على ..كلمتها

وقلت لها قولي لها أبغى أكلمه يمكن أشوف حال ..ترجته على ما رضى يكلمني ..ويقول اني لو ارفع صوتي

عليه بمد يده مع أني من النوع المسالم ...لا حظت ضعف شخصيته وعجرفته في نفس الوقت ..هالحين راح

أحد من أهلي يكلم أحد من أهله علشان يشوف ويش يبغى ..أهلي ينصحوني بالطلاق ..وأنا ما

أبغى ..لكن بعد ضربه وأهانته لي ...وطلبه فلوسي مني ..مع أني ساعدته طول عمري وقفت معاه

ونكرني ..وقال أن عمري ما سويت شي له ..وكل مايروح بيت هالناس يقعد يذم فيني ..وهالمرأه تقول عن

كلامه عني ..صار سيء ..واحسه مو طبيعي حتى في غلطه ما يعترف ويرمي الحق كله

علي ..أنصحوني ..وساعدوني وفقكم الله

حياك الله غالييتي ام مهودي


اولا يجب ان تهدئ الامور انت من ناحيتك


وتحتوي زوجك


لانه مصيره يعود اليك بعد ان يصحى من غفلته

عودي اليه وعامليه بالحسنى واغدقي عليه حبك


ولا تساليه عنها نهائيا


واعتزليهم لاتخرجي معهم


وربي بيعوض صبرك خير


ويعود اليك


اكثري من الاستغفار والدعاء

شكرأ على مرورك يا فيافي نجد ..وينكم أنتظر ردكم

كلام سليم مئه بالمئه

احتاج اسمع آرائكم أتمنى تتعاونوا معي

انا اقول مثل ماقالو الاخوات

لا تسألين عنه بالمره

ومصيره يرجعلك

وهذا اخرة الاختلاط

والله اختي الله يعينك بس الا مدت اليد يعني انت بنت ناس ومازلت صغيرة يعني لازم يوقف عند حده وتطلبوا رجال يوقفوه عند حده يمكن يخجل لمن تنادو رجال العيلتين ولازم يتعهد قدامهم انو يقطع علاقته بهذه الحرباء ولازم تستشهدي بكلام امه عنها وكمان مدت اليد لازم يتأدب عليها بنات الناس مو لعبه وانت الله يصلحك اصبري ولا تتصلي عليه علشان يحس بقيمتك وقوليلهم اذا مايبيني يطلقني وانا اتزوج سيده لازم يعرف انه في غيره كتير وممكن يجيك الي يقدرك في هدي الحاله يحس انه ممكن يفقد شئ عزيز وغالي وحبيبتي اللي مايعدك مكسب لا تعديه خسارة وعليك بالدعاء ثم الدعاء واسمعي في طريقه انا مجربتها يقولو عنها صلاة الحاجة انتي صليها واتوكلي على الله وهي تحاولي تصلي ركعتين وتقرأي فيها البقرة كامله يعني نصها الركعه الأولى ونصها الركعه الثانيه حطيلك كرسي لمن تتعبي تجلسي وبعدها ادعي الله بانه يصرف هذي المرأة ويبعدها عن زوجك وأدعي ربك باللي تبيه ربي مايردك ان شاالله

لاتتسرعين في الطلاق اصبري ومثل مانصحوك الاخوات ان شاء الله نزوه وتعدي لازم الام تتحمل صعب هو يشد واتني كمان الحياة لالبد تمر بصعوبات وتنهي الله يعوض صبرك خير

اختي
ابوه يلاحق المرأة وهي متزوجة
وأمه جربت الخيانة
وش اللي قطكم على أنساب بهالشكل
أعوذ بالله فيه عائلة بالشكل هذا؟؟؟
طيب والله ما ادري ايش اقولك ؟
ان قلت خليه لين يرجع لك واشرطي عليه لعبت بحسبته الفاسدة وان قلت ارجعي له واضح ان مالك تأثير عليه
الله يعينك وييسر أمرك

أشكر الجميع على مساعدتهم وأتمنى تفسير المزيد من الأعضاء علشان أخذ رأي سليم ..وياترى زوجي يستاهل أرجع له..جاوبوني