السلام عليكم
باختصار عندي قروب يضمني انا وبعض قريباتب
هم اختين
قروبنا وبكل صراحه كله حش وسوالف ونقل اخبار
وفيه شوي فضفضه وافاده ناخذ راي بعض بمشاكل او بامور حياتنا
ولكن اكثره سوالف الاقارب و احيانا سوالف عائليه وسياسيه وغيره
من ايام بسيطه طلعت من القروب

انا مشغوله هالايام ومضغوطه
فلقيت اني اطلع هالفتره
ولقيت ان كل سوالفنا حش وسوالف بالناس
لكن بصدق افتقد قروبنا
بعده احس اني معزوله عن الناس
افتقدته لانه اكثر قروب اسولف فيه بعفويه
لو بس بتاكد الشبكه تشتغل ارل قروب ارسل له
اكثر ناس امون عليهم
هل ارجع
وعلى فكره صعبه اغير هو القروب موضوع كذا
ولاننا اقارب اكيد بنسولف على الاقارب
وصعبه احس اني معزوله بدونهم
خاصه اني اعيش بعيد عن اقاربي فهم مصدر الاخبار كلها

الله المستعان لا أدري لماذا مستوى الحش عندنا في خلق الله مرتفعٌ منسوبه بخلاف كثير من المجتمعات اللي مخليه الآخرين بحالها رغم أنه ديننا كثير كثير مايحذرنا من الحش والغيبة والنميمة.
للأسف نحن مجتمعات حقودة وحسوده ولايهنى لها بال إلا لما تشذب في هذا أو ذاك.
بالنسبة لموضوعك راجع لتقييمك لمدى الإيجابيات والسلبيات من عودتك للقروب.

__________________
ياصبحِ لاتِقبل !!
عط الليل من وقتك..

يعني ماتصير وناستكم وسوالفكم الا بالحش!! خليك بالقروب وخلي لك بصمه لو جو يحشو ف احد قولي بنات مانبي ذنب الناس وكذا دام تموني عليهم وغيري الساالفه وهكذا لين تأثري فيهم ويتغيرو

__________________
مضى مامضى والله على المقبلات يعين ..! وعسى الله يزينها على القلب لاشانت~

انا كنت صريحه هو فيه نسبه حش
والنسبه الثانيه تناقل اخبار
فلانه سافرت تزوجت ولدت وغيرها
وطبعا فيه تعليق على هالمواضيع ماادري يعتبر حش او لا
والمجتمع حنا جزء منه
مانقدر نرمي عيوبنا عليه ونطلع حنا بريئين

بصراحه جهاد احاول
مااحب اتشمت باحد ولا اعلق على فشل احد
اخاف من الله وعقوبه ذلك
لكن نناقل الاخبار
مثلا حضرت وحده عشا تبدا تفصل وش حطو وش سو
راحت عند ناس مااستقبلوها كويس تبدى تشتكي ويتخلله اكيد حش
نقد لبعض الظواهر بعد اعتبره حش
انا اشوف الحديث عن الاخرين كله حش
صعب انصح
وحده تقول وجهه نظرها بموقف
ومشاعرها
شلون اوقفها واقول لها عيب عليك

اولاً : كم لكي منقطعة عن القروب؟

ثانياً : لو تلاحظي انك ذكرتي سببين لخروجك من القروب

سبب رئيسي وقوي

وسبب ثاني ثانوي وهو تبريري وتخديري لنفسك

السبب القوي هو انه مضيعة لوقتك الثمين في هذه الفترة الحالية وقوته تكمن في انك اتخذتي القرار وطبقتيه فوراً

اما السبب الثانوي فهو كان لاسكات نفسك التي حنت للرجوع الى القروب او التي لامتك على الخروج منه

خلاصة القول : ان استطعتي الصمود اسبوعين كمان فسوف يبدأ ادمان هذا القروب بالانسحاب من دمك لدرجة عدم لوم نفسك عليه بل والشعور بالراحة لتركه

__________________

مبتعثه الشخص يالله يالله يتحمل ذنوبه فما بالك بالغيبه والنميمه اذا ماتقدري تنصحين لاتسمعين

اتذكر وانا صغيره كانت تقول لي ماما يوم القيامه الله ينزل اللي يغتابون للارض عشان يدورو اللي اغتابوهم ويتسامحو منهم ومايكون معاهم لامويا ولااكل
الكلمه هذي للان اثرها بنفسي رغم الحمد لله عايلتي ماعندهم الغيبه والنميمه لما تتكلمي يردون عليك يافلانه هذي غيبه ونميمه ماتجوز

نصيحه من اخت اتركي الطريق هذى والسوالف ياكثرها ماوقفت على الحش وكلام عن الناس بضهورها

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

انا خرجت من اغلب القروبات
عندي فقط قروبات المبتعثات و مجرد معلومات عن المدينة الي انا فيها

و قروب الطلاب الي بالمبنى الي انا فيه و كلهم اجانب و مرات ما فهم ايش يقولوا ههه

القروبات تجيب المشاكل بصراحة

فعلا شرحت الوضع صح
خروجي منه ليس لسبب ديني
لكن بعد الخروج بدات اعدد السلبيات و الايجابيات
خاصه اني اقدر ارجع اي وقت
لكن متردده

زين ماعملتي
الدراسه والغربه تاخذ وقت
الله يوفقك