أحبتي في الله

كنت مطلقة وعندي بنت كرست حياتي عشانها...لما كبرت قررت إني أتزوج....

وهدفي من الزواج ليس الإنجاب مع إني ما اعترض عليه لكن أريد رجل يحتويني ماديا ومعنويا ويحسسني

بالأمان ويذيقني السعادة بأشكالها ويعوضني حرمان السنين.

وبالفعل تزوجت من شخص مطلق وعنده 3 عيال ما شاء الله .................الله يحفظهم لأبوهم...

واحد موظف,,, اثنين آخر سنة بالجامعة.

المهم:

صارت محادثات هاتفية بيني وبين زوجي فترة الخطبة فبل الزواج..أخبرني فيها أن ظروفه المادية مش

تمام..فهولا يريد الإعتماد علي ولكن يطلب مساعدتي ماديا حتى يتخرج أولاده..سألته عن راتبه لان أبوي لا

يمكن يسأل الخاطب عن الراتب...قال لي 6000 ريال.

** اتفقنا نعيش ببيتي اللي أنا مؤثثته..و بعد سنة من زواجنا ياخذ قرض(30000) ويعطيني إياه مقابل أثاث

البيت لأن حاليا ما عنده..قلت طيب. رغم إن الأثاث كلفني كثير

** اقترح يعطي عياله شهريا 2000 ريال....والباقي لي .........وأخوهم الموظف يكمل مع مكافآت الجامعة

يدبرون أنفسهم..

قلت في نفسي حلو مو بطال...أتعاون معه كلها فترة بسيطة وربنا يحلها.. وتزوجنا

اللي حصل::

من أول يوم زواجنا محفظته خاوية على عروشها..سكت وعطيته يسدد حق الفندق جلسنا فيه يومين..

أي مصروف للبيت أنا اللي اعطيه...أقول له وين راح راتبك......

قال لعيالي والله إني انزنقت مرة معليش...

أنا صراحة استحيت وقلت شكله الرجال بيمر بأزمة مالية حادة...صرت أنا اللي أصرف

تجي فاتورة كهرباء أستحي وأسدد لان ماعنده ..جا وقت ايجار البيت وهو ماعنده استحيت وسددت

حتى ديون كانت عليه سددتها عنه...وساعدته مساااااااااااااااااااااااااااااااااااااااااااااااا اعدات مادية لا حصر لها

إلين جاني احباط

ووالله ما كتبت إلا وأنا محبطة تماما وطفح الكيل عندي..

زوجي فلوسه كلها لعياله..

شهر كفرات السيارة

شهر الإستمارة

شهر مشروع الجامعة

كل شهر أقول الشهر اللي بعده لي للأسف كل شهر ينتظرني شي جديد...

الشهرين الأخيرة شلت يدي من الصرف.. بنسبة 50% بس ما قدرت ما أصرف عندي بنت تعيش معي يعني

لازم أوفر طلبات للبيت..

وإذا ما وفرت عنادا فيه....أفضح خلافاتنا..وأنا ما ودي بنتي تعرف اللي يدور بيننا تكره عمها..خصوصا هو ما

آذاها.

بالنسبة لمعاملته لي:

طيب ويحترمني وحنون...بس لا أكلمه في الأمور المادية.. بمجرد ما اتكلم معاه أصير نكدية وأدور على

المشاكل

أخواني وأخواتي:

****أنا طلبت زوجي مصروف للبيت يعطيني إياه أنا أدبر المصروفات ,,(بما إنه على طول ماعنده قلت يمكن

ما يعرف يدبر ,,,,أدبر أنا ....والنقص أكمله ) قال طيب وما أعطاني

****قلت له حالي حال أي حرمة أعطيني مصروف شخصي.. قال ما تحتاجين عندك........قلت له عندي

بس إنت مسؤول عني...ووالله الريال منك له طعم ثاني لأنك زوجي...وأنا عمري محد أعطاني,,أبي أحس

عندي زوج يعطيني قال طيب و ما أعطاني

****طلبته القرض اللي وعدني بيه........قال إنت مو محتاجته..

قلت هذا حقي احتجت أو ما احتجت..

قال الحين أنا مزنوق وما أقدر آخذ قرض..............يعني لازم أفهم من نفسي ما في فلوس ولا وعود

يا أخوان ويا أخوات:

أنا بصراحة كنت أحب زوجي موت وعطيته من حبي واهتمامي وحناني بلا حدود.,,

عملت بأصلي ووقفت مع زوجي مواقف رجال.....لكن اكتشفت إنه جشع وطماع وعينه على راتبي وبس

أنا بصراحة صرت ماني طايقة زوجي.. وأحس قلبي تغير عليه....وما عدت أثق فيه نهائيا..

صحيح الفلوس مو كل شي,,بس أنا حاسة بالظلم والقهر والإستغلال...ونقض لكل العهود والمواثيق.


عشان كدة قلت له:

تزوج وحدة ثانية,,, (على الأقل يحل عني) ............رفض...أكيد ماراح يلقى واحدة يستغلها مثلي

هل الطلاق في حالتي حل؟؟

وجهوني وارشدوني..وأي حل تقدموه لي يكون بعيد عن تدخل الوالدين لأنهم كبار في السن والمرض أنهكهم واللي فيهم

مكفيهم ...وأنا ماعندي في الدنيا غيرهم...

وسامحوني طولت عليكم....

بإنتظاركم أحبتي ..لا حرمكم الله أجري....

عمره 50

منفصلين لهم ثلاث سنوات

كان ساكن مع عياله بشقة والحرمة عند أهلها..

قبل نتزوج بشهر ...

زوجي استأجر لعياله شقة وجاب أمهم معهم...

يعني ما تزوجنا إلا وهو مرتب وضعهم بالكامل.

أخي الكريم بهاء شكرا لتفاعلك


ما أقدر آخذ إجازة أسبوع ..نظاما الإجازة الاستثنائية تمنح للمعلمة فصل دراسي كامل/// بالنسبة لمصاريف

بنتي الشخصية أنا بأعطيها في يدها//////////// لكن لا بد أشتري مستلزمات للبيت أقلها خبز ,,جبن,,

عصيرات //////// لازم طلبات للمطبخ لو أنا ما أكلت لازم البنت تاكل............بالإضافة إلى طلبات أخرى

للبيت...

نسيت أكتب نقطة مهمة هي:

اكتشفت بعد الزواج راتبه 5000 وليس 6000 ----- يعني كذب علي.. بس أنا ما واجهته سكت ولا تطرقت لهذا الموضوع..


اخوي تونيسان شكرا لتفاعلك

كيف أتأكد من عدم استغلاله لي................

الدلائل كلها تثبت ذلك...

وما هي الوقفة الحازمة التي أقفها؟؟؟؟؟؟؟؟