سلام عليكم

بدخل في الموضوع على طول

يا جماعة ما ادري , هل انا حساس؟ ولا هي فعلا كلامها وتصرفاتها جارحة؟ صرت ماني قادر احلل الموقف مضبوط , بعطيكم بعض الحالات والمواقف اللي صارت بيني وبينها , وانتم احكمو .

1- اهلها سافرو الطائف , رجعو وجابو لها " حلا " جات وقالت لي : اهلي جايبين لي حلا وابي اروح اخذه , وما ينفع الحلا يجلس الى اخر الاسبوع ( اللي هو اليوم اللي تروح فيه لاهلها) فلازم اروح واخذه دحين . ( اكتشفت بعدين انه الحلا يجلس بالشهور عادي وهي عارفة الشي هذا , بس قالت الكلمة هذه تبي تطلع من البيت . هنا انا اسميه استغفال وكذب

2- كنا جالسين على العشا , قالت لي , جدتي تعبانة ونبي نزورها , قلت لها خليها نهاية الاسبوع , لأنه وقتي ما يسمح , قالت " لا تستثقل زياراتي على اهلي " , مع اني يشهد الله مافي زيارة او مناسبة منعتها منها , كلها راحتها وما قصرت معها . هنا انا اسميه قلة تقدير

3- شفت دجاج مخمج وريحته مش كويسة , سألتها عنه , قالت عادي طبخته , وضحت لها انه ريحته سيئة وانه له عندنا اسبوع , قامت اخذته وحطته مع السلطة وقدمته عشان اكله , واكلته وانا ما ادري انه فيه دجاج , سألتها عنه قالت عادي ممكن يؤكل , قلت لها انا وضحت لك انه ريحته سيئة , قالت: افتكرت كلامك بس كذا كلام عادي وزي ما تجي تجي ( تقصد انها افتكرت كلامي مش جاد وانه عادي حطته على الغدا ولا ما حطته ما يفرق معي ) . هنا انا اسميه قلة احترام وتطنيش لكلامي ولا كأني قلت لها شي

وكثير مواقف صارت وتغاضيت عنها

الحين ابي اعرف , هل انا غلطان لما ازعل من احد هذه المواقف ؟ ولا انا حساس بزيادة وجالس اضخم الامور ؟

عمري ما كنت كذا افكر كثير واجلس احلل الموقف اكثر مرة , عادة اتخذ قراري بإني ازعل او ما ازعل في نفس اللحظة . شي غريب

ملاحظة : عمر الزواج شهرين ونصف , عمري 27 وزوجتي 19


شكرا لكم

كنت بقول رأي
بس بعد الملاحظة اخر سطر
هونت...
الف مبروك الزواج...

تضخمها ،، لا تفسر كثير تقصد اغاضتي تنرفزني تحللها من راسك ،،
شفت الامر تكرر ناقشها بهدوء ممكن ماتقصد فعلا ،،

سالفة الحلا صراحه عاديه يمكن متشوقه وفيه انواع من الحلا
حلاته اذا اكلته مباشره مو يقعد ايام وشهور !

الف مبروك الزواج ،، والله يوفقكم ،،

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

ابد اخوي بدر الموضوع بسيط جدا وبتتفاهمون مع الايام توكم عرسان الله يهنيكم ويطرح البركة فزواجكم ... هذي ماتعتبر شي قدام مشاكل وكوارث يواجهها كثير من المتزوجين
احمد ربك وانا اخوك وادعي الله فكل صلاة انه يديم المحبة والألفة بينك وبين زوجتك

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

قول اللي في بالك ,, ما تدري ممكن استفيد , اشكرك على ردك والله يبارك فيك


اشكركم لردكم , حسيت فعلا ان الامر بسيط بس بعض الاحيان اتحسس , انا شخصيتي اصلا حساسة .

الواحد لازم يكبر راسه ولا بيتعب

خذها نصيحة مني يابو بدر
إذا بتدقق على كل شيء راح تتعب
طنش يابن الحلال

اخوي اولا الف مبروك الزواج...

ثانياً أنصحك انك تخبرها عن كل اللي ف خاطرك. في وقت الحدث دون الانتظار.

مثلا اكتشفت انه الحلا يجلس لشهر، قولها وانت مازح ومبتسم، اجل كنتي ناويه تشردين من بدري لأهلك؟، وهيا وقتها من غير ماتدري توضح لك السبب باجابتها، يعني ممكن تقول لك لا ما كنت ابي يجلس الحلا كثير، او انه متحمسه تروح تسلم عليهم، مالمانع؟

يجب ان تكون بارك الله فيك زوج مرن ومتفهم.

وانا حاب أوضح نقطه مهمه جدا، في حال انك كتمت كل خواطرك لمده من الزمن دون إظهارها بعدم الإفصاح عنها، ربما وقتها راح تنفجر عليها مع التراكمات بالرد عليها وغد تكون لحظة غضب، ومن اثرها قد تقلل حبها لك وهكذا،
لانه تجمع الخواطر لديك قد اظهرتك بصوره لا تمثلك بتاتا لحظتها!


الله يوفقك

..

انا اسميه حساسية

انت الحساس وتكبر المواضيع وتدقق
وترى البنت تطفش من اللي كذا

الزواج جديد عليك ودور الزوج جديد
لذا تتحسس كثيرا من أشياء وأفعال لاتستحق
انت في احلى ايامك ماشاء الله
لاتفسدها بالتفاهات والتدقيق
خلك خفيف دم ومزوح ولاتصير زعول
مثل ماتحب من زوجتك تكون كن لها انت بعد
وأريح لك ولراسك
الكايد قداااام
حمل وعيال ومسؤوليه
اسعدكم الله في طاعته ✋🏻