السلام عليكم
صباح الخير للجميع
عندي مشكلة مزمنة مع زوجتي وحبيت أطرحها لكم لعل وعسى تفيدوني أو على الأقل تخففون علي
أعرفكم على نفسي بالبداية أنا الحمد لله إنسان عاقل وبيتوتي جداً ولا عندي مشاكل مع أي إنسان.
ميسور الحال ولله الحمد والمنة
تزوجت قبل 5 سنوات ومن بعد اشهر لاحظت إن زوجتي ماهي ناضجة ولا تعرف شي عن تعامل المرأة مع زوجها ولاحظت انه لما تزعل أو يصير نقاش تعاملني مثل تعاملها مع خواتها يعني رفع صوت ورد الكلمة بكلمتين
دائما تسيء الظن فيني حتى بالامور الحلوة فمثلا الهدية اذا جبتها لها لمناسبة عيد زواج وكانت في فترة زعل تعتبرها رشوة علشان ترضى وتقول تحسب انه عشان جبت لي هدية بتراضيني!!!
الامور الحلوة اللي اعملها لها كالسفر سويا تنساه وتجحده بل تقول اساسا ان تسافر عشان تنبسط انت ولا انا مجرد تاخذني مرافقة على الرغم من ان سفراتنا كثيرة وحتى بالويكند عندما اراها ضايق خلقها اقول نروح نغير جو. ولكن شفتو النتيجة حتى اني كرهت السفر.
دائما تقول انت بخيل وخايف على فلوسك مني!!! هذا عندما تريد شيئا ارى انه لافائدة منه او مبالغ فيه واناقشها فيه. فقط لكي لاتقولو اني بخيل فقط مصاريف العيد الماضي له ولبنتي تعدت 11000 ريال غير الهدية الالماس اللي جبتها لها بمناسبة العيد وعيد زواجنا. و
موفر لها سيارة وسواق وخادمة. كما ان المصروف الشهري اللي اعطيه اياها كبير وتعتبره بخل وتريد المزيد!!!. على الرغم من ان اهلها مستواهم عادي جدا.
لاتحترمني ابدا فمثلا اخر موضوع حدث كان قبل يومين خرجت لاهلها زيارة قلت لها لاتتاخرون وترجعون مع السواق متاخرين اشعلت النيران والحروب وتقول لي لو انهم اهلك ماقلت هالكلام وغيرة من الاحاديث اللي مالها داعي تقال. على الرغم من ان اباها قال لها مرة لاتخرجي مع السواق متاخرة ونفذت وبدون جدال حتى انها نامت عندهم ليلتها!!!
نحن نسكن في بيت كبير للوالد وهناك جناح لي وماتنظف الغرفة ولا المجلس لمدة شهور وانا احاول فيها بالطيب واللين واحيانا بالقسوة ولكن مافيه فايدة... لما تقرر من نفسها تنظفها طبعا لما تكون وسخة وملابسها في كل مكان... بينما اخوها في مرة طلب منها تنظيف بيت اهلها لان اهاها كانو مسافرين واخوها كان جالس ذهبت ونظفت البيت من غير تردد وبنفس اليوم حتى انها غسلت الثياب.
في البيت عندي هي غير مطالبة لا بتنظيف ولا غسيل ولاطبخ ولا كوي فالخدم موجودين. فقط جناحنا المكون من غرفتين ودورة مياة لاني لا اريد الخدم ان يدخلو بجناحي.
المهم أنا لاحظت القصور فيها وحبيت أوجهها وأعلمها لكن المشكلة هي ماتعتبرني مصدر تعلم لأنها تعتبرني ند لها وراسها براسي
حاولت أرفع مستوى تعاملها معي وأوضح لها إن من حقي الاحترام وغيره ولكن مافيه فايدة
مشلكتي الكبيرة معها إنها ترى إننا واحد يعني راسها براسي يعني مثلا إذا شريت جوال لازم أشري لها جوال وإلا تصير مشاكل كبيرة
احيانا كثيرة الشجار يصل للشتم. وانا لا اجاريها الشتم بل في احيان كثيرة التزم الصمت.
أنا كنت أظن مشاكلنا بسبب عدم نضوجها لكن هالحين بعد 5 سنوات من الزواج و هي دخلت 22 سنة ويبدو لي إنها أطباع ولا يمكن
تتغير
حاولت معها بكل الأساليب وبالتدرج
نبهتها
نصحتها ووضحت لها وعلمتها
هجرتها
لكن مافيه فايدة كل مرة توعدني بالتغير ومع أول مشكلة بسيطة ترجع مثل أول رغم إن فيه تغير بسيط جدا لكن نفس المشكلة مازالت موجودة
ويزيد المشكلة عنادها ويباسة راسها يعني مثلا لاصرنا انتهاوش وأشوف إن الأمور بدت تكبر أسكت عنها وأقول لها اسكتي لكن تستمر
وأحاول أسكتها بس ترفض وتستمر تصب الزيت على النار لين تكبر المشكلة أكبر من أول مية مرة
أنا ما أنكر إني أنا أخطي بعد بس أنا أبذل كل شي لسعادتنا وهي الله يجزاها خير مثلي إلا في المشكلة الي قلت لكم ما أظن إنها تقدر تغيرها
وأنا بكل صراحة ما أقدر أعيش معها إذا استمرت بالطبع هذا رغم حبي الشديد لها لأني ما أتخيل المستقبل معها إذا هي كذا لأني الآن ما أخطي
عليها وهي معيشتني بجحيم فكيف لو أقصر بحقوقها أو يصير لنا ظروف صعبة
أنا طول عمري أحلم بالانسانة البسيطة الي تقدر زوجها وتحطه فوق راسها
حاليا انا هاجرها منذ اكثر من شهر وأنا الآن أفكر بطلاقها نهائيا وقراري ماهو قرار ارتجالي أو متسرع قراري هذا جاء بعد تفكير وإعطاء فرص كثيرة جداً جدا جدا ومحاولة تغير الطبع بكل الطرق
مشكلتي الوحيدة بنتي ذات السنتين والنص الان مامصيرها وماذا افعل بها
أنتظر أرائكم